Levítico 15:14 - Bible in Tzeltal de Oxchuc y Tenejapa

¹⁴ Ta swaxaquebal c'aal ya me stsac tel cheb puliwoquetic o cheb alal stsumutetic, ya me xbajt' ta stojol te yochibal Nailpac' te banti ya yich' c'oponel te Diose, swenta yu'un ya yac'bey ta sc'ab sacerdote ta stojol te Cajwaltique.

Bible in Tzeltal Bachajón

¹⁴ Ta swaxaquebal c'ahc'al ya me stsac tal cheb xpuliwoc o cheb jcolel stsuhmut, ya xtal ta stojol Jehová ta yochibal Nahilpac' Templo yu'un tahojibal, ya ya'be te sacerdote,

Levítico 15:14 Referans Kwoze

Levítico 12:8

Teme ma xju' yu'un te me'il te ya yac' te chije, ya me xju' ya yic' tel cheb puliwoc o stsumut, jun yu'un majt'anil te scojt'ol ya yich' chiq'uel, yan yu'un milbil majt'anil yu'un mulil. Jich te sacerdote ya me sc'anbey te perdón, jich me ya xlecub sc'oplal jilel a te antse.

Hebreos 10:14

Ta swenta jun nax smajt'an Dios te la yaq'ue, jc'axel ju' yu'un yutstesel sbajt'el q'uinal te mach'atic jayeb ya yich'ic ch'ultesel yu'une.

Hebreos 10:12

Yan te Jesucristoe jun nax milbil smajt'an Dios la yac' swenta sbajt'el q'uinal ta xch'ayel te jmultique. Jich la snajc'an sba ta bay swa'el sc'ab te Diose.

Hebreos 10:10

Jich la yutstesotiquix ta jc'axel a te Dios ta swenta bit'il la spasbey sc'anjel yo'tan Dios te Jesucristoe, te jun nax buelta la yac' sba ta lajel sbajt'el q'uinal.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Números 6:10

Ta swaxaquebal c'aal ya me yic' bael cha'cojt' stsumut, o teme cha'cojt' alal paloma, ta stojol sacerdote ta yochibal te Nailpac' te bay ya quich' c'oponele.

Levítico 12:6

“Te c'alal ya sts'acaj te jayeb c'aal te ya slecubtes sbae, manchuc me ch'in querem o ch'in ach'ix te ya x'ayine, pero te me'ile ya me sc'an te ya yic' bael ta yochibal Nailpac' te banti ya quich' c'oponel, jcojt' chij te jun ya'wilale, swenta yu'un ya yich' chiq'uel ta scojt'ol swenta jmajt'an, soc jcojt' stsumut, o jcojt' puliwoc, swenta milbil majt'anil yu'un mulil. Ya me yac'bey te sacerdotee.

Levítico 1:14

“Teme mut ya yac'bon jmajt'anin, te scojt'ol ya yich' chiq'uel swenta quich'el ta muc', ya me sc'an te ja' te jcojt' puliwoc o jcojt' alal stsumut.