Levítico 11:35 - Bible in Tzeltal de Oxchuc y Tenejapa

³⁵ Teme ya xch'ay coel ta sba biluquetic te lajem sbaq'uetalic, ma me lecuc sc'oplal ya xjil; manchuc me horno, o teme yan yawil c'ajc' swenta cocina, puersa me ya yich' jinel ta jc'axel, ma me lecuquix sc'oplal.

Bible in Tzeltal Bachajón

³⁵ Spisil te biluquetic te tey ya xch'ay cohel ta sba a te bin chamene, ma me lecuc sc'oblal ya xhil; teme horno o banti ya yich' nup'el c'ahc', ya me yich' jinel, ma me lecuc sc'oblal, ma me lecuc sc'oblal ya xc'oht awu'unic.

Levítico 11:35 Referans Kwoze

Levítico 15:12

“Teme ya spic pac'bil oxom te winic yac ta wocol yu'un te bila ya xmal yu'une, ac'a me yich' wuyel ta jc'axel. Jich nix te biluquetic pasbilic ta te', ac'a me yich'ic poquel ta lec.

Levítico 11:33

“Teme ay lajem chambalam te ya xch'ay ochel ta pac'bil oxom, ma me lecuc sc'oplal ya xjil soc spisil te bitic ay ta yutile. Te oxom ya me yich' top'el ta jc'axel.

Levítico 6:28

Te pac'bil oxom la yich' payel a te ti'bal yu'un majt'anile, ya me yich' top'el; pero teme ya yich' payel ta oxom-taq'uin pasbil ta bronce, tic' a teme ya yich' sapel soc suq'uele.

Levítico 11:34

Spisil we'elil te ya xtaot yu'un ya'lel te oxome, ma me lecuc sc'oplal ya xc'ot; soc spisil bila uch'balil te ay ta oxome, ma me lecuc sc'oplal ya xjil.

Levítico 11:36

“Pero te sloq'uibja', o teme pozo te banti ya awuch'ic ja'e, stalel me lec sc'oplal ya xjil stuquel. Yan te mach'a ya spicbey te sbaq'uetal te lajem chambalam, ma me lecuc sc'oplal ya xjil stuquel.

Job 39:8

Ya xbeen ta witstiquil, yu'un ya sle wamal swe'elin, ya sle biluc yaxal wamalil swe'elin.

Levítico 13:52

Spisil te biluquetic ya me yich' chiq'uel ta jc'axel, melel ja' me te chamel te ya xlajinwane.