Levítico 14:45 - Bible in Tzeltal de Oxchuc y Tenejapa

⁴⁵ Ja' yu'un ya me yich' jinel ta jc'axel, spisil te xejt'elul soc ta spisil te sts'ubile ya me yich' ch'ojel bael ta banti ma lecuc sc'oplal ta spat te lume.

Bible in Tzeltal Bachajón

⁴⁵ Ha yu'un ya yich' jinel te nahe, te tonetic yu'un, te ste'el, soc ya yich' jochel spisil te spahc'ule, ya yich' loq'uesel bahel ta fuera yu'un te pueblo ta lugar te bohloben sc'oblale.

Levítico 14:45 Referans Kwoze

Apocalipsis 11:2

Ja'uc me to, ma me xap'is stuquel te yamac'ul te temploe, yu'un ac'botix ta swenta te jyanlumetique. Ya me xpajc'ub ta teq'uel yu'unic che'yoxwinic (42) u te muc'ul lume.

San Mateo 24:2

La yal te Jesuse: —¿Yacalex bal ta yilel spisil in to? Jamal ya calbeyex, spisil me ya yich' jinel. Ma me ayuc jp'ijuc ton te cajal ya xjil ta sba te yan tone —xi' te Jesuse.

San Mateo 22:7

“Te c'alal la yaiy stojol te muc' ajwalile, bayal ilin yu'un. Jich la sticun bael te soldadoetic yu'une. Ba smilic te jmilawaletique, soc la xchic'beyic te slumalique.

Ezequiel 5:4

Tsaca xan jtebuc, ac'a ochel ta c'ajc' swenta yu'un ya xlaj ta c'ajq'uel. Tey me ya xloc' tel c'ajc' swenta yuts'inelic a te israeletique.

Jeremías 52:13

La xchic' te templo, te muc'ul na yu'un te muc' ajwalile, soc spisil te nanatic ta lume, ja' nix snaic spisilic te mach'atic muc' sc'oplalique.

2 Reyes 18:4

Ja' stuquel la sloq'ues te toyol ch'uunjibaletic. La swuy te ch'ultesbil tonetic, soc la swuy te sloc'omba Asera, soc la sc'asbey te sloc'ombail chan pasbil ta bronce te ja' la spas ta namey te Moisés, te tey yacal xchic'belic pom a te israeletique. Nehustán sbiil yu'unic.

2 Reyes 10:27

Soc la sjinic te scajtijib ta chiq'uel smajt'an soc te templo yu'une. La sc'atp'unic ta tsa'anjibal, c'alal ora yo'tic.

Levítico 14:41

soc ya me yal mandal te ya yich' jochel ta spisil te spajc'ul te yutile. Te sts'ubil ya xloc' ta jochele, ac'a yich' ch'ojel bael ta banti ma lecuc sc'oplal ta spat te lume.

Levítico 14:46

Spisil te mach'a ya x'och ta na te c'alal yalojix a te sacerdote te ya yich' maquele, ma me lecuc sc'oplal ya xjil c'alal yijc'ubel q'uinal yu'un.