Levítico 13:20 - Bible in Tzeltal de Oxchuc y Tenejapa

²⁰ Teme ya yil te sacerdote te ja' pujulix ochel te banti bolobene, te ja' toyol ay te snujc'ulel ay to jileme, soc teme sacubenix te stsotsile, ya me yal ta jamal te ma lecuc sc'oplal te mach'a ay ta chamele, melel te chamel yich'oje ja' te c'a'el-chamele.

Bible in Tzeltal Bachajón

²⁰ Ya me stsahtay yil ta lec te sacerdote; teme hich yilel te bin ut'il lohmajemix cohel yu'un te snuhculel, soc teme sacubenix te stsotsele, ya me yal te bohloben sc'oblal; ha me c'a'el-chamel te hahch ta banti siht'em te ay spojowil.

Levítico 13:20 Referans Kwoze

2 Pedro 2:20

Te mach'atic la sna'beyiquix sba te Jesucristoe te ja' Cajwaltic soc ja' Jcoltaywanej cu'untic stuquele, jich colemiquix loq'uel tey a ta bay sbolil te balumilale. Ja'uc me to, teme patil ya xcha'sujt'ic xan ta spasel te bila jil yu'unic ta neelale soc teme ya x'u'uninotic xan yu'une, c'axem to xan jich ya xbolobic a te bit'il ayic ta neelal toe.

San Juan 5:14

Ta patil la sta sba soc ta templo te Jesuse. Jich albot yu'un: —Ya calbat in to: Te bit'il colematixe, ma me xaleulay xan amul, swenta yu'un ma me ayuc bi c'axem to xan jich ya xc'ot ta awenta —utot yu'un.

San Mateo 12:45

Jich ya xba yic' tel juqueb pucujetic te c'ax jich yixtaelic te bit'il ay stuquele. Spisilic ya x'och snainbey yo'tan te ants-winique. C'ax to xan jich ya xbolob a te bit'il ay ta neelale. Jich me ya xc'otic te mach'a cuxulic ta q'uinal ta ora to te ma lecuc yo'tanique —xi' te Jesuse.

Levítico 13:3

Te sacerdote ya me stsajtay yil ta lec te chamel ay ta snujc'ulel, teme sacuben te stsotsil ta banti ay te xchamele, soc teme pujulix ochel yu'un te snujc'ulele, mero ja' me te c'a'el-chamele. Teme la stsajtayix yil ta lec te sacerdote, ya me yal ta jamal te ma lecuquix sc'oplale.

Levítico 13:2

—Teme ay mach'a sijt'em te sbaq'uetale, teme saluben, teme yac ta bolobel snujc'ulel yilele, o teme ay sc'a'el te jich yilel te bit'il c'a'el-chamel, ya me yich' iq'uel bael ta stojol sacerdote Aarón, o ja' te sacerdoteetic te ja' patil alnich'anetic yu'une.

Levítico 13:19

teme ay to sijt'em soc sac ya xjil te banti ya xc'axe, o teme ay to saluben te sac o tsaje, ya me sc'an te ya xbajt' ta stojol sacerdote.

Levítico 13:21

Teme ya yil te ma'yuc sacuben stsotsil te banti c'ot te chamele, soc teme ma ba pujul ochel te snujc'ulel te lec to aye, teme yac ta ch'ayel baele, ya me smac juqueb c'aal te mach'a ay ta chamele.