Levítico 15:24 - Bible in Tzeltal de Oxchuc y Tenejapa

²⁴ “Teme ay winic ya xway soque, ma me lecuc, juqueb me c'aal ma ba lec sc'oplal ya xjil yu'un te winique. Ja' nix jich te banti ya smejts'an sbae.

Bible in Tzeltal Bachajón

²⁴ Teme ay winic ya xway soc, teme tahot yu'un te sch'ich'ele, huqueb c'ahc'al bohloben sc'oblal ya xhil yu'un; soc bohloben sc'oblal ya xhil spisil wayibal te banti ya xwaye.

Levítico 15:24 Referans Kwoze

Levítico 20:18

“Teme ay winic ya xway soc te ants yorail yac ta yilel xchamel swenta jujun u, te ya sta sba soque, ya me yac' chicnajuc te banti ya xtal xchamel te antse, soc ja' nix ya yac' chicnajuc te antse, ja' yu'un ya me yich'ic loq'uesel ta stojol te slumalique.

1 Pedro 2:11

Quermanotac te c'uxex ta co'tane, ya calbeyex wocol, te jich c'oemex te bit'il jyanlum te beomal nax ayex li'to ta balumilale, ac'a jiluc awu'unic te bila mulanbil ta pasel yu'un te abaq'uetalique te ja' scontro te ach'ulelique.

Levítico 18:19

“Ma me xwayat soc ants teme ay xchamel ta swenta jujun u.

Hebreos 13:4

Ich'biluc me ta muc' awu'unic te nujbinele. Ma me xacapic ta mulwej te bit'il awic'oj abaique, melel Dios ya yac'bey castigo te mach'a ya xyal ta mulile soc te ya yaiy mulweje.

Ezequiel 18:6

Ma ba ya sjoin ta we'el-uch'ajel ta spasel q'uin ta witsetic ta swenta yich'el ta muc' te loc'ombaetique; soc te ma ja'uc ya smuc'ulin yo'tan te lotil diosetic yu'un Israel. Ja' te mach'a ma spojbey yinam te spat-xujq'ue; soc te ma sta sba soc yinam te c'alal yac ta yilel xchamel swenta jujun u.

Ezequiel 22:10

Ay mach'a ya yantsin xcha'me', soc ya sta sba soc yinam te c'alal ya yil xchamel swenta jujun u.

Levítico 15:33

Ja' nix me jich te antsetic te ya yil xchamel swenta jujun u, soc mach'auc a te ay bila ya xmal loq'uel ta sbaq'uetal, manchuc winic o ants, soc te winiquetic te ya xwayic soc ants te bi ora yac ta yilel xchamel swenta jujun u.

1 Tesalonicenses 5:22

Ijq'uitayaic me jilel spisil te bila amene.

Levítico 15:23

Teme ja' ya spic te banti mejts'aje, o ja' te banti najc'aje, puersa ma ba lec sc'oplal ya xjil c'alal yijc'ubel q'uinal.