Levítico 13:45 - Bible in Tzeltal de Oxchuc y Tenejapa

⁴⁵ “Te mach'a yich'oj te c'a'el-chamele, ya me sc'an te ch'i'em te sc'u'-spac' ya slape, t'anal stuquel te sjole, soc olil macal te yelawe. Ya me x'awun: “¡Ma lecucon! ¡Ma lecucon!” xi' me.

Bible in Tzeltal Bachajón

⁴⁵ Te mach'a yich'oj te c'a'el-chamel ya me slap ch'i'em sc'u' spac', watal te sjole, soc j'ohlil macal yelaw ya me x'awon: ¡Ma lecuc jc'oblal! ¡Ma lecuc jc'oblal! xchi me.

Levítico 13:45 Referans Kwoze

Miqueas 3:7

Te j'alwanejetic soc te mach'a ay bila ya sna'ic yalele ya me xjilic ta q'uexlal ta jc'axel. Spisilic ya me xcomic ta c'op te c'alal ma stsacbot sc'opic yu'un te Diose.

Levítico 10:6

Te Moisés jich la yalbey te Aarón soc te snich'nabe, ja' te Eleazar soc Itamar: —Tesbiluc me ajolic, soc ma me xach'i' ac'u'ic swenta seña mel-o'tan, swenta yu'un ma orauc ya xlajex, soc ma orauc ya yac' tel yilimba Dios ta stojol te israeletique. Yan te awermanotac te jun ats'umbalic soque, soc spisil te israeletique, ya xju' ya yaq'uic ta ilel te ya smel yo'tanic yu'un te mach'atic lajic ta c'ajc' te la yac' tel te Cajwaltique.

Ezequiel 24:17

Muquen xamel awo'tan yu'un. Ma me xapasbey seña mel-o'tan, jich te bit'il ya yich' pasel ta stojol te mach'a ya xlaje. Ma me xaloq'ues sbejch'il ajol, soc ma me xaloq'ues axanab. Ma me xamac awelaw swenta seña mel-o'tan, soc ma me xawe' te bi ya yich' we'el swenta mel-o'tane —xi' te Cajwaltique.

Lamentaciones 4:15

“¡Q'ueja abaic, q'ueja abaic, ja'ic te mach'atic bolobenic, ma x'apiquic!” xi' sc'oplalic ta awtayel. “J'aneletic, ma xju' x'ainex li'to”, xiic te mach'atic ma'yuc ta stojol te Diose.

San Lucas 17:12

Te c'alal c'ot ta ch'in lum, tal ta tael yu'un lajuntul winiquetic te yich'ojic c'a'el-chamele. Q'uejel to tec'ajic ta aw:

Ezequiel 24:22

Soc jich xawalbeyic: “Te ja'exe, jich me ya apasic te bit'il yacon ta spasele. Ma me xju' ya amuc asitic ta swenta seña mel-o'tan, soc ma xju' ya awe'ic te bila ya yich' we'el ta yoraile.

Levítico 21:10

“Te muc'ul sacerdote la yich'ix tulan yat'el te ya xju' ya slap te ch'ul c'u'ile, ta swenta te ch'ulteswanej aceite la yich' aq'uel ta sjole. Ja' yu'un tesbiluc me te sjole, soc ma me xch'i' sc'u' swenta seña mel-o'tan yu'un ay mach'a lajeme.

San Lucas 5:8

C'alal la yil te Simón Pedro te jich c'ot ta pasele, la squejan sba ta stojol te Jesuse: —Cajwal, ma spas te ya joinate yu'un jmulawilon —xi'.

Isaías 64:6

Jpisiltic ma ba pocbilotic, jichotic te bit'il mach'a boloben. Spisil te lequil at'elil cu'untique jich c'oemic te bit'il xch'ailel c'a'pac'. Jpisiltic limilotic ta lum, jich bit'il yabenal te' ya xc'anub, ya xlubaj coel; soc te bitic amen jpasojtique, ja' ya stasotic bael jichuc ic'.

