Levítico 14:10 - Bible in Tzeltal de Oxchuc y Tenejapa

¹⁰ Ta swaxaquebal c'aal ya stsac cheb chijetic te ma'yuc bila boloben ta sbaq'uetal, soc jcojt' me' chij te jun to nax ya'wilal te ma'yuc bila boloben ta sbaq'uetal; soc xan, ya me yich' tel olil sjuqueb kilo te mero lequil harina wots'bil soc aceite swenta majt'anil trigo, soc jteb ma sta olil litro aceite.

Bible in Tzeltal Bachajón

¹⁰ Ta swaxaquebal c'ahc'al ya me stsac cha'coht jcolel tat tuminchijetic te mayuc bin jihnem yu'unic, jcoht jcolel yantsilel tuminchij te jun ya'bilal te mayuc bin jihnem yu'un, oxeb ta slajunebal efa lequil harina wots'bil ta aceite scuenta mahtanil, soc jun log aceite.

Levítico 14:10 Referans Kwoze

Levítico 2:1

“Teme ay mach'a ya yich'bon tel jmajt'anin harina jo'on te Ajwalilon, ya me sc'an te ja' ya yich' tel harina te mero lec, soc ya me yac'bey aceite soc pom ta sba.

San Lucas 5:14

Jesús la spas ta mandal te ma me mach'a ya yalbey yaiy. Soc albot xan te winique: —Ja'uc me to, baan, ac'a aba ta ilel ta stojol te sacerdoteetic te bit'il lecubatixe. Soc ac'beya smajt'an te Diose, jich te bit'il yaloj mandal te Moisese. Jich me ya sna'ic stojol te bit'il ch'ayemix te achamele —xi' te Jesuse.

San Marcos 1:44

—Ya calbat, ma me mach'a xawalbey yaiy jtuluc. Toj me xbaat ta stojol te sacerdote te ya awac' aba ta ilel yu'une. Soc ya me awac'bey smajt'an Dios te bit'il lecubatixe, jich bit'il yaloj te Moisese. Jich me ya sna'ic stojol te ch'ayemix te achamele —la yut bael.

San Mateo 8:4

Jesús la yalbey te winique: —Ya calbat, ma me mach'a xawalbey yaiy. Ja' nax baan, ac'a aba ta ilel ta stojol te sacerdotee. Soc ac'beya smajt'an te Diose, jich te bit'il yaloj mandal te Moisese. Jich me ya sna'ic stojol te bit'il ch'ayemix te achamele —la yut bael.

Levítico 14:21

“Teme me'ba te mach'a la yaiy chamele, teme ma'yuc yu'un te bitic ya yaq'ue, ya me yic' tel jcojt' chij swenta milbil majt'anil yu'un te falta staoje, te ya me yich' stoyilayel moel ta stojol Cajwaltic swenta sc'anel perdón yu'un te smule, soc jteb c'axem ta cheb kilo te mero lequil harina wots'bil ta aceite swenta majt'anil trigo, jteb ma sta olil litro aceite,

Levítico 14:15

Ora me ya stsac ta sc'ab jtebuc aceite, ya me yac'bey ta stan xq'uexen c'ab.

Levítico 14:12

Te sacerdote ya me stsac jcojt'uc chij soc te jteb ma sta olil litro aceite swenta milbil majt'anil yu'un te falta staoje, ya me stoyilay moel spisil ta stojol te Cajwaltique.

1 Pedro 1:19

Ja' tojbil acolelic a te xch'ul xch'ich'el te Cristoe te milbil smajt'an Dios c'ot, jich bit'il alal chij te ma'yuc bila boloben soc ts'ilajem ta sbaq'uetale.

San Juan 6:51

Jo'on te waj te cuxule te coemon tel ta ch'ulchane. Te mach'a ya swe' in waj to, ya me xcuxin sbajt'el q'uinal. Te waj te ya caq'ue, ja' te jbaq'uetale, ya me cac' ta lajel swenta yu'un jich me ay xcuxlejalic ta balumilal —xi' te Jesuse.

