Levítico 11:20 - Bible in Tzeltal de Oxchuc y Tenejapa

²⁰ “Spisil ch'ujch'ul chambalametic te ya xwilic, soc te ya xbeenic ta lum, ilaybiluc me awu'unic.

Bible in Tzeltal Bachajón

²⁰ Spisil bic'tal chambahlametic te ya xwihlic soc te ya xbehenic ta chaneb yoc, ihlaybiluc me awu'unic.

Levítico 11:20 Referans Kwoze

Judas 1:19

Ja'ic me te ya yac'beyex axat abaique. Ja' nax ay sc'oplal ta yo'tanic te bila ya sc'an te sbaq'uetalique, te melel ma'yuc ta yo'tanic te Espíritu yu'un te Diose.

Judas 1:10

Yan in winiquetic to, ya yixta-c'optayic te bitic ma sna'beyic sbae. In te bitic ya sna'beyic sbae, tey ya sboltes sbaic a, jich bit'il chambalametic te ma sna'ic q'uinale.

2 Timoteo 4:10

Melel te Demase, la spijt'esonix jilel scaj te bic'tajix yo'tan yu'un te bila swenta nax in balumilal to. Jich bajt'ix ta lum Tesalónica. Te Crescente bajt'ix ta sq'uinal Galacia. Te Tito bajt'ix ta sq'uinal Dalmacia.

San Mateo 6:24

“Ma'yuc jtuluc abat te ya xju' yu'un te ya yac' sba ta abatinel yu'un te cheb yajwale. Teme jiche, ja' ya sp'aj te jtule; yan te yane, c'ux ya yaiy ta yo'tan stuquel. Jun yo'tan ta stojol te jtule; ja'uc me to, te yane ma'yuc sc'oplal ta yo'tan ya xc'ot. Ja' nanix jich te ja'exe, ma xju' awu'unic te ya awac' abaic ta abatinel yu'un Dios, teme ja' baem ta awo'tanic te ac'ulejalique.

Salmos 17:14

Cajwal, ta swenta awu'el ac'awon ta libre ta stojolic; loq'uesa ta jc'axel ta balumilal, melel ja' nax yu'unic stuquel te cuxulic ta q'uinale. Ac'a yich'ic bayal castigo, soc ac'a c'otuc ta stojol snich'nabic ja' to c'alal ma xcujch' yu'unic, soc ac'a c'otuc ta swenta te smamatac te sobraile.

Deuteronomio 14:19

“Spisil te bic'tal chambalametic ay xiq'uique, ma me lecuc sc'oplal, ma me xati'ic.

Levítico 11:27

“Spisil chambalametic chaneb yacan te stan yacan ya stec' lum ae, ma me lecuc sc'oplal awu'unic. Mach'auc a te ya spicbey te sbaq'uetal teme lajeme, ma me lecuc sc'oplal ya xjil c'alal ta yijc'ubel q'uinal.

Levítico 11:23

Pero spisil yantic ch'ujch'ul chambalametic te ya xwil soc te ya xbeene, ilaybiluc me awu'unic stuquel.

Hechos 10:14

La yal te Pedroe: —Ju'u, Cajwal. Ma'yuc bay jti'oj xujt'uc te bila ma lecuc sc'oplale soc te bila ilaybile —xi'.

Levítico 11:19

cigüeña-mut, soc spisil ta jchajp garza-mutetic, abubilla-mut, soc te sots'e.

Levítico 11:21

Manchuc me ya xwilic soc ya xbeenic ta lumq'uinal, ya xju' ya ati'ic teme jun ay soc ya'ic te yacanic yu'un xlut'lon ya xwilic ta lume.