Levítico 11:24 - Bible in Tzeltal de Oxchuc y Tenejapa

²⁴ “Te bitic ma lecuc sc'oplal ya xc'oex yu'un, ja'ic in to: “Mach'auc a te ya spicbey te sbaq'uetal junuc te chambalametic lajeme, ma me lecuc sc'oplal ya xjil yu'un c'alal ta yijc'ubel q'uinal.

Bible in Tzeltal Bachajón

²⁴ Ha ini te ya xbohlob ac'oblalic yu'un: Mach'ayuc a te ya spic te schamen baq'uet yu'un te chambahlametic ini ma me lecuc sc'oblal ya xhil yu'un c'alal ta yihc'ubel q'uinal.

Levítico 11:24 Referans Kwoze

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

Hebreos 9:26

Te jichuque bayal buelta la yac'ulayix sba ta lajel ta xjajch'ibal to tel balumilal te jichuque. Ja'uc me to, te bit'il slajibalix c'aale, jun nax buelta xtaluc te la yac' sba ta lajel ta xch'ayel jmultic te Cristoe.

Colosenses 2:20

Te ja'exe lajemex soc te Cristoe. Jich ma ba ya ach'uuniquix te jowil nax nopjibal yu'un te balumilale. ¿Bistuc jiche te jich ya x'ainex te bit'il mach'atic ayic nax ta swenta te balumilale? ¿Bistuc ya ach'uunic te bila mandalil snopojic naxe?

Efesios 5:11

Ma me xajoin abaic soc ta spasel te bila ma'yuc swentail ya spasic te mach'atic ayic ta ijc' q'uinale. Alaic ta jamal te bit'il amen te bila ya spasique.

2 Corintios 6:17

Ja' swentail te jich la yal xane: “Loc'anic me tel ta yolilic, parte me xawac' abaic, xi' te Cajwaltique. Ma me x'atsaquic te bila ilaybile. Jich me jun nax co'tan ya quiq'uex ta jtojol.

1 Corintios 15:33

Ma me xach'uunic lo'layel. Melel ay mach'a jich ya yal: “Teme ya jointic te mach'atic amenique, ya me xch'aybotic te lequil costumbre cu'untique”, te xie.

Isaías 22:14

Te Cajwaltic te Spisil ya xju' yu'un, la yac' sba ta ilel ta jtojol soc jamal la yalbon ta jchiquin: —Ma ba ya jpasbeyex perdón yu'un in mulil to, ja' to c'alal ya xlajex bael te ja'exe —xi' te Cajwaltique. Jich la yal te Cajwaltic te Spisil ya xju' yu'une.

Levítico 11:31

“Ta spisilic te chambalametic te mero bayalic ta q'uinale, ja'ic ya me sc'an te ya awilayic. Mach'auc a te ya spicbey sbaq'uetal teme lajem, ma me lecuc sc'oplal ya xjil c'alal ta yijc'ubel q'uinal.

Levítico 11:8

“Ma me xju' ya ati'beyic sbaq'uetal te chambalametique, soc mero ma xju' ya apicbeyic sbaq'uetal te c'alal ya xlajique, yu'un ma me lecuc sc'oplal.

Levítico 11:23

Pero spisil yantic ch'ujch'ul chambalametic te ya xwil soc te ya xbeene, ilaybiluc me awu'unic stuquel.

Levítico 11:25

“Mach'auc a te ya sjachbey sbaq'uetal te chambalametic lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil yu'un c'alal ta yijc'ubel q'uinal.

Levítico 22:4

“Te patil alnich'anetic yu'un Aarón ma me xju' ya swe'ic te bila ch'ultesbil teme ay ta c'a'el-chamel, soc teme ay bila ya xmal loq'uel ta sjol sbaq'uetale. Ja' to teme la yich'ix lecubtesel sc'oplale, ja' to me ya xju' ya swe' a. “Te mach'a ya spic te bila ma lecuc sc'oplal ta scaj te animae, teme ya spic te mach'a ay bila mal loq'uel ta sjol sbaq'uetal,

Levítico 5:2

“Teme ay mach'a ya spic te bila ma lecuc sc'oplale, jich bit'il sbaq'uetal lajem chambalam te stalel ma lecuc xi' sc'oplale, manchuc teme ja'mal chambalam, manchuc teme ja' te alaq'uil chambalam ayic ta ana, o teme ja' te chambalametic staslajan ya xbeenic ta lum, jich ma lecuc sc'oplal ya xc'ot te mach'a la spique, manchuc me ma la sna' te la spique.

