Levítico 15:31 - Bible in Tzeltal de Oxchuc y Tenejapa

³¹ Jich me ya awaq'uic lecubuc sc'oplal yu'un a te sbaq'uetalic te israeletique, swenta yu'un jich ma ba ya sboltesbonic sc'oplal te awilal ta banti nainemon ta yolilique, soc jich ma ba ya xlajic yu'un a.” Jich me ya xc'o awalic ta stojolic —xi' te Cajwaltique.

Bible in Tzeltal Bachajón

³¹ Hich parte yac awaq'uic a te snich'nab Israel yu'un te bin bohloben sc'oblal yu'une, scuenta yu'un ma ba ya xchamic yu'un te bin bohloben sc'oblal te ya sbohlobtesbe sc'oblal a te nahilpac' cu'un te ay ta yohlilique, xchi te Jehová.

Levítico 15:31 Referans Kwoze

Números 19:20

Teme ay mach'a ma lecuc sc'oplal te ma ba slecubtesej sba, ya me yich' ch'ayel loq'uel ta yolil lum, melel ya sboltesbey sc'oplal te ch'ul awilal yu'un te Cajwaltique. Te bit'il ma ba tsijts'anbil ta ja' swenta lecubtesel, ja' swentail te ma lecuc sc'oplale.

Ezequiel 5:11

Jo'on Ajwalilon te jich ya cal ta jamal swenta bit'il cuxulon, melel la aboltesbonic te ch'ul templo cu'une, ta scaj te loc'ombaetic soc ilaybil sba te awat'elique. Ja' yu'un ya me jlajinex, ma me ba ya jna'beyex yo'bolil abaic.

Números 19:13

Melel teme ay mach'a ya spicbey sbaq'uetal anima, te ma ba ya slecubtes sba sc'oplal, ya sboltesbey sc'oplal te ch'ul awilal yu'un te Cajwaltique. Ja' yu'un ya me yich' ch'ayel loq'uel ta yolil Israel. Te bit'il ma ba tsijts'anbil ta ja' swenta lecubtesel, ja' swentail te ma lecuc sc'oplale.

Ezequiel 23:38

Soc ay to xan yan bila la spasbonic ta jtojol: Ta jun nax sc'aalelal la sboltesbonic sc'oplal te ch'ul templo cu'une, soc ma ba la yich'bonic ta muc' te sc'aalelal cux-o'tanil cu'une.

Números 5:3

Ac'a sloq'uesic bael ta campamento teme winiquetic o teme antsetic. Jich me lec sc'oplal ya xjil a te campamento ta bay nainemon ta yolilique —xi' te Cajwaltique.

Judas 1:4

Yu'un ay mach'atic te ju' yu'unic te la slo'layex te muquen ochemiquix ta awolilique. Ja'uc me to, namey ts'ibubilix jilel sc'oplalic ta Sjun Dios te quechelic ta yich'el castigoe. Melel c'ax amen te yo'tanique. Syantesejiquix ta slejibal smulic te bit'il ayotic ta c'uxtayel yu'un te Diose. Ma xyaq'uic ta ich'el ta muc' te Cajwaltic Jesucristoe, te ja' nax cajal yat'el stuquele.

Hebreos 10:29

¿Ma bal c'axemuc to xan jich castigo ya yich' awaiy te mach'a ya spech'an ta teq'uel te Snich'an Diose, soc te ma'yuc swentail ta yo'tan te ch'ich' yu'un te trato te la yich' ch'ultesel yu'un ae, soc te ya scontroc'optay te Espíritu yu'un Dios te c'uxtaybil yu'une?

1 Corintios 3:17

Teme ay mach'a ya sjin te templo yu'un te Diose, ya me yich' jinel yu'un uuc te Diose. Melel te templo yu'un te Diose, ja'ex abi, te ch'ultesbilexe.