Isaías 6:5

La cal ta co'tan: “¡Obol jba, ya xlajon! La quilix soc jsit te Muc' Ajwalil, ja' te Cajwaltic te Spisil ya xju' yu'une, te jo'one ma ba lecon ta winiquil soc que, soc nainemon ta yolil te lum te boloben yeique”, xoon.

Salmos 51:3

Ya jna' te yu'un la jtoy jba ta atojole; te jmule spisil ora ma xch'ay ta co'tan.

Joel 2:13

Sujt'anic tel ta stojol te Awajwalic, te Dios awu'unique. Jatsaic jichuc pac' te awo'tanique, ma ja'uc x'ajatsic te ac'u'ique. Melel te Cajwaltique, sts'ujetotic ta yo'tan, ya sna' yo'bolil jbajtic; ay perdón ta yo'tan stuquel, mero c'uxotic ta yo'tan. Spisil ora ya xju' yu'un te ya slajinbey sc'oplal te castigoe.

Jeremías 36:24

Te muc' ajwalil soc te mach'atic toyol yat'elic te la yaiyic stojole, ma ba nijc' yo'tanic yu'un, ni seña xc'uxul mel-o'tan la yaq'uic ta ilel.

Jeremías 3:25

Ac'a me jpejc'an jbatic yu'un q'uexlal jiche, ac'a me spotsotic te jq'uexlaltique. Melel ja' to ta calaliltic soc asta c'alal ora yo'tic, te jo'otic soc te jme'-jtatic jtaoj jmultic ta stojol Cajwaltic te Dios cu'untique, soc ma ba jch'uunejbeytic sc'op —xiic ta yalel.

Salmos 51:5

Ta mero melel, amenonix a te c'alal ayinone; ayonix ta mulil a te c'alal ayon to ta xch'ujt' a te jme'e.

Job 42:6

Ja' yu'un jc'axel me ya jsujt'esix co'tan, ya me jnajc'an jba ta tan soc ta ts'ubil lum —xi' te Job.

Job 1:20

Te Job la stejc'an sba, bayal xc'uxul mel-o'tan la yaiy. La xch'i' sc'u' yu'un, la sjox te stsotsil sjole, la squejan sba ta lum, la sc'opon Dios.

2 Samuel 13:19

Pero la yac' stanul c'ajc' ta sjol, la sjats te snajt'il c'u' slapoje. Xchebal sc'ab smojt'esej ta sjol, yac ta oq'uel bael ta xch'ixil be.

Génesis 37:29

C'alal tal yil te pozo te Rubén, ma ba la sta tey a te José. Bayal la smel yo'tan, la xch'i' sc'u' yu'un.

Isaías 52:11

Loc'aniquix, loc'aniquix bael ta Babilonia; ma me x'apiquic te bila ma lecuc sc'oplale, loc'aniquix bael ta Babilonia. Lecubenuquex me ta lec, ja'ex te ya awich'ic bael sbiluquil te templo yu'un te Cajwaltique.

Levítico 13:44

ja' yu'un te winic yich'oj c'a'el-chamel, melel ay xchamel te sjole. Ma ba lec ay sc'oplal te winique, jich me ya yal ta jamal te sacerdote.

2 Reyes 7:3

Ja' nix ta yorail a, ay chantul c'a'el-chameletic te ayic ta yochibal te lume. Jich la yalbey sbaic: —¿Bi ya jpastic te li' nacalotic ta smaliyel bi ora ya xlajotic?

Números 5:2

—Albeya mandal te israeletic te ac'a sloq'uesic bael ta spat campamento spisilic te mach'atic ay c'a'el-chamel, soc spisilic te ay chamel ta mero sc'unil sbaq'uetal te ay spojowil ya xloq'ue, soc spisilic te ma lecuc sc'oplal yu'un te la spic animae.