Levítico 14:32 - Bible in Tzeltal de Oxchuc y Tenejapa

³² Ja' te bit'il ya xlecub sc'oplal te mach'a ya xtaot yu'un te c'a'el-chamele, te ma'yuc bila yantic muq'uic ay yu'un te ya xju' ya yac' ta majt'anil yu'un te ya yich' lecubtesel sc'oplale.

Bible in Tzeltal Bachajón

³² Hich ay te mandaril sc'oblal mach'a ya xtahot ta c'a'el-chamel, te ma xhu' yu'un te ts'acal ya yac' te mahtaniletic scuenta slecubtesel.

Levítico 14:32 Referans Kwoze

Levítico 14:21

“Teme me'ba te mach'a la yaiy chamele, teme ma'yuc yu'un te bitic ya yaq'ue, ya me yic' tel jcojt' chij swenta milbil majt'anil yu'un te falta staoje, te ya me yich' stoyilayel moel ta stojol Cajwaltic swenta sc'anel perdón yu'un te smule, soc jteb c'axem ta cheb kilo te mero lequil harina wots'bil ta aceite swenta majt'anil trigo, jteb ma sta olil litro aceite,

Levítico 14:10

Ta swaxaquebal c'aal ya stsac cheb chijetic te ma'yuc bila boloben ta sbaq'uetal, soc jcojt' me' chij te jun to nax ya'wilal te ma'yuc bila boloben ta sbaq'uetal; soc xan, ya me yich' tel olil sjuqueb kilo te mero lequil harina wots'bil soc aceite swenta majt'anil trigo, soc jteb ma sta olil litro aceite.

San Mateo 11:5

Cholbeya yaiy te yac ta jamel sit te ma'sitetique, soc te yacalic ta lecubel te coxoetique, soc yacalic ta lecubel sbaq'uetal te jc'a'el-chameletique, soc yacalic ta jamel xchiquin te jcojq'uetique, soc yacalic ta cha'cuxel te animaetique, soc yaquix ta cholel ta stojol me'baetic te lec yach'il c'ope.

Salmos 136:23

Ja' te ya sna'otic te c'alal ayotic ta wocol, sbajt'el q'uinal ay te xc'uxul yo'tane.

Levítico 14:2

—Ja' te mandalil ya sc'an pasel swenta slecubtesel sc'oplal te mach'a ya xtsacotic ta c'a'el-chamele: Te mach'a yich'oj te chamele, ya me yich' iq'uel bael ta stojol sacerdote.

Levítico 13:59

Ja'ic te bitic ya sc'an pasel teme ay señail c'a'el-chamel te ya xchicnaj ta c'u'il-pac'aletic pasbil ta lana, teme pasbil ta lino, teme jalbil pac', o biluquetic te pasbil ta nujc'ule, swenta yu'un jich ya xju' ya yich' alel ta jamal a teme lec sc'oplal, o teme ma lecuc sc'oplal.

Levítico 13:2

—Teme ay mach'a sijt'em te sbaq'uetale, teme saluben, teme yac ta bolobel snujc'ulel yilele, o teme ay sc'a'el te jich yilel te bit'il c'a'el-chamel, ya me yich' iq'uel bael ta stojol sacerdote Aarón, o ja' te sacerdoteetic te ja' patil alnich'anetic yu'une.

Levítico 14:31

Ay me jcojt' te mut ya yich' aq'uel swenta milbil majt'anil yu'un te mulile, te yane swenta majt'anil te scojt'ol ya yich' chiq'uele, soc xan te majt'anil harina. Te sacerdote jich me ya stabey a te perdón yu'un Cajwaltic te mach'a ya sc'an lecubtesel sc'oplale —xi' te Cajwaltique.

Levítico 14:33

Te Cajwaltic la sc'opon te Moisés soc Aarón, jich albotic: