Levítico 10:19 - Bible in Tzeltal de Oxchuc y Tenejapa

¹⁹ Jac'bot yu'un Aarón: —Aiya awaiy, nax to la yaq'uic ta stojol Cajwaltic te milbil majt'anil yu'un smulic, soc te majt'anil te scojt'ol ya yich' chiq'uele. Pero te jo'one ay bila c'oemix ta pasel ta jwenta, ja' te lajic te jnich'nabe. Te jo'ucon la jti' te milbil majt'anil yu'un mulil te naxe, ¿lec bal yo'tan yu'un te Cajwaltique? —xi'.

Bible in Tzeltal Bachajón

¹⁹ Te Aarón hich la sjac'be sc'op te Moisés: A'iya awa'iy, nax to la yaq'uic ta stojol Jehová te milbil mahtanil yu'un mulil soc te scohtol chic'bil mahtanil yu'unique, pero te ho'one ay bin c'ohemix ta pasel ta jcuenta; te lajuc jwe' nax te mahtanil yu'un mulil, ¿lec bal yo'tan yu'un hiche te Jehová? xchi.

Levítico 10:19 Referans Kwoze

Levítico 9:12

Te Aarón la sbojbey snuc' te chambalam ya yich' aq'uel swenta majt'anil te scojt'ol ya yich' chiq'uele. Te snich'nab te Aarón la yich'ic bael te xch'ich'ele, ja' te la stsijts'anbey ta sjoyobal ta spat te scajtijib ta chiq'uel majt'anile.

Levítico 9:8

Ja' yu'un te Aarón noptsaj bael ta scajtijib ta chiq'uel majt'anil, la sbojbey snuc' te toro la yac' swenta sc'anel perdón yu'un te smule.

Malaquías 2:13

Ja'uc me to, ay yan bila ya apasic: Ya awajts'es ta ya'lel asitic te scajtijib smajt'an te Cajwaltic; c'ax bayal ya x'oq'uex yu'un, te ma binuc nax yo'tan Cajwaltic ya stsac te majt'aniletic awu'unique.

Malaquías 1:13

Te ja'ex jich ya awalic: “Lubenotiquix yu'un spisil”, xaex. Ma'yuquix jc'oplal ta awo'tanic. Ya to awalic te ya xbujts'naj co'tan yu'un ta ac'opic te c'alal ya xtal awac'bonic jmajt'anin elc'anbil chambalam, o teme jcojt' coxo, o teme ay ta chamele.

Malaquías 1:10

—Ayuc jtuluquex te ya amacbeyic yochibal sti' te templo, swenta yu'un ma tojoluc ya sujt'ex tel ta spasel c'ajc' ta bay scajtijib te jmajt'ane. Melel ma ba bin nax co'tan awu'unic, ni ma ba ya jtsacbat te majt'anil awu'unique.

Oseas 9:4

Ma ba ya smalbeyic vino ta swenta yich'el ta muc' te Cajwaltique; soc ma xyac'beyic milbil majt'anil yu'unic tey a. Te we'elil ya swe'ique jich c'oem te bit'il yu'un we'elil xc'uxulil mel-o'tan te bit'il ay mach'a laje, te mach'a ya swe' ya me xbolob sc'oplal yu'un. Ja'ic me ya swe'ic te we'elil te ya xbolteswane; ja'uc me to, ma xju' ya yich'ic bael ta templo yu'un te Cajwaltique.

Jeremías 14:12

Manchuc teme bayal ya spas ayuno yu'un, ma ba ya quich'bey ta wenta te ya sc'anbonic coltayele. Manchuc me bayal chic'bil majt'anil ta scojt'ol soc te ya yac'bonic majt'anil harina ya yich'bonic tel, ma ba ya jtsacbey sc'op yu'un. Ya me jin ta guerra, ta wi'nal soc te chamel ya xmilawane —xi' te Cajwaltique.

Jeremías 6:20

Te ja'exe, ¿bistuc ya awich'bonic tel pom ta Sabá, soc te te'etic te bujts'anic yic' ta bay c'ubul lumq'uinaletic? Te jo'one ma lecuc co'tan yu'un te scojt'ol chic'bil majt'anil awu'une, ni yantic milbil majt'anil awu'un —xi' te Cajwaltique.

Isaías 1:15

Te c'alal ya atoy ac'abic ta ac'oponbelone, ya jq'uej bael jsit ta atojolic; manchuc me bayal ya xc'opojex, ma ba ya caiybeyex stojol. Ts'ilajem ac'abic yu'un ch'ich'.

Hebreos 9:8

Jich ya yac'botic jna'tic stojol te Ch'ul Espiritue te bit'il ma to jamaluc sbelal te Mero Ch'ul Awilale, te jayeb c'aal yac to ta tuunel ta yich'el ta muc' Dios te sbabial nailpac' temploe.

Hebreos 7:27

Ma pajaluc soc te yantic muc' sacerdoteetic te puersa ya smilbeyic smajt'anin chambalametic jujun c'aal te Diose, te ja' neel ya smilic swenta xch'ayjibal smulic soc te patil ya smilic yan swenta xch'ayjibal smulic uuc te slumale. Melel te Jesuse tic' a te la yac' sba ta milbil smajt'an Dios jun buelta, te bit'il la yac' sba ta lajel stuquele.

Filipenses 4:4

Soc ya calbeyex: Ayuc me bayal sbujts' awo'tanic spisil ora ta stojol te Cajwaltique. Soc ya calbeyex xan: Ayuc me sbujts' awo'tanic.

Isaías 1:11

Te Cajwaltic ya yal: —¿Bistuc ya awac'bonic bayal milbil majt'anil? Tic'onix a te chic'bil tat chijetic soc te xepuil wacaxetic te buen mac'linbilique; ma smulanix co'tan xch'ich'el te wacaxetic, chijetic soc te tentsunetique.

Deuteronomio 26:14

Ma'yuc jwe'oj te c'alal yacon ta mel-o'tan yu'un a te mach'a laje. Ma'yuc jwe'oj te c'alal ma ba lecuben jc'oplal, soc ma'yuc cac'ojbey smajt'anin te mach'atic lajemique. Cajwal Dios cu'un, jch'uunej te amandale, cac'oj c'otuc ta pasel spisil te bitic awalojbon jpase.

Deuteronomio 12:7

Ya me xwe'ex tey a ta stojol te Cajwaltic te Dios cu'untique. Bin nax me awo'tanic soc mach'atic ay awu'unic yu'un te sit te awat'elique, ja' te banti la yac'beyex bendición te Cajwaltic te Dios cu'untique.

Levítico 10:20

C'alal la yaiy te Moisés, lecub yo'tan yu'un.