San Juan 6:33

Melel te waj yu'un Dios, ja' te coix tel ta ch'ulchan te ya yac' cuxlejal ta balumilale —xi' te Jesuse.

San Juan 1:29

Ta yan c'aal te Juan la yil te yac ta noptsajel tel Jesús tey a te banti aye. Jich caj yal yu'un: —Ilawilic in to. Ja' te mero Alalchij yu'un Dios, te ya xch'aybey smul spisil te mach'atic ayic ta balumilale.

Números 28:20

Te milbil majt'aniletic jun nax me ya awac' soc te majt'anil harina, wots'bil me ta aceite. Ja' jich bit'il to: waqueb kilo harina ta swenta juju-jcojt' toro, chaneb kilo ta swenta te jcojt' tat chij,

Números 6:14

Soc ya me yich' aq'uel ta jtojol, jo'on te Ajwalilon, jcojt' tat chij te jun ya'wilal te ma'yuc bila boloben ta sbaq'uetal ta swenta majt'anil te scojt'ol ya yich' chiq'uele; jcojt' me' chij te jun ya'wilal te ma'yuc bila boloben ta sbaq'uetal ta swenta milbil majt'anil yu'un te smule; soc jcojt' tat chij te ma'yuc bila boloben ta sbaq'uetal swenta milbil majt'anil ta swenta seña lamal-o'tanil.

Levítico 23:13

Soc ya me awich'ic tel olil yo'eb kilo mero lequil harina yich'oj wots'el soc aceite, yu'un ya yac'bon ta jtojol jo'on te Ajwalilone, swenta chic'bil majt'anil te buen bujts'an yiq'ue. Te majt'anil te ya yich' malel, ya me awaq'uic jun litro vino.

Levítico 9:1

Ta swaxaquebal c'aal a, te Moisés la sc'opon te Aarón, te snich'nab, soc te mamaletic ich'bilic ta muc' yu'un Israel.

Levítico 4:32

“Teme ja' yic'oj tel jcojt' chij jmajt'anin yu'un te smule, ya me sc'an ja' ya yic' tel te me' chij te ma'yuc bila boloben ta sbaq'uetal.

Levítico 2:13

“Ta spisil te jmajt'an harina awu'unique, ya me awac'bey yats'amul. Te harina ya awac'bon jmajt'anin, ma me ayuc bi ora te ya spas falta te ats'am swenta trato yu'un te Dios awu'une. Ta spisil te jmajt'an ya awaq'ue, ya me awac'bey yats'amul ta puersa.

Levítico 2:11

“Ma me xawac'beyic slevadurail te majt'anil harina te ya awac'bonic jmajt'anin jo'on te Ajwalilon, melel ma xju' ya achic'bon jmajt'anin ni levadura, ni chab.

Levítico 1:10

“Teme xchij, o teme stentsun te chambalam ya yac'bon jmajt'anin te scojt'ol ya yich' chiq'uele, ya me sc'an ja' te stat te ma'yuc bila boloben ta sbaq'uetal.

Éxodo 29:40

Te sbabial chij te ya achiq'ue, soc me cheb kilo mero lequil harina, ya me acap soc jun litro yaceiteil olivo. Ya me amal jun litro vino ta swenta jmajt'an.

Levítico 14:11

Te sacerdote te ya spas te at'el yu'un yaq'uel slecubtesel sc'oplale, ya me yac' ta stojol yochibal Nailpac' te banti ya yich' c'oponel te Cajwaltic te mach'a ya yich' lecubtesel sc'oplal soc spisil te majt'anile.

Números 7:43

Jich nix yipal la yac' te bit'il te yantique.

Levítico 1:3

“Teme wacax te chambalam ya yac'bon ta jmajt'an te scojt'ol ya yich' chiq'uele, ya me sc'an te ja' te toro te ma'yuc bila boloben ta sbaq'uetal. Swenta yu'un ya stsacbot a te majt'anil, ya me sc'an ya yac'bon ta jtojol jo'on te Ajwalilon ta stojol te yochibal Nailpac' te banti ya quich' c'oponele.