Biblia Todo Logo
Bib sou entènèt

- Piblisite -




Levítico 11:44 - Bible in Tzeltal de Oxchuc y Tenejapa

44 melel jo'on te Ajwalilon soc te Dioson awu'unique. Te ja'exe ya me sc'an te mero ya alecubtes ac'oplalic, soc te ch'ultesbil ya x'ainexe, melel ch'ul Dioson te jo'one, ma me xawac' te ma lecuc ac'oplal ya xc'oat ta swenta te chambalametic ya stas sbaic ta beel ta lumq'uinale.

Gade chapit la Kopi

Bible in Tzeltal Bachajón

44 como ho'on Jehovahon te Dioson awu'unique. Ha yu'un ya me ach'ultes abahic, ch'ultesbilex me ya xc'ohex, como ho'on ch'ul Dioson; ha yu'un ma me xabohlobtes ac'oblalic ta scuenta biluc chambahlamil te staslajan ya xbehen ta lumq'uinal.

Gade chapit la Kopi




Levítico 11:44
34 Referans Kwoze  

—Jo'on Ajwalilon, te Dioson awu'une, te la jloq'uesat ta Egipto ta banti ayat ta mozoile.


—Albeya ta spisil te israeletic te bila ya calbate: “Ch'ultesa me abaic, melel te jo'on te Ajwalilon soc te Dioson awu'unique, ch'ul Dioson jtuquel.


“Ch'ultesa me abaic ta jtojol, ch'ultesbiluquex me, melel jo'on Ajwalilon te Dioson awu'unique.


Melel ma ja'uc la yic'otic Dios yu'un te ja' ya cat'elintic spasel te mulile. Ja' la yic'otic Dios yu'un te jc'axel ya yutstesotic ta stojol.


Te ja'ex ya me sc'an te ch'ultesbilex ta jtojole, melel jo'on Ajwalilon ch'ul Dioson, yan me awilelic cu'un te bit'il yantic lumetique, swenta yu'un jo'on cu'unex.


Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.


Ma me xawac' scap sbaic soc yantic, melel ja'ic me te ya yaq'uic waj ta jtojol. Ch'ultesbilic me ta atojol, melel jo'on Ajwalilon, ch'ul Dioson, soc jo'on te ya jch'ultesexe.


Melel te ja'exe, ch'ul lumex yu'un te Cajwaltic te Dios cu'untique. Stsaojex loq'uel ta yolil spisil te yantic lumetic ta balumilal, swenta yu'un ja'ex me lum yu'un ya xc'oex.


Te mach'a amen yo'tane, jichuc ac'a spas xan bael te bila amene. Te mach'a bol yo'tane, jichuc ayuc bael te yo'tane. Yan te mach'a lec yo'tane, ac'a spas xan bael te bila lec ta pasele; soc te mach'a ch'ultesbil yu'un te Diose, ch'ultesbiluc me bael te yo'tane” —la yuton.


Albeyaic yutsil sc'oplal te Cajwaltic, ja' te Dios cu'untic; quejana abaic ta stojol ta bay te ch'ul wits yu'une. ¡Te Cajwaltic Dios cu'untic, ja' ch'ul Ajwalil stuquel!


Albeyaic yutsil sc'oplal Cajwaltic te Dios cu'untic, quejana abaic ta stojol. ¡Ja' Ch'ul Dios stuquel!


Jich yu'un te ja'exe ya sc'an te tojuc awo'tanic jich te bit'il toj yo'tan stuquel te Jtatic te ay ta ch'ulchane.


Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.


Ja' nax me xaquejan abaic ta jtojol jo'on te Ajwalilon te Dioson awu'unique, melel ja' ya cac'bat bendición yu'un awe'el soc te ja' ya awuch'ique. “Ma xcac' xnoptsaj chamel ta atojol.


¡Te ja'exe ajwalilex soc sacerdoteex soc ch'ul lum c'oemex ta jtojol!” uta me —xi' te Diose.


