Levítico 14:43 - Bible in Tzeltal de Oxchuc y Tenejapa

⁴³ “Teme ya to xchicnaj xan yan buelta ta na te bila ma lecuc sc'oplale, teme ja' te c'alal la yich'ix loq'uesel a te tonetique, soc la yich'ix jochel a te spajc'ule, soc te la yich'ix maquel yan buelta ta yach'il,

Bible in Tzeltal Bachajón

⁴³ Teme ya xcha'chicnaj stotol ta na, te c'alal la yich'ticlanix loq'uesel a te tonetic soc la yich'ix jochel a te spahc'ul, soc te la yich'ix maquel yan buelta ta yach'il,

Levítico 14:43 Referans Kwoze

Judas 1:12

Ja' nax ya sboltesbeyex ac'oplalic te bit'il sjoinejex ta spasel te q'uin swenta c'uxul-o'tanile. Melel xchinchon nax q'uinal yu'unic tey a te yacalic ta we'el-uch'ajele. Ja' nax ya sle stuquelic te bila ya xtuun yu'unique. Pajalic soc tocal te ma'yuc ya'lel, te bayuc ya x'eanot bael yu'un te iq'ue. Pajalic soc te'etic te ma xyac' sit ta yoraile, te cheb buelta lajemique, soc te bulbil loq'uel soc te yisime.

2 Pedro 2:22

Ja'uc me to, jich c'otix ta pasel ta swentaic te bit'il ay ta alele: “Te ts'i'e, sujt' xan bael ta xcha'lo'el xan xe”, te xie. Soc xan: “Te me' chitam te yich'ojix poquele, sujt' xan bael la xcha'balan xan sba ta ajch'al”, te xie.

2 Pedro 2:20

Te mach'atic la sna'beyiquix sba te Jesucristoe te ja' Cajwaltic soc ja' Jcoltaywanej cu'untic stuquele, jich colemiquix loq'uel tey a ta bay sbolil te balumilale. Ja'uc me to, teme patil ya xcha'sujt'ic xan ta spasel te bila jil yu'unic ta neelale soc teme ya x'u'uninotic xan yu'une, c'axem to xan jich ya xbolobic a te bit'il ayic ta neelal toe.

Ezequiel 24:13

“Jerusalén, ya jc'an ya jlecubtesat, ya jc'an ya jch'aybat te abolile, ja' te muliletic mero awac'oj awo'tan ta spasele, pero ma xlecubat. Ja' to ya xlecubat a teme la jt'omesbat bael ta atojol te quilimbae.

Levítico 14:42

Ya me xcha'leic xan tel yan tonetic yu'un sjelol te tonetic la yich' loq'uesele, soc yach'il xan spajc'ul ya yich' maquel xan a te nae.

Levítico 14:44

te sacerdote ya me x'och ta stsajtayel yil ta lec. Teme pujq'uemix ta na, yu'un me ja' te c'a'el-chamele. Ja' yu'un te na ma me lecuc sc'oplal ya xjil.

Levítico 14:48

“Teme ya x'och bael ta na te sacerdote ta stsajtayel yil ta leque, teme ya yil te ma ba pujq'uemix bael a te c'alal la yich' xan yach'il spajc'ul, ya me yal ta jamal te lec sc'oplal te nae, melel lajix te bila ma lecuc sc'oplale.