Levítico 10:11 - Bible in Tzeltal de Oxchuc y Tenejapa

¹¹ soc ya me xju' awu'unic ya awac' ta nopel yu'un te israeletic te mandaliletic la cac'beyex ta swenta Moisés —xi' sc'oplal yu'un te Cajwaltique.

Bible in Tzeltal Bachajón

¹¹ soc scuenta yu'un yac awa'beyic snop te snich'nab Israel spisil te mandariletic halbotic yu'un Jehová ta scuenta Moisés, xchi.

Levítico 10:11 Referans Kwoze

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Malaquías 2:7

Ja' me yat'elic te sacerdoteetic ta sp'ijubtesel te lum te yacuc sna'bonic jbae; soc jich me spisilic ya xtalic ta sleel p'ijubtesel ta stojolic, melel ja'ic te j'alwanejetic cu'un, jo'on Ajwalilon te spisil ya xju' cu'une.

Nehemías 8:8

Te levitaetic mero tulan la yalic te bitic ay ta libro, ja' te mandaliletic yu'un te Diose; la sc'asesic swenta yu'un mero jamal chican ta aiyel a te bila la yal ta lectura.

Nehemías 8:2

Ta sbabial c'aal sjajch'el a te sjuquebal u, te sacerdote Esdras la yich' bael ta tsoblej te libro yu'un te mandaliletique. La stsob sbaic antsetic winiquetic, ta spisilic te jayebic ya sna'iquix q'uinale.

Jeremías 18:18

Te ants-winiquetic la yal: —Ya jchajbanbeytic sc'oplal ta ch'ayel ta jc'axel te Jeremías. Melel ay sacerdoteetic te ya sp'ijubtesotique, ni ma'yuc falta ta jtojoltic te mach'atic p'ijic te ya yac'botic jna'tic, ni ma spas falta j'alwanejetic te ya sc'asesbotic caiytic te bi ya yal te Diose. Ja' lec ya jlebetic smul, swenta yu'un ya me smilic te Jeremías. Ma me xquich'tic ta muc' te bila ya yale —xiic.

Deuteronomio 24:8

“Teme ay ya xtaot ta c'a'el-chamel te ants-winiquetique, jun me awo'tan xach'uunic spasel spisil te bila ya yalbeyex apasic te sacerdote-levitaetique. Jich xapasic te bit'il calojbey mandale.

1 Tesalonicenses 4:2

Yu'un ana'ojic stojol te p'ijubtesel la calbeyex awaiyic ta swenta te Cajwaltic Jesuse.

Hechos 20:27

melel spisil la calbeyex ta jamal te bila chapal yu'un te Diose. Ma'yuc bila la jmuc ta co'tan xujt'uc.

Deuteronomio 33:10

Te Jacob, ja' te lum Israel, ya yac'bey snopic te mandaliletique. Ta scajtijib ta chiq'uel amajt'an ya yaq'uic majt'anil pom soc majt'anil chambalametic ta atojol.

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

2 Crónicas 30:22

Te muc' ajwalil Ezequías la yalbey wocol spisil te levitaetic te la yaq'uic ta ilel te lec yo'tanic ta abatinel yu'un te Cajwaltique. Laj yo'tanic ta we'el yu'un te q'uin c'alal ta juqueb c'aal, ja' te la yac'bey milbil majt'anil ta swenta seña lamal-o'tanil soc te Diose, soc la yalbeyic yutsil sc'oplal te Dios yu'un te antiguo sme'-statique.

2 Crónicas 17:9

Ja' la sticun bael ta swentaic te libro te tey ay a te mandalil yu'un Cajwaltic, swenta yu'un ya yac'beyic snop te yajwal Judá. Jich la yoclinic te lumetic yu'un Judá ta sp'ijubtesel.

Deuteronomio 17:10

Ja' me ya at'unic ta pasel te bila ya yac'beyex apasique.

Deuteronomio 17:11

Pero spisil me jich xapasic te bit'il albil sc'oplal te castigo, ma me xayantesic ta pasel.

2 Crónicas 15:3

Te israeletic ma'yuquic ta stojol Dios bayal c'aal, ma'yuc sacerdote p'ijtesotic yu'un, ni ma'yuc ta alel ta stojolic te smandal Diose.