Levítico 13:10 - Bible in Tzeltal de Oxchuc y Tenejapa

¹⁰ Te sacerdote ya me stsajtay yil ta lec, teme yac ta sacubel te sijt'emal te snujc'ulele, soc teme yac ta sacubel te stsotsile, teme chican ta ilel te sijt'emale,

Bible in Tzeltal Bachajón

¹⁰ Ha ya stsahtay yil ta lec, teme ay sacal siht'emal ta snuhculel te la sacubtesbe te stsotsel, soc teme chican ta ilel te mero sbaq'uetal ta siht'emal,

Levítico 13:10 Referans Kwoze

2 Reyes 5:27

Ja' yu'un yo'tic te sc'a'el-xchamel te Naamán, ja'at me ya xc'ot ta anujc'ulel, soc te patil alnich'anetic awu'un ta sbajt'el ora —xi' sc'oplal. Te c'alal te Giezi loc' bael ta stojol Eliseo, mero scojt'ol ayix a te c'a'el-chamel ta snujc'ulele, scojt'ol sacubenix jichuc toib a.

San Juan 7:7

Te mach'a ayic ta balumilal ma ba ya sp'ajex. Yan te jo'one ya sp'ajonic scaj te ya calbey ta jamal te amen te yat'elique.

Amós 5:10

Ya me awil awocolic te ya alab-o'tantayic te mach'a ya xc'opoj yu'un te lequil chajbanel, soc te ya awilayic te testigo te smelelil ya yale.

Proverbios 12:1

Te mach'a bin nax yo'tan yu'un tojtesel, ja' lec ta yo'tan te p'ijil c'ope; yan te mach'a ya x'ilin yu'un te comele, ja' te ma sna' q'uinale.

Levítico 13:24

“Teme ay mach'a c'ajq'uem te snujc'ulel, teme ay sac soc tsaj, o teme sac, te banti c'ajq'uem te sbaq'uetale,

Levítico 13:9

“Teme ay mach'a tsacbil ta chamel te snujc'ulele, ya me yich' iq'uel bael ta stojol sacerdote.

Levítico 13:11

ja' me te c'a'el-chamel ya xjajch' ta jnujc'uleltic te ma squejch'aje. Ja' yu'un te sacerdote ya me yal ta jamal te ma lecuc sc'oplal ay yu'un te xchamele, ma puersauquix te ya smaque, melel ma lecuquix sc'oplal.