Levítico 7:21

“Teme ay mach'a ya spic te bila ma lecuc sc'oplale (manchuc me ants-winic, o teme chambalam te ma lecuc sc'oplale, o yantic biluc te ma lecuc sc'oplale) teme ya sti' te sbaq'uetal te milbil majt'anil swenta lamal-o'tanil te jo'on cu'un te Ajwalilone, ya me yich' loq'uesel ta stojol te slumale.” Jich me ya awal ta stojolic —xi' te Cajwaltique.

Levítico 14:46

Spisil te mach'a ya x'och ta na te c'alal yalojix a te sacerdote te ya yich' maquele, ma me lecuc sc'oplal ya xjil c'alal yijc'ubel q'uinal yu'un.

Levítico 15:5

“Mach'auc a te ya spic te banti way te winique, ya me sc'an te ya sac' te sc'u'-spaq'ue, soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal.

Levítico 15:6

“Teme ay mach'a najc'aj tey a te banti te winique, ya me sc'an te ya sac' te sc'u'-spaq'ue, soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal.

Levítico 15:7

“Teme ay mach'a ya spic te winic ay ta wocol yu'un te ay bila ya xmal yu'une, ya me sc'an te ya sac' te sc'u'-spaq'ue, soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal.

Levítico 15:8

“Teme ay ya stubtay te winic te lec ay sc'oplal, te mach'a ya xtubtayot ya sc'an te ya sac' te sc'u'-spaq'ue, ya me spoc sba ta ja', soc ma ba lec sc'oplal ya xjil yu'un c'alal yijc'ubel q'uinal.

Levítico 15:10

“Teme ay mach'a ya spic te banti najc'ajem te winic te ay ta wocol yu'un te bila ya xmal yu'une, ma ba lec sc'oplal ya xjil c'alal yijc'ubel q'uinal. “Teme ay mach'a ya yich' bael te biluquetique, ya me sc'an ya sac' te sc'u'-spaq'ue, soc ya me spoc sba ta ja', ma ba lec sc'oplal ya xjil c'alal yijc'ubel q'uinal.

Levítico 15:11

“Teme ay mach'a ya xpicot yu'un te winic te ay ta wocol yu'un te bila ya xmal yu'une, teme ma ba spocoj te sc'abe, ya me sc'an te ya sac' te sc'u'-spaq'ue, soc ya me spoc sba ta ja', ma ba lec sc'oplal ya xjil c'alal yijc'ubel q'uinal.

Levítico 15:15

Te sacerdote ya me yac' jcojt' swenta milbil majt'anil yu'un mulil, te yane swenta majt'anil te scojt'ol ya yich' chiq'uele. Jich me ya spas ta stojol Cajwaltic ta swenta slecubtesel sc'oplal te winic ay bila mal yu'un ta sbaq'uetale.

Levítico 15:21

“Mach'auc a te ya spic te banti waye, ya me sc'an te ya sac' te sc'u'-spac' soc ya me spoc sba ta ja', soc ma ba lec ya xjil sc'oplal c'alal yijc'ubel q'uinal.

Levítico 15:22

“Te mach'a ya spic te biluc la snactibin a te antse, ya me sc'an te ya sac' te sc'u'-spac' soc ya spoc sba ta ja', soc ma ba lec sc'oplal ya xjil c'alal yijc'ubel q'uinal.

Levítico 15:23

Teme ja' ya spic te banti mejts'aje, o ja' te banti najc'aje, puersa ma ba lec sc'oplal ya xjil c'alal yijc'ubel q'uinal.

Levítico 15:27

“Mach'auc a te ya spic te biluquetique, ma ba lec sc'oplal ya xjil yu'un, ya me sc'an te ya sac' te sc'u'-spac' soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal.

Levítico 16:26

Te mach'a xc'otuc scoltay bael ta stojol Azazel te tentsune, ya me sac' te sc'u'-spac' soc ya me spoc sba ta ja'; patil jich me ya xju' ya x'ochix bael ta campamento.

Levítico 16:28

Te mach'a ya xchiq'ue, ya sc'an te ya sac' te sc'u'-spac' soc ya me spoc sba ta ja'; patil ya me xju' x'och ta campamento.

Levítico 22:5

teme ta swenta bit'il la spic chambalam te staset ya xbeen, o teme yu'un la spic te mach'a ma lecuc sc'oplale,

Levítico 22:6

ma lecuc sc'oplal ya xjil c'alal ta yijc'ubel q'uinal, ma me xju' ya swe' te bila ch'ultesbil ja' to teme ya spoc sba ta ja'e.

Números 19:7

Ta patil ya me sac' te sc'u'-spac' soc ya me spoc sba ta ja'. Ta patil ya me xju' ya x'och bael ta campamento, pero ma lecuc sc'oplal ya xjil c'alal ta yijc'ubel q'uinal.