Levítico 14:14 - Bible in Tzeltal de Oxchuc y Tenejapa

¹⁴ “Te sacerdote ya me stsac jtebuc ta sc'ab te xch'ich'el te milbil majt'anil yu'un falta. Ya me yich' jaxel ta sc'unil swa'el chiquin te mach'a ya yich' lecubtesel sc'oplal, ta sme' swa'el sc'ab, soc ta sme' swa'el yacan.

Bible in Tzeltal Bachajón

¹⁴ Te sacerdote ya yich' te sch'ich'el te mahtanil yu'un stahel falta, ya sjaxbe ta sc'unil swa'el chiquin te mach'a ya yich' lecubtesel, ta sme' swa'el-c'ab soc ta sme' swa'el yoc.

Levítico 14:14 Referans Kwoze

Éxodo 29:20

Mila te tat chije. Tsaca jtebuc te xch'ich'el, ac'beya ta sc'unil swa'el xchiquinic te Aarón soc te snich'nabe, ta bay swa'el sme' sc'abic, soc ta swa'el sme' yacanic. Te sobra ch'ich' tsijts'anbeya ta sba te scajtijib ta chiq'uel milbil jmajt'an soc ta sjoyobal.

2 Corintios 7:1

Jich yu'un quermanotac, te c'uxex ta co'tane, te bit'il jich yalojbotic te Diose, jich yu'un ac'a quijq'uitaytic jilel spisil te bila ya sboltesbotic jbaq'uetaltic soc te co'tantique. Soc te bit'il jna'ojtic stojol te xi'bantic sba te Diose, yan yanuc me ta ch'ultesel te co'tantique.

Filipenses 1:20

Ja' nax bayal sc'oplal ta co'tan te manchuc ayuc bila ya jta q'uexlal yu'un, soc te jamaluc co'tan ya xc'opojon jich nix te bit'il ayon tel spisil orae. Jich me c'axem to xan ya x'ich'ot ta muc' ta jwenta te Cristoe. Chican teme ya to xcuxinone, o teme tey ya xlajonix ae.

1 Corintios 6:20

melel toyem atojolic la smanex te Diose. Jich yu'un ich'a ta muc' Dios soc te abaq'uetalique [soc uuc te ach'ulelique, melel yu'un Dios ta xchebalic.]

Romanos 12:1

Jich yu'un, quermanotac, ya calbeyex wocol ta swenta bit'il bayal c'uxtaybilex yu'un te Diose, ac'a me abaic ta sc'ab Dios soc te abaq'uetalique. Ja'uc me cuxul smajt'an Dios ya xc'oex ta stojol, te ch'ultesbilex soc te lec yo'tan yu'un te Diose. Yu'un jich ya sc'an ch'uunel awu'unic te Diose.

Romanos 6:19

La calix ta seña te bi yilel ayic ta balumilal te ants-winiquetique, ta scaj te wocol ya ana'ic stojole. Melel ta neelal to la awaq'uic ta abatinel abaq'uetalic ta spasel te chijubele soc spisil yantic muliletic. Ta ora to, te jayeb c'aal cuxulex ta q'uinal, ac'a me abaic ta sc'ab te Diose. Jich me ya awac' abaic ta abatinel soc abaq'uetalic ta spasel te bila toj ta pasele.

Romanos 6:13

Ma me xawac' ta tuuntesel yu'un mulil te abaq'uetal ta spasel te bila amene. Jich yu'un ac'a abaic ta sc'ab Dios jich bit'il te mach'a cha'cuxemix tel ta bay te animaetique. Jich yu'un ac'aic ta tuuntesel yu'un Dios te abaq'uetalic ta spasel te bila toje.

Isaías 1:5

Te ja'exe ya awat'elinic spasel te toybail, ta abaq'uetal ma'yuquix bay jochol te ya awich' xan castigo. Ta swolol ajol ejch'enajem, jc'axel ch'ayem te awip ta jyalele.

1 Pedro 2:5

In te ja'exe, jichex uuc te bit'il cuxul tonetique. Ac'a me abaic ta ts'ajc'uyel ta na ta swenta te Espiritue. Jich me ch'ul sacerdoteex yu'un Dios ya xc'oex te ya awac'beyic milbil majt'anil ta swenta Espíritu te lec yo'tan Dios yu'un ta swenta te Jesucristoe.

Levítico 14:19

Ora me ya yac' te milbil majt'anil yu'un mulil te sacerdote, jich me ya yac' c'otuc ta pasel a te lecubtesel sc'oplal ta stojol te mach'a ma lecuc sc'oplale. Patil ya me smil te chambalam ya yich' aq'uel swenta majt'anil te scojt'ol ya yich' chiq'uele.

Levítico 14:25

Ya me sbojbey snuc' te jcojt' chij milbil majt'anil yu'un falta, soc ya me stsac jtebuc te xch'ich'ele, ya me xjax a te mach'a ya yich' lecubtesel sc'oplale, ya me yac'bey ta sc'unil swa'el xchiquin, ta sme' swa'el sc'ab soc ta sme' swa'el yacan.

Deuteronomio 24:8

“Teme ay ya xtaot ta c'a'el-chamel te ants-winiquetique, jun me awo'tan xach'uunic spasel spisil te bila ya yalbeyex apasic te sacerdote-levitaetique. Jich xapasic te bit'il calojbey mandale.