Levítico 14:34 - Bible in Tzeltal de Oxchuc y Tenejapa

³⁴ —Te c'alal ayexix ta sq'uinal Canaán a, ja' te ya cac'beyex awu'uninique, teme ay ya jticun te bila ma lecuc sc'oplale, teme ja' te stotol ya xc'ot ta ana ta aq'uinalique,

Bible in Tzeltal Bachajón

³⁴ Te c'alal ochemexix ta sq'uinal Canaán a, ha te ya ca'beyex awu'untayic, teme ay ya jticon tal stotol ta na tey ta aq'uinalique,

Levítico 14:34 Referans Kwoze

Deuteronomio 32:49

—Baan ta witstiquil Abarim, soc moan bael ta wits Nebo te ay ta sq'uinal moabetic, te ay ta jejch' ja' yu'un Jericó. Ila awil jajch'el tey a te slum-sq'uinal Canaán, te ya cac'bey yu'unin te israeletique.

Génesis 17:8

Ya cac'bat aq'uinalin soc jayeb ats'umbal te q'uinal ta bay beenemate, ja' spamal sq'uinal te Canaán, awu'un ya xc'ot soc ats'umbal ta sbajt'el q'uinal, soc Dioson awu'unic ya xc'oon —xi'.

Números 32:22

teme ja' to ya sujt'ex tel a te c'alal ju'ix ta yich'el te lumq'uinale, jich me libre ya xjilex a te bila ay ta awentaic spasel ta swenta te Cajwaltic soc ta swenta te alumale. Jich yu'un in q'uinal to ja' me awu'unic ya xc'ot, te jich nix yo'tan te Cajwaltique.

Miqueas 6:9

Te Cajwaltic yac ta yiq'uel te lum, soc ja' me p'ijilil te lamalotic nax ta yaiyel stojole: —Aiya awaiyic ja'ex lum soc te jconsejeroetic awu'une.

Amós 6:11

Melel te Cajwaltic ya me yal mandal ta yac'beyel castigo te muc'ul naetic soc te ch'in naetique, spisilic me jinbilic ya xjilic ta jc'axel.

Amós 3:6

Teme ya xc'opoj oq'ues ta yutil lum, te ants-winiquetic ya sjachic ch'inlajanel ta c'op yu'un. Teme ay bila amen ya xc'ot ta pasel ta lum, yu'un ja' la sticun tel te Cajwaltique.

Isaías 45:7

Jo'on ya jchicnantes te saquil q'uinal soc te ijc' q'uinale; ya cac' utsubuc te q'uinale, ya cac' taluc te woclajele. Jo'on Ajwalilon ya jpas ta spisil.

Proverbios 3:33

Amen sc'oplal yu'un Cajwaltic te sna te mach'a amen yo'tane, yan te sna te mach'a toj yo'tane, lec sc'oplal yu'un Cajwaltic stuquel.

1 Samuel 2:6

Te Cajwaltic ya yac' lajucotic soc ya yac' cuxinucotic; ya yac'otic coel ta muquenal, soc ya yic'otic loq'uel tel ta muquenal.

Josué 13:1

C'alal mamalix a te Josué, te Cajwaltic jich la yalbey: —Te ja'ate yacatix ta mamalubel, bayalix te awa'wilale. Pero ay to bayal q'uinal quechel jilel ta ich'el.

Deuteronomio 27:3

swenta yu'un ya yich' ts'ibuyel tey a te mandaliletic la cac'beyexe. Pasaic me, teme ochex bael tey ta q'uinal te banti ya x'oquin leche soc chab c'oem, te ya yac'beyex te Cajwaltic te Dios cu'untique.

Deuteronomio 26:1

“Te c'alal ochematix tey ta lumq'uinal te ya yac'bat awu'unin te Cajwaltic te Dios cu'untique, teme nainematix tey a,

Deuteronomio 19:1

“Te c'alal la slajinix a te nacionetic te Cajwaltic te Dios cu'untique, te c'alal la yac'beyexix awu'uninic te lumq'uinal te yu'unic ta ora in to, te c'alal awu'uniquix a te lumetic soc te snaique,

Deuteronomio 12:1

“Jich ay te mandaliletic soc te bitic chapal yu'un te Cajwaltic te ya sc'an ya ach'uunic spasel bael te jayeb c'aal te cuxulex ta q'uinal, tey ta banti lumq'uinal ya yac'beyex awu'uninic te Cajwaltic Dios, ja' te Dios yu'un te antiguo me'il-tatiletic cu'untique:

Deuteronomio 7:15

Te Cajwaltic ma me xyac' noptsajuc spisil chameletic ta atojolic, soc ma xyac' tel ta atojolic te bitic mero xiweltic sba te ya x'uts'inwane, te jich bit'il ana'ojic ta lec te la yac' c'otuc ta stojolic te egipcioetique. Yan ta spisil te acontroique, ya me yac'bey swocolic stuquelic.

Números 35:10

—Albeya te israeletic: “Te c'alal ya xc'axex bael ta muc'ja' Jordán te ya x'ochex bael ta sq'uinal Canaán,

Números 32:32

Chapal me ya xc'axotic bael soc cat'ejibtic ta slum-sq'uinal Canaán ta xch'uunel smandal te Cajwaltic. Pero ya me jc'antic te ya xjil ta jwentatic te q'uinal ta stojol sloq'uib c'aal yu'un Jordán te ja' jq'uinaltic ya xc'ote —xiic.

Levítico 25:2

—C'opona te israeletic, jich xawalbey: “Te c'alal ochemexix tey ta lumq'uinal ya cac'beyexe, te lumq'uinal ay me yorail cux-o'tan yu'un swenta quich'jibal ta muc' jo'on te Ajwalilone.

Levítico 23:10

—Albeya te israeletic te bila ya calbate: “Te c'alal ya x'ochex bael ta q'uinal te ya cac'beyexe, te c'alal ya aset'ic te bila sbabial ya xloc' sit, ya me awac'beyic ta stojol sacerdote te sba tomol ya xloc' ta set'el awu'unique.

Éxodo 15:26

Jich la yal: —Teme jun awo'tanic ya awaiybonic stojol te bila ya cal te jo'on Ajwalilon te Dioson awu'unique, soc teme ya apasic te bila lec co'tan yu'une, teme ya ach'uunic te mandaliletic cu'une, soc teme ya ac'otes ta pasel te bila ya yal te mandaliletic cu'une, ma'yuc bi ora ya xtal tulan chamel ta atojolic te bit'il la cac'bey te egipcioetique, melel jo'on te Ajwalilon te ya jlamantesbeyex achamelique —xi' te Cajwaltique.

Génesis 13:17

Jajch'an jiche, oclina te q'uinale, te bi yilel smuc'ul soc te bi yilel sjamalule, yu'un ya me cac'bat aq'uinalin —xi' sc'oplal.

Génesis 12:7

Te Cajwaltic la yac' sba ta ilel ta stojol Abram, jich la yalbey: —Ya me cac'bey sq'uinalin ats'umbal te q'uinale —xi' sc'oplal yu'un te Cajwaltique. Jich te Abram la spasbey scajtijib ta chiq'uel smajt'an tey a te Cajwaltic te bit'il tey la yac' sba ta ilel ta stojol a.

Levítico 14:33

Te Cajwaltic la sc'opon te Moisés soc Aarón, jich albotic:

Zacarías 5:4

Te Cajwaltic te Spisil ya xju' yu'un jich yaloj ta jamal: “Jo'on ya jticun te castigo swenta yu'un ya me x'och ta sna te mach'a ya x'elc'aje, soc ya me x'och ta sna te mach'a ay bila ya stojol-tabon ta alel ta lot te jbiile. Te castigo tey me ya x'ain a, asta ja' to teme laj te sts'amte'al soc te tonetic yu'un te snae”, xi' me —xi' te ch'ul abate.

Levítico 14:55

te chamel ya xjajch' ta c'u'il-pac'ale, soc te ya xjajch' ta naetic,

Levítico 20:24

Jo'on ya calbeyex ta jamal, te ja'ex awu'unic ya xc'ot te slum-sq'uinalique. Jo'on nix me ya cac'beyex awu'uninic te lumq'uinal te banti ya x'oquin leche soc chab c'oeme. “Jo'on Ajwalilon Dioson awu'unic, yan me awilelic cu'un te bit'il yantic lumetique.