Levítico 14:7 - Bible in Tzeltal de Oxchuc y Tenejapa

⁷ Ya me stsijts'an juqueb buelta ta ch'ich' te mach'a ya yich' lecubtesel yu'un te bit'il tsacot ta c'a'el-chamele. Patil ya me yal ta jamal te lecubtesbilix sc'oplale. Te ch'in ja'mal mut cuxule, ya me scoltay bael ta libre.

Bible in Tzeltal Bachajón

⁷ ya stsihtsin huqueb buelta te mach'a ya yich' lecubtesel yu'un te sc'a'el-chamele, c'alal yaloj te lecubix sc'oblal, ya scoltay bahel te tut ha'mal mut cuxule.

Levítico 14:7 Referans Kwoze

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

Isaías 52:15

Ja' nix jich bayal nacionetic jchajp nax me q'uinal ya yaiyic; te muc' ajwaliletic, te c'alal ya yilique, ma me xwejt' bi ya yalic yu'un. Melel ya yilic, soc ya xc'ot ta yo'tanic te bi jc'axel ma'yuc bay yaiyojic stojole.

2 Reyes 5:14

Te Naamán bajt', c'o smul sba juqueb buelta ta Jordán, jich te bit'il pasot ta mandal yu'un te j'alwanej yu'un te Diose. Te sbaq'uetal jich c'ot te bit'il sbaq'uetal ch'in querem, mero lec a jil.

2 Reyes 5:10

Pero te Eliseo la sticun ta alel yu'un yabat: —Baan, poca aba juqueb buelta ta muc'ja' Jordán. Jich te abaq'uetale ya me xlecub —la yut.

1 Pedro 1:2

Tsabilex yu'un te Jtatic Diose, yu'un xjajch'ibal to jich xchapoj ta yo'tan, soc te ya xch'ultesbeyex awo'tanic ta swenta te Espiritue. Swenta yu'un jich me ya ach'uunic soc jich me ya awich'ic tsijts'anel ta xch'ich'el te Jesucristoe. C'axem to xan ac'a yac'beyex yutsil yo'tan soc lamaluc me q'uinal ya awaiyic yu'un.

Hebreos 9:19

Jich te Moisés neel la yal te mandalil ta stojol te lume. Patil la stsac tsajal stsotsil chij soc ch'in sc'ab hisopo-te'. La smul ta xch'ich'el alal wacaxetic soc ta xch'ich'el tat tentsunetic te capbil ta ja'e. La stsijts'an ta ch'ich' te sjunal te mandalile soc la stsijts'an spisil uuc a te lum te stsoboj sbaique.

Hebreos 9:13

Te xch'ich'el toroetic soc te xch'ich'el tat tentsunetique soc te stanul te chic'bil alal me' wacaxe, ay nax yip ta yutstesel xcuxlejalic te ants-winiquetic ta balumilal teme ya yich'ic tsijts'anel ta utstesel a te sbaq'uetalique.

1 Juan 5:6

Ja' xtaluc te Jesucristo te chicnaj ta swenta ja' soc ta swenta ch'ich'. Ma ja'uc nax chicnaj ta swenta te ich' ja'e, chicnaj xan ta swenta te la smal te xch'ich'ele. Te Espíritu ja' ya yal ta testigo, melel te Espiritue smelelil te bila ya yale.

Hebreos 12:24

soc ta bay teq'uel ta c'op te Jesús ta xchajbanel te yach'il tratoe, soc ta ba ay te xch'ich'el te yich'oj tsijts'anel te c'axem to xan t'ujbil a te bit'il xch'ich'el te Abele.

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

Hebreos 9:26

Te jichuque bayal buelta la yac'ulayix sba ta lajel ta xjajch'ibal to tel balumilal te jichuque. Ja'uc me to, te bit'il slajibalix c'aale, jun nax buelta xtaluc te la yac' sba ta lajel ta xch'ayel jmultic te Cristoe.

Hebreos 9:21

Jich te Moisés la stsijts'an ta ch'ich' uuc te nailpac' temploe soc spisil te vasoetic te ya xtuun ta yich'el ta muc' a te Diose.

San Juan 19:34

Ja'uc me to, ay jtul soldado la slowbey ta lanza te smoche. Ora nax a loc' tel ch'ich' soc ja'.

