Levítico 14:40 - Bible in Tzeltal de Oxchuc y Tenejapa

⁴⁰ ya me yal mandal te sacerdote te ya yich' loq'uesel te tonetic te yatinejix te bila ma lecuque. Ac'a me yich' ch'ojel bael ta banti ma lecuc sc'oplal ta spat te lume;

Bible in Tzeltal Bachajón

⁴⁰ hich te sacerdote ya me yal mandar te ya yich' loq'uesel te tonetic te banti ay te stotole, ya yich' ch'ojel bahel ta fuera yu'un te pueblo ta lugar te bohloben sc'oblale.

Levítico 14:40 Referans Kwoze

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

Apocalipsis 2:20

Ja'uc me to, ay amul jtebuc ta jtojol, ja' te bit'il ma'yuc bi ya awalbey te ants te Jezabel sbiile, te j'alwanej yu'un Dios ta sc'ope, soc te ya yac'bey snopic te abatetic cu'un te ya spasic te mulweje soc te ya sti'ic te milbil smajt'an lotil diosetique.

Apocalipsis 2:6

Ja'uc me to, ay nix bila lec te apasoje, ja' bi, ja' te ya awilaybey yat'elic te nicolaitaetique. Te jo'one ya quilay uuc.

Apocalipsis 2:2

Jo'on quilojbat spisil te awat'ele. Quiloj te bit'il tulan ya x'at'ejate, soc te ts'ijq'uem awu'un te awocole. Soc jna'oj stojol te ma xju' awu'un ts'iquel te mach'atic amen yo'tanique, soc la apasix ta prueba te mach'atic scuyoj sbaic ta jpuc-c'opetique, ja'uc me to, ma ja'uquic, soc ataojbeyix slotic.

Tito 3:10

Soc teme ay mach'a ya xcaj yac' xat sbaic te jch'uunjeletique, coma jun chebuc buelta. Teme ma xch'uun comele, loq'uesa bael.

San Juan 15:2

Spisil te sc'abc'ab te bay ma xyac' site, ya me sloq'ues. Spisil te banti ya yac' site, ya yutstes xan stuquel swenta yu'un ya yac' xan bayal sit ta lec a.

San Mateo 18:17

Teme ma la sc'an yaiybey stojol sc'opic uuc, albeya yaiyic stsojbol te jch'uunjeletique. Teme ma la sc'an yaiybey stojol sc'opic uuc te jch'uunjeletique, jich me ac'a c'otuc awu'unic te bit'il mach'a ma ba xch'uunej te Diose soc jich te bit'il jc'an-patane.

Proverbios 22:10

Teme ya yich' loq'uesel te jach-c'ope, ya xch'ay bael te c'opetique, soc ya xlaj bael te toybaile.

Salmos 101:5

Ya me jcom te mach'atic muquen ya slebeyic smul te spat-xujq'ue; ma jc'an te mach'a toyba, soc te muc' ya yac' sbae.

Levítico 14:39

C'alal ya xloc' juqueb c'aal ya me xbajt' ta stsajtayel xan yil ta lec te sacerdotee. Teme pujq'uemix bael ta spajc'ul na te bila ma lecuc sc'oplale,

Levítico 14:41

soc ya me yal mandal te ya yich' jochel ta spisil te spajc'ul te yutile. Te sts'ubil ya xloc' ta jochele, ac'a yich' ch'ojel bael ta banti ma lecuc sc'oplal ta spat te lume.

Levítico 6:11

Patil ya me sjeltay te sc'u'-spaq'ue, ya me yich' bael te stanul majt'anil, ya me yac' ta yawil te lec sc'oplal ta spat te campamentoe.