Levítico 14:8 - Bible in Tzeltal de Oxchuc y Tenejapa

⁸ “Te mach'a ya yich' lecubtesel sc'oplal ya me sc'an te ya sac' te sc'u'-spac', ya me spoc sba ta scojt'ol, soc ya me sloq'ues spisil stsotsil sbaq'uetal ta scojt'ol, swenta yu'un jich me ya yich' lecubtesel bael sc'oplal a. Patil ya me xju'ix ya x'och ta campamento, ja'uc me to juqueb me c'aal ya x'ain ta yol q'uinal.

Bible in Tzeltal Bachajón

⁸ Te mach'a ya yich' lecubtesel ya me sac' te sc'u' spac', ya squits' spisil stsotsel, soc ya spoc sba scohtol ta ha', hich ya xlecub sc'oblal. Patil ya xhu' ya x'och ta campamento, pero huqueb c'ahc'al ya x'ayin ta fuera yu'un te snahilpac'.

Levítico 14:8 Referans Kwoze

Levítico 11:25

“Mach'auc a te ya sjachbey sbaq'uetal te chambalametic lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil yu'un c'alal ta yijc'ubel q'uinal.

1 Pedro 3:21

Pajal c'oem sc'oplal soc te ja' te ya x'ac'bototic quich'tique, melel ja' ta swenta ich'ja' te ya quich'tic coltayel yu'un ta ora to. Ma yu'unuc ya spocbotic loq'uel xch'ailel jbaq'uetaltic te ja'e. Ja' nax ya calbeytic wocol Dios te yacuc stup'botic ta co'tantic spisil te jmultique. Jich ya quich'tic coltayel ta swenta bit'il cha'cux tel te Jesucristoe.

Números 8:7

Te bila ya sc'an pasel ta lecubtesel sc'oplal, jich ay: Te ja'at tsijts'anbeya te ja' swenta lecubtesel sc'oplale. Ta patil ac'a xjox sbaic ta navaja ta scojt'ol sbaq'uetalic, soc ac'a saq'uic te sc'u'-spaq'uique. Jich me lecuben sc'oplal ya xjilic.

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.

2 Crónicas 26:21

Te muc' ajwalil Uzías taot ta c'a'el-chamel ja' to te c'alal laje. Ta scaj te chamel taote, q'uejel to ac'ot ta yan na yu'un. Ma la yaq'uiquix ochel ta templo yu'un te Cajwaltique. Te Jotam, ja' te snich'ane, ja' la swentain mandalteswanej ta muc' ajwalil yu'un te nacione.

Levítico 14:20

Ya me yich' aq'uel ta scajtijib ta chiq'uel, ja' nix ya sjoin te majt'anil harinae. Te sacerdote jich me ya stabey a te perdón yu'un smul ta stojol Cajwaltic te mach'a yac ta lecubtesel sc'oplale, jich lecubtesbil sc'oplal ya xjil.

Levítico 14:9

Ta sjuquebal c'aal ya me st'axan ta jc'axel te sjole, ya me sloq'ues yisim, te stsotsil sit, soc ta spisil te stsotsil ta scojt'ol sbaq'uetale, ya me sac' te sc'u'-spac', ya me spoc sba ta scojt'ol, jich me lecubtesbil sc'oplal ya xjil.

Levítico 8:6

Te Moisés ora la yic' tel ta stojol te Aarón soc te snich'nabe, la spoc ta ja'.

Éxodo 19:14

Te Moisés coj tel ta wits, tal ta xchajbanel te lume. La yac'bey slecubtes sbaic soc la sac' sc'u'ic.

Éxodo 19:10

Te Cajwaltic jich la yal yu'un: —Baan chajbana te israeletic yo'tic to soc te pajele. Ac'a slecubtes sbaic, soc ya me sac' sc'u'ic.

Levítico 15:13

“Teme ya xlecub te winic te ay swocol yu'un te bila ya xmal yu'une, ya me yajtay juqueb c'aal yu'un ya yich' lecubtesel sc'oplal, ya me sac' te sc'u'-spaq'ue, soc ya me spoc sba ta ja' ta ya'lel sloq'uibja' te yac ta oque, jich me lecubenix sc'oplal ya xjil.

Números 6:9

“Teme ay mach'a ora nax ya xlaj ta sts'eel te nazareo, ma lecuc sc'oplal ya xc'ot te stsotsil sjol yac'oj ta jwenta. Jich yu'un ta sjuquebal c'aal ya me xjox loq'uel te stsotsil sjol, t'axal me ya xjil ta jc'axel, ja' me te bi c'aalil albil sc'oplal te ya yac' sba ta lecubtesel sc'oplale.

Deuteronomio 21:12

Pero neel ac'a yic' bael ta sna, ac'a me yac'bey sjox loq'uel te stsotsil sjole, ac'a set' te yejq'ueche.