Miqueas 7:19

Na'botic xan yo'bolil jbatic ta yan buelta; soc ac'a yich' muquel awu'un te bila amen jpasojtique. Ch'ojbotic coel jmultic ta sc'ubulil te mare.

Daniel 9:24

“Ya me xc'ax lajuneb xchanwinic (70) semana ta stojol te alumal soc te ch'ul lum awu'une, ja' to me ya sta yorail ya xlaj a te toybail soc te mulile, ja' to me ya sta yorail te perdón yu'un te bila amen yich'oj pasele. Sbajt'el me q'uinal ja' ya yich'ix pasel a te bila stojile, soc swenta yu'un jich ya xc'otix ta pasel a te bila chicnajem ta aiyele, soc nix te bila albil ta alwanej-c'ope, soc te ya yich' ch'ultesel xan te Mero Ch'ul Awilale.

Salmos 51:7

Lecubtesawon soc hisopo, te jich me pocbil ya xc'oon; pocawon, jich me sac ya xc'oon te bit'il buen sac te toibe.

Salmos 51:2

Pocbon loq'uel te bila amen jpasoje; pasbon ta sac te co'tane.

Levítico 16:22

Teme ch'ay bael ta jochol taquin q'uinal te tentsune, ya me x'ich'botic bael yu'un spisil te smulic ta banti ma'yuc mach'atic nainemique.

Levítico 16:19

Ya me stsijts'an ta ch'ich' ta yal sc'ab juqueb buelta ta sba te scajtijib ta chiq'uel majt'anil swenta jich me ya yich' lecubtesel sc'oplal soc ch'ultesel, te bit'il staoj bayal smulic te lum Israele.

Levítico 16:14

Ya me stsacbey jtebuc xch'ich'el te toro, ta yal sc'ab ya me stsijts'anbey ta sba te yawil perdón, teq'uel ta xujc' ta stojol sloq'uib c'aal. Soc ya me stsijts'an ta ch'ich' juqueb buelta ta yal sc'ab ta yelaw te yawil perdone.

Levítico 14:51

Ya me stsac te cedro, te hisopo, te tsajal pac' soc te ch'in ja'mal mut te cuxule, ya me yajts'es ta xch'ich'el te mut la smil soc te ya'lel sloq'uibja', soc ya me stsijts'an juqueb buelta a te nae.

Levítico 13:17

swenta yu'un ya stsajtay yil ta lec. Teme ya yil te sacerdote te sacubenix te banti boloben te snujc'ulele, ya me yal ta jamal te lecubix sc'oplal te mach'a ay ta chamele, melel lecubenix sc'oplal jilel.

Levítico 13:13

te sacerdote ya me stsajtay yil ta lec. Teme potsbotix scojt'ol sbaq'uetal yu'un te chamele, te sacerdote ya me yal ta jamal te lec ay sc'oplale, melel te chamele sacubix, ja' yu'un lecubix sc'oplal te mach'a ay ta chamele.

Levítico 8:11

Ja' nix te aceite la stsac te Moisés, la stsijts'an juqueb buelta a te scajtijib ta chiq'uel majt'anil, soc la smalbey ta sba te scajtijib ta chiq'uel majt'anil soc ta sba ta spisil te biluquetic yu'une, soc nix ta sba te muc'ul yawil ja' soc scajtijib, swenta yu'un jich ch'ultesbil yu'un Dios ta spisil c'ot a.

Levítico 4:17

ya me yajts'es yal sc'ab ta ch'ich', ya me stsijts'an ch'ich' juqueb buelta ta jtojol, ja' ta stojol te pac' macal a te Mero Ch'ul Awilale.

Levítico 4:6

Tey me ya xc'o yajts'es ta ch'ich' a te yal sc'abe, ya me stsijts'an juqueb buelta ta jtojol jo'on te Ajwalilone, tey me ya stsijts'an bael ta stojol te pac' macal a te Mero Ch'ul Awilale.

Números 19:12

Ta yoxebal c'aal soc ta sjuquebal c'aal ya me slecubtes sba ta ja' yu'un lecubtesel, jich me lec sc'oplal ya xc'ot.