Levítico 10:12 - Bible in Tzeltal de Oxchuc y Tenejapa

¹² Patil te Moisés la yalbey te Aarón, soc uuc te Eleazar soc te Itamar, ja' te cheb xan snich'nab jilem Aarón: —Tsacaic te majt'anil harina te jilem te ja' sobrail te chic'bil majt'aniletic la yich' aq'uel ta stojol te Cajwaltique, we'aic te bila ma'yuc slevadurail ta nopol scajtijib ta chiq'uel majt'anil, melel mero ch'ultesbil.

Bible in Tzeltal Bachajón

¹² Te Moisés la yalbe te Aarón soc te snich'nab te hilemic, ha te Eleazar soc Itamar: Ich'ahic te mahtanil harina te hilem yu'un te mahtaniletic la yich' chiq'uel ta stojol Jehová, mayuc slevadurahil a ya me awe'ic ta nopol scajtajib ta chiq'uel mahtanil, como mero ch'ultesbil.

Levítico 10:12 Referans Kwoze

Levítico 21:22

Ya xju' ya swe' te waj cu'une, pajal sc'oplal te ch'ultesbil, soc te mero ch'ultesbile,

Ezequiel 44:29

Ya me xju' ya swe'ic te trigo o cebada ya yac'bonic te israeletique, soc te chambalametic ya yich'ic milel yu'un mulil soc te majt'anil yu'un te falta staojique. Ta spisil te bi ch'ultesbil ya yac'bonic te israeletique, ja' me yu'unic stuquelic.

Levítico 7:9

Soc nix te majt'aniletic harina te yich'oj pasel ta horno, soc spisil te bila pasbil ta sartén soc ta samet, ja' me ya yich' te sacerdote ya sc'ases te majt'anile.

Éxodo 29:2

Te lequil harina pasbil ta trigo, pasa wajetic soc pimil wajetic a te ma ba yich'ojic levadura, ja' nax me ya yich' wots'el soc aceite, soc jayal waj te ma'yuc slevadurail te yich'oj tsijts'anel ta aceite.

Éxodo 6:23

Te Aarón nujbin soc Elisabet te yantsil-nich'an Aminadab, ja' xwix te Naasón. Ayin snich'nab Aarón, ja' te Nadab, Abiú, Eleazar soc Itamar.

Levítico 10:13

We'aic ta yawil ch'ultesbil, melel ja' me te c'ot ta awentaic ja'at soc anich'nab te jilem ta majt'aniletic ya yich' chiq'uel swenta yich'el ta muc' te Cajwaltique. Jich ay te mandal quich'oj alele.

Números 3:2

Jich ay sbiilic te snich'nab Aarón: Nadab, ja' te banquilale, Abiú, Eleazar soc Itamar.

Éxodo 29:33

Ya me sti'ic, melel ja' majt'anil yu'un te la staic perdón yu'un a te smulic te c'alal la yich'ic ch'ultesel ta abatinel ta sacerdoteile. Ja'uc me to, ma me mach'auc nax ya sti', melel yu'un Dios.

Levítico 24:9

Ja' me te ya xc'ot ta swenta spisil ora te Aarón soc te patil alnich'anetic yu'une. Ya me xju' ya swe'ic te waj ta xch'ul yawil, melel te majt'aniletic ya yich' chiq'uel ta swenta quich'jibal ta muc' jo'on te Ajwalilon, ja' me te mero ch'ultesbile —xi'.

2 Crónicas 31:14

Te mach'a ya scanantay te yochibal templo te ay ta sloq'uib c'aal te Coré sbiil, te snich'an Imna, ja' swentainej te majt'anil te la yaq'uic ta spasemal yo'tanic ta swenta Dios te israeletique, soc ay ta swenta te ya yich' puquel te majt'anil ta swenta Cajwaltic soc te bitic ch'ultesbil ta stojol te Diose.

Esdras 7:5

Abisúa, Finees, Eleazar soc Aarón te sbabial sacerdote.