Levítico 10:10 - Bible in Tzeltal de Oxchuc y Tenejapa

¹⁰ swenta yu'un jich me ya ana'ic stsajtayel a te bila ch'ultesbile, soc te bila ma ba ch'ultesbiluque, soc te bila lec sc'oplale soc te bila ma lecuc sc'oplale;

Bible in Tzeltal Bachajón

¹⁰ scuenta yu'un yac ana'ic stsahtayel te bin ch'ultesbil soc te bin ma ba ch'ultesbil, te bin lec soc te bin bohloben sc'oblale;

Levítico 10:10 Referans Kwoze

Ezequiel 22:26

Te sacerdoteetic yu'un te lumq'uinal, ya yixlanbonic te p'ijubtesel cu'une. Ya sjinbonic sc'oplal te bila ch'ultesbil ya cale; pajal sc'oplal c'oem yu'unic te bila ch'ultesbil soc te bila ma ch'ultesbiluque. Soc ma ba ya yac'bey snop yantic bit'il ay ta na'el te bila lec sc'oplal soc te bila boloben sc'oplale. Ma xyac' yo'tanic ta sna'el soc ta yich'el ta muc' te sc'aalelal cux-o'tanil cu'une, soc la sboltesbonic jc'oplal ta yolilic.

Levítico 11:47

swenta yu'un jich ya xju' ta na'el a te banti lec sc'oplale, soc te banti ma lecuc sc'oplale, soc te bila chambalamil te lec sc'oplal ta ti'ele, soc te ma lecuc sc'oplal ta ti'ele.

Tito 1:15

Te mach'atic utstesbil yo'tanique, yu'un nanix lec sc'oplal yu'unic spisil te bitic aye. Yan te mach'atic ma lecuc te yo'tanique, ma'yuc xch'uunjel yo'tanic, xujt' ma'yuc bi lec sc'oplal yu'unic, melel xujt' ma'yuc swentail te bila snopoj ta yo'tanique.

Ezequiel 44:23

“Te sacerdoteetic ya me yac'beyic snop stsajtayel te lum cu'un te bila ch'ultesbile soc te bila ma ch'ultesbiluque, te bila lec sc'oplale soc te bila ma lecuc sc'oplale.

Jeremías 15:19

Jich yu'un te Cajwaltic la sjac'bon jc'op: —Teme ya sujt'at tel ta jtojole, ya jcha'quic'at xan soc ya xju' ya awac' aba ta abatinel cu'un. Teme ya acom aba ta puro c'op, te ja'uc nax ya awal te bila ya sc'an alele, ja'at me ya xc'opojat bael ta jwenta abi. Ja'ic me te ya sc'an sujt'ic tel ta atojole, ma ja'ucat te ya sc'an sujt'at bael ta stojolic.

Levítico 13:43

Ja' yu'un te sacerdote ya me stsajtay yil ta lec, teme sac o tsaj te sijt'emal te chamel ay ta banti t'axale, jich nix te bit'il ya spas te chamel ta snujc'ulel te baq'uete,

Levítico 14:57

swenta yu'un jich ya xju' ta na'el a te bila lec sc'oplale, soc te bila ma lecuc sc'oplale. Tey nax quechel c'oel te sc'oplal ta nopel te c'a'el-chamele.