Levítico 11:40 - Bible in Tzeltal de Oxchuc y Tenejapa

⁴⁰ Te mach'a ya sti'bey sbaq'uetal te chambalam stuquel lajeme, ya me sc'an te ya sac' te sc'u'-spaq'uique, soc ma me lecuc sc'oplal ya xjil c'alal ta yijc'ubel q'uinal. Ja' nix jich te mach'a ya sloq'uesbey sbaq'uetal te lajem chambalame, ac'a sac' te sc'u'-spaq'ue, soc ma me lecuc sc'oplal ya xjil c'alal ta yijc'ubel q'uinal.

Bible in Tzeltal Bachajón

⁴⁰ Te mach'a ya swe'be te schamen baq'uet ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal; ha nix hich te mach'a ya sloq'ues te bin chamene, ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal.

Levítico 11:40 Referans Kwoze

Ezequiel 44:31

Te sacerdoteetic ma me xju' ya swe'ic mutetic o yantic chambalametic te stuquel nax lajemique, o teme yich'oj milel ta jti'awal chambalame.

Levítico 22:8

Ma me xju' ya sti'bey sbaq'uetal lajem chambalam, o chambalam te yich'oj milel yu'un jti'awal ja'mal chambalame, ma me lecuc sc'oplal ya xc'ot yu'un. Jo'on Ajwalilon.

Deuteronomio 14:21

“Ma me xati'ic te chambalam ya xlaj ta stuquel nax, melel te ja'exe, ch'ultesbilex yu'un te Cajwaltic te Dios cu'untique. Ya me xju' ya awac'bey te jyanlumetic nainemic ta alumalique, ya me xju' ya sti'ic stuquel. Soc ya xju' ya achonbeyic te jyanlumetic c'axel nax ayique. “Ma me xapayic ta ya'lel xchu' sme' te ch'in tentsune.

Ezequiel 4:14

La jac'bey te jo'one: —Pero Cajwal, te jayebix c'aal te cuxulon ta q'uinale, ma'yuc bi ora jpicoj te bila amene. Soc ma'yuc bi ora jti'ojbey sbaq'uetal chambalam te stuquel nax lajeme, o ja' te chambalam yich'oj milel yu'un yantic jti'awal chambalame. Jc'axel ma'yuc bi ora jpasoj caiy prueba sbaq'uetal chambalam te bolobene —xoon ta stojol.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

1 Corintios 10:21

Ma xju' te jun buelta ya awuch' te bila ay ta vaso yu'un te Cajwaltique, soc ta yan buelta ya awuch' te bila ay ta vaso yu'un te pucujetique. Soc ma xju' te jun buelta ya xwe'at ta bay Smesa te Cajwaltique, soc ta yan buelta ya xwe'ex ta smesa te pucujetique.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

Zacarías 13:1

“Te c'alal ya sta sc'aalelal ya me yich' jamel sloq'uibja' c'oem, swenta yu'un tey me ya xju' ya spoc a te smulic soc te sbolil yo'tanic te patil alnich'anetic yu'un David soc te mach'atic nainemic ta Jerusalén.

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

Isaías 1:16

Poca abaic, sapa abaic. Q'uejbonic bael ta jsit te amulique; ijq'uitayaic ta spasel te bila ma lecuque.

Números 19:19

Te mach'a lec sc'oplal, ta yoxebal c'aal ya me stsijts'anbey ja' swenta lecubtesel te mach'a ma lecuc sc'oplal, soc ta sjuquebal c'aal. Ta sjuquebal c'aal lecub meix sc'oplal. Jich yu'un te mach'a ma lecuc sc'oplal ya me sac' te sc'u'-spac' soc ya me spoc sba ta ja', pero ma lecuc sc'oplal ya xjil c'alal ta yijc'ubel q'uinal.

Levítico 16:28

Te mach'a ya xchiq'ue, ya sc'an te ya sac' te sc'u'-spac' soc ya me spoc sba ta ja'; patil ya me xju' x'och ta campamento.

Levítico 16:26

Te mach'a xc'otuc scoltay bael ta stojol Azazel te tentsune, ya me sac' te sc'u'-spac' soc ya me spoc sba ta ja'; patil jich me ya xju' ya x'ochix bael ta campamento.

Levítico 15:27

“Mach'auc a te ya spic te biluquetique, ma ba lec sc'oplal ya xjil yu'un, ya me sc'an te ya sac' te sc'u'-spac' soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal.

Levítico 11:28

Ja' ni me jich te mach'a ya sjachbey sbaq'uetal teme lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil c'alal ta yijc'ubel q'uinal. Ya me sc'an te ma lecuc sc'oplal awu'unic te chambalametique.

Levítico 11:25

“Mach'auc a te ya sjachbey sbaq'uetal te chambalametic lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil yu'un c'alal ta yijc'ubel q'uinal.

Éxodo 22:31

“Te ja'exe ch'ultesbiluquex me ta jtojol. Ma me xati'beyic sbaq'uetal lajem chambalam te milbil yu'un jti'awal ja'mal chambalam ta yol q'uinal. Ac'beyaic me sti' te ts'i'etique.

Levítico 11:39

“Teme ay ya xlaj chambalametic awu'unic te lec ta ti'ele, teme ay mach'a ya spicbey te sbaq'uetale, ma me lecuc sc'oplal ya xjil c'alal ta yijc'ubel q'uinal.

Levítico 14:46

Spisil te mach'a ya x'och ta na te c'alal yalojix a te sacerdote te ya yich' maquele, ma me lecuc sc'oplal ya xjil c'alal yijc'ubel q'uinal yu'un.

Levítico 15:15

Te sacerdote ya me yac' jcojt' swenta milbil majt'anil yu'un mulil, te yane swenta majt'anil te scojt'ol ya yich' chiq'uele. Jich me ya spas ta stojol Cajwaltic ta swenta slecubtesel sc'oplal te winic ay bila mal yu'un ta sbaq'uetale.

Levítico 22:6

ma lecuc sc'oplal ya xjil c'alal ta yijc'ubel q'uinal, ma me xju' ya swe' te bila ch'ultesbil ja' to teme ya spoc sba ta ja'e.