Levítico 13:43 - Bible in Tzeltal de Oxchuc y Tenejapa

⁴³ Ja' yu'un te sacerdote ya me stsajtay yil ta lec, teme sac o tsaj te sijt'emal te chamel ay ta banti t'axale, jich nix te bit'il ya spas te chamel ta snujc'ulel te baq'uete,

Bible in Tzeltal Bachajón

⁴³ Ha yu'un te sacerdote ya me stsahtay yil ta lec, teme tsajtsajtic te siht'emal te c'a'el ay ta sti'ba o ta spat jol, hich te bin ut'il ya spas te c'a'el-chamel ta snuhculel te baq'uete,

Levítico 13:43 Referans Kwoze

Levítico 10:10

swenta yu'un jich me ya ana'ic stsajtayel a te bila ch'ultesbile, soc te bila ma ba ch'ultesbiluque, soc te bila lec sc'oplale soc te bila ma lecuc sc'oplale;

Levítico 13:19

teme ay to sijt'em soc sac ya xjil te banti ya xc'axe, o teme ay to saluben te sac o tsaje, ya me sc'an te ya xbajt' ta stojol sacerdote.

Levítico 13:42

Yan teme ay ya xchicnaj chamel te jich yilel te sac o tsaj ta banti lubajem stsotsile, teme ta sti'ba, o teme spat jole, yu'un me yac ta jajch'el a te c'a'el-chamele.

Levítico 13:44

ja' yu'un te winic yich'oj c'a'el-chamel, melel ay xchamel te sjole. Ma ba lec ay sc'oplal te winique, jich me ya yal ta jamal te sacerdote.

Ezequiel 22:26

Te sacerdoteetic yu'un te lumq'uinal, ya yixlanbonic te p'ijubtesel cu'une. Ya sjinbonic sc'oplal te bila ch'ultesbil ya cale; pajal sc'oplal c'oem yu'unic te bila ch'ultesbil soc te bila ma ch'ultesbiluque. Soc ma ba ya yac'bey snop yantic bit'il ay ta na'el te bila lec sc'oplal soc te bila boloben sc'oplale. Ma xyac' yo'tanic ta sna'el soc ta yich'el ta muc' te sc'aalelal cux-o'tanil cu'une, soc la sboltesbonic jc'oplal ta yolilic.

Isaías 3:17

Jich yu'un ya me jt'axanbey jilel sjolic yu'un chamel ta swenta castigo, soc ya me jt'ananbey jilel sbaq'uetalic ta swenta q'uexlal —xi'.