Ezequiel 44:23

“Te sacerdoteetic ya me yac'beyic snop stsajtayel te lum cu'un te bila ch'ultesbile soc te bila ma ch'ultesbiluque, te bila lec sc'oplale soc te bila ma lecuc sc'oplale.

Daniel 9:27

Teme c'ax bael jun xan semana ya me spas trato soc bayal ants-winiquetic. Pero ta olil semana ya me scom ta aq'uel milbil smajt'an Dios, soc ya me scom ta aq'uel yantic majt'aniletic. Mero ilaybil me sba te bila ya yich' pasel yu'un ta sts'eel scajtijib milbil smajt'an Dios, ja' to teme jul te lajinel albil sc'oplal ta stojol te mach'a ya spas te at'el ilaybil sbae —xi' ta jtojol te Gabriel.

Salmos 66:18

Te ayuc bila amen jnopoj ta co'tane, te Cajwaltic ma ba la yaiybon jc'op te jichuque;

Deuteronomio 24:8

“Teme ay ya xtaot ta c'a'el-chamel te ants-winiquetique, jun me awo'tan xach'uunic spasel spisil te bila ya yalbeyex apasic te sacerdote-levitaetique. Jich xapasic te bit'il calojbey mandale.

Levítico 21:23

pero ma xju' ya x'och bael ta spat te pac' t'imile, soc ma xju' ya xnoptsaj bael ta stojol te scajtijib ta chiq'uel majt'anil, melel ay banti ma lecuc sbaq'uetal; swenta yu'un jich ma sboltesbon sc'oplal a te ch'ul awilal cu'une. Melel jo'on te Ajwalilon te ch'ultesbilic cu'une —xi'.

Levítico 20:3

Ya me jcontroin te winique, ya me jloq'ues ta yolil te slumale, melel la yac' te ma ba lec c'ot te ch'ul awilal cu'une, soc la yac' jinuc sc'oplal jch'ul-biil yu'un te la yac'bey jtul snich'an te Moloc.

Levítico 19:30

“Ich'bonic ta muc' te sc'aalelal cux-o'tanil cu'une. Bayaluc me sc'oplal ta awo'tanic te ch'ul awilal cu'une. Jo'on Ajwalilon.

Levítico 13:59

Ja'ic te bitic ya sc'an pasel teme ay señail c'a'el-chamel te ya xchicnaj ta c'u'il-pac'aletic pasbil ta lana, teme pasbil ta lino, teme jalbil pac', o biluquetic te pasbil ta nujc'ule, swenta yu'un jich ya xju' ya yich' alel ta jamal a teme lec sc'oplal, o teme ma lecuc sc'oplal.

Levítico 11:47

swenta yu'un jich ya xju' ta na'el a te banti lec sc'oplale, soc te banti ma lecuc sc'oplale, soc te bila chambalamil te lec sc'oplal ta ti'ele, soc te ma lecuc sc'oplal ta ti'ele.

Levítico 15:32

Ja' te bitic ya sc'an ya yich' pasel te mach'atic ya staic wocol yu'un te ay bila ya xmal loq'uel ta sbaq'uetalique, soc te winiquetic te ay bila ya xmal loq'uel ta sjol sbaq'uetalic te ma lecuc sc'oplal ya xjil yu'une.

1 Samuel 3:14

Ja' yu'un jc'axel caloj te bi ya xc'ot ta swenta te mach'atic ay yu'une. Ma'yuc bi ya xju' ya xlajinbot sc'oplal yu'un, manchuc me ya yac'bon milbil jmajt'an, manchuc me ay yan majt'aniletic ya yac'bon, pero ma xlaj sc'oplal te smulique —xi' te Diose.

Ezequiel 36:17

—Te c'alal nainemic ta slumalic a te israeletique, la sboltesbeyic sc'oplal ta scaj te amen te yat'elique. Te bit'il nainique, mero amen soc xiweltic sba ta jtojol.