Levítico 13:26 - Bible in Tzeltal de Oxchuc y Tenejapa

²⁶ Te c'alal ya stsajtay yil ta lec te sacerdote te banti ay te chamele, teme ma'yuc yac ta sacubel stsotsil soc te ma ba pujul ochele, teme ma ja'uc toyol yac ta jilel te snujc'ulele, teme yaquix ta c'un ch'ayel baele, ya me smac juqueb c'aal te mach'a yich'oj chamele.

Bible in Tzeltal Bachajón

²⁶ Yan teme ya stsahtay yil ta lec te sacerdote te mayuc sacal stsotsel soc ma ba lohmajem cohel yu'un te snuhculel, teme algo ihc'uben yilel, te sacerdote ya me smac huqueb c'ahc'al.

Levítico 13:26 Referans Kwoze

Levítico 13:23

Yan teme ma ba yaquix ta bolobel bael te banti ay te chamele, yu'un me ja' nax yac ta t'ot'obel te banti c'ax te chamele, te sacerdote ya me yal ta jamal te lec ay sc'oplale.

Levítico 13:25

te sacerdote ya me stsajtay yil ta lec. Teme yac ta sacubel stsotsil te banti ay te chamele, soc teme ja' pujulix ochel te snujc'ulel te banti ay te chamele, teme ja' toyemix jilel te snujc'ulel te banti leque, yu'un ja' te c'a'el-chamel te ya xjajch' ta jnujc'uleltic te banti c'ajq'ueme; te sacerdote ya me yal ta jamal te ma lecuc sc'oplal, melel ja' te c'a'el-chamele.

Levítico 13:27

C'alal ya sts'acaj te juqueb c'aale, ya me stsajtay yil ta lec te sacerdote: teme yaquix ta pujq'uel bael ta snujc'ulele, jich ora ya yal ta jamal te ma ba lec ay sc'oplal te mach'a yich'oj chamele, melel ja' te c'a'el-chamele.