Levítico 11:42 - Bible in Tzeltal de Oxchuc y Tenejapa

⁴² “Ta spisil te chambalametic te staslajan ya xbeenic ta lume, ma me xju' ya ati'ic, manchuc ja' te ya stas sbae, o ja' te ay chaneb yacan, o c'axem a, ma xju' ya ati'ic, melel ja'ic me te ilaybil chambalametique.

Bible in Tzeltal Bachajón

⁴² Spisil te bin ya sjoch sba ta sch'uht, soc te ya xbehen ta chaneb yoc o c'axem a, spisil te bin staslajan ya xbehen ta lum, ma me xawe'ic, como ihlaybil.

Levítico 11:42 Referans Kwoze

Tito 1:12

Jich bit'il te la yalbey sc'oplal slumal te jtul j'alwanej yu'un te cretaetique: “Ta spisil te cretaetique stalel jpas-lotetic, bol chambalametic. Mero ch'ajetic, soc ja' nax ya xwe'-x'uch'ajic”, te xi' sc'oplalic yu'un.

2 Corintios 11:13

Melel lotil jpuc-c'opetic stuquelic soc ya xlo'laywanic. Tojol te scuyoj sbaic ta jpuc-c'opetic yu'un te Cristoe.

2 Corintios 11:3

Ja'uc me to, ya xiw co'tan teme ay mach'a ya slo'layex, jich te bit'il laj ta lo'layel yu'un sp'ijil sc'op chan te Evae. Ya jxi' teme ay bit'il ya xyanaj awo'tanic, soc te jich ma junuquix awo'tanic ta stojol te Cristoe.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

San Mateo 23:23

¡Ya me awil awocolic jts'ibojometic, fariseoetic te cha'lam awo'tanique! Melel ja' nax ya awac'beyic smajt'anin Dios jun ta slajunebal te yerbabuena, soc te eneldo soc te comino. Yan te bila muc' sc'oplal ta pasel te ya yal te mandalile, ja' ma'yuc sc'oplal ta awo'tanic stuquel, jich bit'il in to: ja' te bila toj ta pasele, te c'uxul-o'tanile, soc te xch'uunjel-o'tanile. Ja' ya sc'an pasel awu'unic, soc uuc te yan te yacalex ta pasele.

San Mateo 3:7

Te Juane la yil te tsobol fariseoetic soc saduceoetic te talemic yu'un te ya yac' sbaic ta ich'ja'e. Jich la yalbey yaiyic: —Te ja'exe, ja' sts'umbalex c'oem te jti'awal chanetique. ¿Mach'a la yalbeyex awaiyic te ya xju' ya acoltay abaic loq'uel ta swenta te tulan castigo te nopol ayixe?

Miqueas 7:17

Jich me ac'a sleq'uic tan te bit'il chanetic soc jich bit'il yantic te bitic staslajanic ta beele. Yacuc me ta nijq'uel ya xloq'uic tel ta spechech, soc nojeluc me xiwel ta yo'tanic ya xtalic ta atojol, Cajwal Dios cu'untic.

Isaías 65:25

Te ja'mal jti'awal ts'i' soc te alal chije pajal me ya xwe'ic; te león-choj ya me slo' aquil jich bit'il wacax; te chan ya me smac'lin sba ta slo'el lum. Ta spisil ta bay ch'ul wits cu'une, ma me ayuc jtuluc mach'a ya xbolteswan —xi'. Jich la yal te Cajwaltique.

Génesis 1:20

La yal te Diose: “Ac'a chicnajuc te bitic ya xcuxinic ta ja', soc mutetic te ya xwilic ta sba te balumilale”, xi'. Jich pastaj yu'un.

Levítico 11:41

“Ma me xju' ya ati'ic te chambalam ya stas sba ta beel ta lume, melel ilaybil chambalam stuquel.

Levítico 11:43

Ma me xawac' abaic ta ilayel soc te ma lecuc ya xc'ot ac'oplalic ta swenta chambalametic te ya stas sbaic ta beel ta lumq'uinale,