Levítico 11:36 - Bible in Tzeltal de Oxchuc y Tenejapa

³⁶ “Pero te sloq'uibja', o teme pozo te banti ya awuch'ic ja'e, stalel me lec sc'oplal ya xjil stuquel. Yan te mach'a ya spicbey te sbaq'uetal te lajem chambalam, ma me lecuc sc'oplal ya xjil stuquel.

Bible in Tzeltal Bachajón

³⁶ Pero te sloq'uib-ha' o stsobojbil ha' stalel me lec sc'oblal ya xhil stuquel. Yan te mach'a ya spic te schamen baq'uetal, ma me lecuc sc'oblal ya xhil.

Levítico 11:36 Referans Kwoze

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

Zacarías 13:1

“Te c'alal ya sta sc'aalelal ya me yich' jamel sloq'uibja' c'oem, swenta yu'un tey me ya xju' ya spoc a te smulic soc te sbolil yo'tanic te patil alnich'anetic yu'un David soc te mach'atic nainemic ta Jerusalén.

Levítico 11:35

Teme ya xch'ay coel ta sba biluquetic te lajem sbaq'uetalic, ma me lecuc sc'oplal ya xjil; manchuc me horno, o teme yan yawil c'ajc' swenta cocina, puersa me ya yich' jinel ta jc'axel, ma me lecuquix sc'oplal.

Levítico 11:37

“Teme ay ya xch'ay coel te lajem chambalametic ta sba sbac' ts'unubil te quechel ya yich' ts'unele, te sbac' ts'unubile, lec me sc'oplal ya xjil;