Levítico 11:33 - Bible in Tzeltal de Oxchuc y Tenejapa

³³ “Teme ay lajem chambalam te ya xch'ay ochel ta pac'bil oxom, ma me lecuc sc'oplal ya xjil soc spisil te bitic ay ta yutile. Te oxom ya me yich' top'el ta jc'axel.

Bible in Tzeltal Bachajón

³³ Teme ay ch'ay ochel ta pac'bil oxom, ma me lecuc sc'oblal ya xhil, soc ha nix hich spisil te bintic ay ta yutil. Ya me yich' top'el te oxome.

Levítico 11:33 Referans Kwoze

Levítico 15:12

“Teme ya spic pac'bil oxom te winic yac ta wocol yu'un te bila ya xmal yu'une, ac'a me yich' wuyel ta jc'axel. Jich nix te biluquetic pasbilic ta te', ac'a me yich'ic poquel ta lec.

Levítico 6:28

Te pac'bil oxom la yich' payel a te ti'bal yu'un majt'anile, ya me yich' top'el; pero teme ya yich' payel ta oxom-taq'uin pasbil ta bronce, tic' a teme ya yich' sapel soc suq'uele.

Filipenses 3:21

Ya me xtal sc'atp'unbotic jbaq'uetaltic te ma'yuc yutsile, swenta yu'un pajal ya xc'ot soc sbaq'uetal te ay yutsilal stuquele. Jich me ya spas ta swenta yu'el, te ja' nix ya spas ta mandal a spisil te bitic aye.

Jeremías 48:38

Te Cajwaltic jich ya yal: —Spisil te quembil lumetic yu'un Moab soc spisil te calleetic yu'une, ma'yuc yan bi ya x'aiyot stojol tey a, ja' nax oq'uel. Melel la jwuy ta jyalel te Moab, jich bit'il oxom te ma'yuc stuule. Jo'on Ajwalilon, jich ya cal —xi'.

Levítico 14:45

Ja' yu'un ya me yich' jinel ta jc'axel, spisil te xejt'elul soc ta spisil te sts'ubile ya me yich' ch'ojel bael ta banti ma lecuc sc'oplal ta spat te lume.

Levítico 11:35

Teme ya xch'ay coel ta sba biluquetic te lajem sbaq'uetalic, ma me lecuc sc'oplal ya xjil; manchuc me horno, o teme yan yawil c'ajc' swenta cocina, puersa me ya yich' jinel ta jc'axel, ma me lecuquix sc'oplal.

Levítico 11:34

Spisil we'elil te ya xtaot yu'un ya'lel te oxome, ma me lecuc sc'oplal ya xc'ot; soc spisil bila uch'balil te ay ta oxome, ma me lecuc sc'oplal ya xjil.

Levítico 6:21

Te majt'anil ya me xchajbanic ta samet, buen wots'bil ta aceite. Patil ya me xet'ic, jich me ya yaq'uic swenta majt'anil te bujts'an yic' ta jtojol jo'on te Ajwalilone.

Levítico 13:52

Spisil te biluquetic ya me yich' chiq'uel ta jc'axel, melel ja' me te chamel te ya xlajinwane.

Números 19:15

Spisil te yawil biluquetic te jamal sti'ic soc te ma mero macaluc ta lec, ma lecuc sc'oplalic.