Levítico 11:39 - Bible in Tzeltal de Oxchuc y Tenejapa

³⁹ “Teme ay ya xlaj chambalametic awu'unic te lec ta ti'ele, teme ay mach'a ya spicbey te sbaq'uetale, ma me lecuc sc'oplal ya xjil c'alal ta yijc'ubel q'uinal.

Bible in Tzeltal Bachajón

³⁹ Teme ay ya xcham chambahlametic te lec ta we'el, teme ay mach'a ya spicbe te sbaq'uetal, ma me lecuc sc'oblal ya xhil c'alal ta yihc'ubel q'uinal.

Levítico 11:39 Referans Kwoze

Números 19:16

“Teme ay mach'a ya xlaj ta yol q'uinal, spisil te mach'a ya spicbey sbaq'uetal te mach'a milbile o teme jich nax a laje, o teme sbaquel animaetic, o muquenal la spic, ma lecuc sc'oplal ya xjil juqueb c'aal abi.

Números 19:11

“Te mach'a ya spicbey sbaq'uetal anima, ma ba lec sc'oplal ya xjil juqueb c'aal.

Levítico 15:7

“Teme ay mach'a ya spic te winic ay ta wocol yu'un te ay bila ya xmal yu'une, ya me sc'an te ya sac' te sc'u'-spaq'ue, soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal.

Levítico 15:5

“Mach'auc a te ya spic te banti way te winique, ya me sc'an te ya sac' te sc'u'-spaq'ue, soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal.

Levítico 11:40

Te mach'a ya sti'bey sbaq'uetal te chambalam stuquel lajeme, ya me sc'an te ya sac' te sc'u'-spaq'uique, soc ma me lecuc sc'oplal ya xjil c'alal ta yijc'ubel q'uinal. Ja' nix jich te mach'a ya sloq'uesbey sbaq'uetal te lajem chambalame, ac'a sac' te sc'u'-spaq'ue, soc ma me lecuc sc'oplal ya xjil c'alal ta yijc'ubel q'uinal.

Levítico 11:31

“Ta spisilic te chambalametic te mero bayalic ta q'uinale, ja'ic ya me sc'an te ya awilayic. Mach'auc a te ya spicbey sbaq'uetal teme lajem, ma me lecuc sc'oplal ya xjil c'alal ta yijc'ubel q'uinal.

Levítico 11:28

Ja' ni me jich te mach'a ya sjachbey sbaq'uetal teme lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil c'alal ta yijc'ubel q'uinal. Ya me sc'an te ma lecuc sc'oplal awu'unic te chambalametique.

Levítico 11:24

“Te bitic ma lecuc sc'oplal ya xc'oex yu'un, ja'ic in to: “Mach'auc a te ya spicbey te sbaq'uetal junuc te chambalametic lajeme, ma me lecuc sc'oplal ya xjil yu'un c'alal ta yijc'ubel q'uinal.

Levítico 11:38

pero teme yich'ojix sts'ajel te sbac' ts'unubile, teme ay ya xch'ay coel ta sba te lajem chambalame, ma me lecuquix sc'oplal.

Levítico 22:4

“Te patil alnich'anetic yu'un Aarón ma me xju' ya swe'ic te bila ch'ultesbil teme ay ta c'a'el-chamel, soc teme ay bila ya xmal loq'uel ta sjol sbaq'uetale. Ja' to teme la yich'ix lecubtesel sc'oplale, ja' to me ya xju' ya swe' a. “Te mach'a ya spic te bila ma lecuc sc'oplal ta scaj te animae, teme ya spic te mach'a ay bila mal loq'uel ta sjol sbaq'uetal,

Levítico 22:8

Ma me xju' ya sti'bey sbaq'uetal lajem chambalam, o chambalam te yich'oj milel yu'un jti'awal ja'mal chambalame, ma me lecuc sc'oplal ya xc'ot yu'un. Jo'on Ajwalilon.

Levítico 14:46

Spisil te mach'a ya x'och ta na te c'alal yalojix a te sacerdote te ya yich' maquele, ma me lecuc sc'oplal ya xjil c'alal yijc'ubel q'uinal yu'un.

Levítico 15:15

Te sacerdote ya me yac' jcojt' swenta milbil majt'anil yu'un mulil, te yane swenta majt'anil te scojt'ol ya yich' chiq'uele. Jich me ya spas ta stojol Cajwaltic ta swenta slecubtesel sc'oplal te winic ay bila mal yu'un ta sbaq'uetale.

Levítico 16:26

Te mach'a xc'otuc scoltay bael ta stojol Azazel te tentsune, ya me sac' te sc'u'-spac' soc ya me spoc sba ta ja'; patil jich me ya xju' ya x'ochix bael ta campamento.

Levítico 17:15

“Mach'auc israelil, o jyanlumil, teme ya sti'bey sbaq'uetal lajem chambalam, o teme ya sti'bey sbaq'uetal te ixlanbil yu'un yan jti'awal ja'mal chambalame, ya me sc'an te ya sac' te sc'u'-spac', soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal. Patil lecubtesbil me sc'oplal ya xjil.

Levítico 22:6

ma lecuc sc'oplal ya xjil c'alal ta yijc'ubel q'uinal, ma me xju' ya swe' te bila ch'ultesbil ja' to teme ya spoc sba ta ja'e.

Números 19:7

Ta patil ya me sac' te sc'u'-spac' soc ya me spoc sba ta ja'. Ta patil ya me xju' ya x'och bael ta campamento, pero ma lecuc sc'oplal ya xjil c'alal ta yijc'ubel q'uinal.

Ezequiel 4:14

La jac'bey te jo'one: —Pero Cajwal, te jayebix c'aal te cuxulon ta q'uinale, ma'yuc bi ora jpicoj te bila amene. Soc ma'yuc bi ora jti'ojbey sbaq'uetal chambalam te stuquel nax lajeme, o ja' te chambalam yich'oj milel yu'un yantic jti'awal chambalame. Jc'axel ma'yuc bi ora jpasoj caiy prueba sbaq'uetal chambalam te bolobene —xoon ta stojol.