Melel jo'on Awajwalon, te Jcoltaywanejon awu'une, te Ch'ul Dioson yu'un Israel. Jo'on jmanojat; te atojol te la cac' te la jcoltayat, ja' te Egipto, Etiopía soc Sabá.


Te yajwal lum Bet-semes, jich la yalic: —¿Mach'a ya xju' ya stoy sba ta stojol te Cajwaltic, te ja' mero ch'ul Dios stuquele? ¿Mach'a ya xc'ot ta swenta teme loc' bael ta jtojoltique? —xiic.


Ma me xawac' abaic ta ilayel soc te ma lecuc ya xc'ot ac'oplalic ta swenta chambalametic te ya stas sbaic ta beel ta lumq'uinale,


Ja' mero lum ya xc'oex cu'un, te jo'one ja' me Dioson awu'unic. Jich me ya ana'ic te jo'on Ajwalilon te Dioson awu'unique, te la jcoltayex loq'uel ta tulan at'el te tenbilex ta spasel yu'un te egipcioetique.


Teme ay cheb te ya sjoin sbaic ta beele, yu'un pajal yo'tan sbaic.


“Jo'on Awajwalon te Dioson awu'une; te jbiile, ja' te Ajwalil te Spisil ya xju' yu'une. Jo'on la jyuc' te mare soc awun yu'un te sbule.


—Yacon ta yaiyel stojol te yacalic ta ch'inlajanel ta c'op te israeletique. Baan c'opojan soc, jich me ya awalbey: “Jich la yal te Diose: ‘Ta xmal c'aal ya me ati'ic ti'bal. Yan te jujun sab ya me awe'ic waj ja' to chican bay c'alal ya sc'an awo'tanic. Jich me ya ana'ic te jo'on Ajwalilon te Dioson awu'unique’, xi' te Diose”, uta me —xi' me sc'op te Cajwaltique.


Te Cajwaltic jich la yal yu'un: —Baan chajbana te israeletic yo'tic to soc te pajele. Ac'a slecubtes sbaic, soc ya me sac' sc'u'ic.


“Te ja'exe ch'ultesbiluquex me ta jtojol. Ma me xati'beyic sbaq'uetal lajem chambalam te milbil yu'un jti'awal ja'mal chambalam ta yol q'uinal. Ac'beyaic me sti' te ts'i'etique.


—Jich xawalbey te israeletique: “Jo'on Ajwalilon te Dioson awu'unique.


“Ta juju-jtulex ich'aic ta muc' te atatic, soc ich'aic ta muc' te ame'ique. “Ya me awich'bonic ta muc' te sc'aalelal cux-o'tan. Jo'on Ajwalilon, Dioson awu'unic.


Jich me ya ana'ic spisil a te mandaliletic cu'un, soc ya me ach'uunic, soc jich me ya awac' abaic ta ch'ultesel cu'un te jo'on Dioson awu'unique.


Te sba yalatac te awacaxic soc te achijique, te c'alal ya x'ayinic, juqueb me c'aal ya sjoin te sme'ique. Teme la staix waxaqueb c'aale, ya me awac'bonic.


“Ma me xbaex ta stojolic te loc'ombaetique, soc ma me xapas adiosinic ultesbil taq'uinetic. Jo'on Ajwalilon, Dioson awu'unic.


Ma me xatsob xan spisil te sit ats'usubile, soc ma me xatam te sit ats'usubil lubajeme; ijq'uitaybeya te me'baetic soc te jyanlumetique. Jo'on Ajwalilon, Dioson awu'unic.


Ja'uc me to, te Josué la yalbey: —Te ja'exe ma xju' awu'unic te ya awac' abaic ta abatinel ta stojol te Cajwaltic, melel ch'ul Dios stuquel. Soc ma ba ya smulan te ya ale yantic diosetic. Ma ba ya sts'icbeyex te atoybailic soc te amulique.


Ma'yuc mach'a yan jich ch'ul Dios te bit'il ja'at, Cajwal. Ma'yuc mach'a jich ya xcanantaywan te bit'il ja'at, Dios cu'untic. Jtul ma'yuc mach'a jich te bit'il te ja'ate.


Swiv nou:

Piblisite


Piblisite