Levítico 10:6 - Bible in Tzeltal de Oxchuc y Tenejapa

⁶ Te Moisés jich la yalbey te Aarón soc te snich'nabe, ja' te Eleazar soc Itamar: —Tesbiluc me ajolic, soc ma me xach'i' ac'u'ic swenta seña mel-o'tan, swenta yu'un ma orauc ya xlajex, soc ma orauc ya yac' tel yilimba Dios ta stojol te israeletique. Yan te awermanotac te jun ats'umbalic soque, soc spisil te israeletique, ya xju' ya yaq'uic ta ilel te ya smel yo'tanic yu'un te mach'atic lajic ta c'ajc' te la yac' tel te Cajwaltique.

Bible in Tzeltal Bachajón

⁶ Te Moisés hich la yalbe te Aarón soc te snich'nab, ha te Eleazar soc Itamar: Ma me xaloq'ues te smuhquil ajolic, soc ma me xach'i' ac'u'ic scuenta seña mel-o'tan, scuenta yu'un ma ba ya xchamex soc ma ba ya xtal ilimba ta stojol te pueblo. Yan te awermanotac, ta spisil sna Israel, ya xhu' ya smel yo'tanic stuquel yu'un te c'ahc' te la stihltes te Jehová.

Levítico 10:6 Referans Kwoze

Josué 22:18

¿Yu'un bal ma tic'uc ya awaiyic te ja'ex, te ya ac'an ya awijq'uitay ta awo'tanic te Cajwaltique? Teme ya atoy abaic yo'tic ta stojol Cajwaltic, te pajel ya me x'ilin ta jtojoltic ta jpisiltic te lumotic yu'un te israelotique.

Josué 7:1

Ay jtul te ay ta swenta sts'umbal Judá, Acán sbiil. Ja' snich'an Carmi, smam Zabdi, soc ja' xcha'lamal smam te Zara. Ay biluc la stsac te albil sc'oplal te ya yich'ic jinel ta jc'axele. Ja'uc me to, spisil israeletic la smulinic ta stojol te Cajwaltique, melel Acán la stsac te biluquetic albil mandal yu'un te ya yich' jinel ta jc'axele. Ja' swentail te bayal ilin Cajwaltic ta stojolic.

Números 16:22

Ja'uc me to, la spajc'an sbaic, la stinan sba coel c'alal ta lum, jich la yalic: —Ja'at Diosat, te ya awac'bey xcuxlejal spisil ants-winiquetic, ¿tic' bal ya awilintay spisil lum a ta scaj nax smul te jtul winique? —xiic.

Números 1:53

Yan te levitaetic ja' me ya swentainic te ya yac' snailpaq'uic ta sjoyobal te ch'ul awilal yu'un trato, soc ya me scanantayic te ch'ul awilal, swenta yu'un ma me x'ilinon ta stojol te israeletique —xi' te Cajwaltique.

2 Samuel 24:1

Te Cajwaltic cha'jajch' xan yilimba ta stojol te israeletique. La stijbey yo'tan David te yacuc yac' ta censo te israeletic soc te judioetique.

Josué 22:20

Na'aic me te bila la spas Acán te snich'an Zara, te la sta smul yu'un te la stsac te bitic u'uninbilix yu'un te lajele. Ja' ta scaj smul te ilin Cajwaltic ta jtojoltic ta jtsojboltic te israelotique. Te Acán ma ja'uc nax stuquel a laj yu'un te smule —xi' te Finees.

Levítico 13:45

“Te mach'a yich'oj te c'a'el-chamele, ya me sc'an te ch'i'em te sc'u'-spac' ya slape, t'anal stuquel te sjole, soc olil macal te yelawe. Ya me x'awun: “¡Ma lecucon! ¡Ma lecucon!” xi' me.

Números 18:5

Te ja'ex ay ta awentaic te abatinel yu'un te ch'ul awilal soc ta scajtijib ta chiq'uel majt'anil. Jich me ma ba xcha'ilinon xan ta stojol te israeletique.

Miqueas 1:16

Te ja'at lum Sión, joxa loq'uel stsotsil ajol ta señail xc'uxul mel-o'tan ta scaj te anich'nabic te bayal c'ux ta awo'tane. Joxa loq'uel, t'axal ac'a jiluc jichuc sjol buitre-mut, melel te anich'nab ya me x'ic'otic bael ta mosoil —xi'.

Jeremías 7:29

Jerusalén, joxa loq'uel te stsotsil ajole, ch'oja bael. C'ajintaya mel-o'tan c'ayoj ta ch'in witsetic ta jochol taquin q'uinal. Melel te Cajwaltic ilinem ta stojol te awinictaque, la spijt'esix soc la xch'ojix bael ta yo'tan.

Josué 7:11

Te alumal israeletic staoj smulic. La xc'axintayic te trato la jchap soque, melel la stsaquic te biluquetic la calbey sc'oplal te ma stsaquique. Sna'ojic stojol te ma'yuc permiso ya stsaquic; ja'uc me to, la stsaquic ta puersa. Tey snac'ojic ta bay sbiluquic.

Deuteronomio 33:9

Ja' te jich la yalbey sc'oplal te sme'-statique: “Jc'axel ma'yuc xquil”, xi', soc la yalbey sc'oplal te yermanotaque: “Ma xquil mach'a a”, xi', soc la yalbey sc'oplal te yal-snich'nabique: “Ma jna'bey sbaic”, xi'. Ja'ic ya xch'uunic spasel te bila ya yal te ac'ope, jc'axel yac'oj ta yo'tanic te trato chapal awu'une, ts'acal yac'oj ta yo'tanic.

Números 14:6

Te Josué soc Caleb te ja'ic xc'otuc yilic tel te q'uinale, la xch'i' sc'u'ic ta seña xc'uxul mel-o'tan.

Números 5:18

Te sacerdote ya me yac' tejc'ajuc ta stojol Cajwaltic te antse, ya me stil coel te stsotsil sjol, soc ya me yac' te ya stsac ta sc'ab te majt'anil ta scaj te yilimba te smamlale. Te sacerdote ya me spach ta sc'ab te ch'aal ja' swenta castigo.

Éxodo 33:5

yu'un yalojix Cajwaltic ta stojol te Moisese: —Albeya te alumal israeletic: “Jich la yal te Diose: ‘Te ja'ex mero tulan awo'tanic, ma xapejc'an abaic ta jyalel. Jich yu'un teme ayon ta awolilique, ajc' nax ya xlajex cu'un. Ja' yu'un loq'uesa te ach'alilique. Jich me ya jna' te bila ya jpas ta atojolique’, xi' te Diose,” uta me —xi' te Cajwaltique.

Éxodo 6:23

Te Aarón nujbin soc Elisabet te yantsil-nich'an Aminadab, ja' xwix te Naasón. Ayin snich'nab Aarón, ja' te Nadab, Abiú, Eleazar soc Itamar.

Números 20:25

Te ja'at Moisés, ic'a bael te Aarón soc te snich'an Eleazar ta sba te wits Hor.

Esdras 7:5

Abisúa, Finees, Eleazar soc Aarón te sbabial sacerdote.