Levítico 14:48 - Bible in Tzeltal de Oxchuc y Tenejapa

⁴⁸ “Teme ya x'och bael ta na te sacerdote ta stsajtayel yil ta leque, teme ya yil te ma ba pujq'uemix bael a te c'alal la yich' xan yach'il spajc'ul, ya me yal ta jamal te lec sc'oplal te nae, melel lajix te bila ma lecuc sc'oplale.

Bible in Tzeltal Bachajón

⁴⁸ Yan teme ya x'och bahel te sacerdote ta stsahtayel yil ta lec, teme ya yil te ma ba puhquemix bahel te c'alal yich'ojix yach'il spahc'ul, ya yal te lequix ay te nahe, como ch'ayix te stotol ya xlajinwane.

Levítico 14:48 Referans Kwoze

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

San Lucas 7:21

Te c'alal tey ayic a la yilic te bit'il yac ta slamantesel tsobol jchameletic te Jesuse, chican te bit'il ay te xchamelique soc te bila c'ux ya yaiyique. Soc yac ta sloq'uesbel pucuj ta yo'tanic te mach'atic ay pucuj ta yo'tanique. Soc yac ta sjamel sit tsobol ma'sitetic.

San Marcos 5:34

Te Jesús la yalbey: —Me'tic, ta swenta xch'uunjel awo'tan, colematix. Jun awo'tan baan. Colematix yu'un te awocole —xi' te Jesuse.

San Marcos 5:29

Ora nax a majc' te xchamele. Jich la yaiy ta sbaq'uetal te colemixe.

Oseas 6:1

La'ic ta apisilic, sujt'ucotic ta stojol te Cajwaltique. Ja' nix la stsacotic, ja'uc me to, ja' nix ya xpoxtayotic; la yejch'entesotic, ja'uc me to, ya spotsbotic.

Job 5:18

Teme ay ja' nix ya yac' ejch'ene, ja' nix me ya spots yan buelta; teme ta sc'ab ya xmajawane, ta sc'ab nix me ya xpoxtaybey.

Levítico 14:3

Te sacerdote ya me xloc' bael ta campamento, tey me ya xc'o stsajtay yil ta lec a. Teme ya yil te sacerdote te ch'ayemix te chamel yich'oje,

Levítico 14:43

“Teme ya to xchicnaj xan yan buelta ta na te bila ma lecuc sc'oplale, teme ja' te c'alal la yich'ix loq'uesel a te tonetique, soc la yich'ix jochel a te spajc'ule, soc te la yich'ix maquel yan buelta ta yach'il,

Levítico 14:47

Spisil te mach'a ya xwe' o ya xway ta nae, ya me sac' te sc'u'-spaq'ue, swenta yu'un jich me ya xlecub sc'oplal a.

Levítico 14:49

Te bit'il ya yich' lecubtesel sc'oplal a te nae, ya me yich' tel cheb ch'in ja'mal mutetic, cedro, tsajal pac' soc hisopo.