Levítico 1:14 - Bible in Tzeltal de Oxchuc y Tenejapa

¹⁴ “Teme mut ya yac'bon jmajt'anin, te scojt'ol ya yich' chiq'uel swenta quich'el ta muc', ya me sc'an te ja' te jcojt' puliwoc o jcojt' alal stsumut.

Bible in Tzeltal Bachajón

¹⁴ Teme mutetic ya x'a'bot scuenta scohtol chic'bil mahtanil te Jehová, ya me yac' xpuliwoc o jcolel stsuhmut.

Levítico 1:14 Referans Kwoze

San Lucas 2:24

Jich c'o yac'beyic smajt'an Dios te bit'il ya yal te mandalil yu'un te Cajwaltique: “Chican teme cha'cojt' puliwoc o teme cha'cojt' stsumut”, te xie.

Levítico 5:7

“Teme ma xju' yu'un te ya sman jcojt' te chije, ya me xju' ya yic'bon tel ta jtojol jo'on te Ajwalilon cheb puliwoquetic o cheb alal stsumutetic yu'un te smul staoje; te jcojt'e swenta milbil jmajt'an yu'un te smule, te yane swenta chic'bil jmajt'an.

Levítico 12:8

Teme ma xju' yu'un te me'il te ya yac' te chije, ya me xju' ya yic' tel cheb puliwoc o stsumut, jun yu'un majt'anil te scojt'ol ya yich' chiq'uel, yan yu'un milbil majt'anil yu'un mulil. Jich te sacerdote ya me sc'anbey te perdón, jich me ya xlecub sc'oplal jilel a te antse.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

2 Corintios 8:12

Melel te mach'a toyol yo'tan te ya yaq'ue, lec ya yil te Diose te jich yipal ya xju' yu'un ya yaq'ue. Ma ba c'ax jich ya xc'anbotic a te bila ma'yuc yu'unique.

San Mateo 11:29

Ich'bonic te yugo-te' cu'une. Nopbonic co'tan te melel manso co'tan soc peq'uel cac'oj jba. Jich me ya yich' lewa te awo'tanique.

Génesis 15:9

Te Diose jich la yalbey: —Tsabon tel chambalametic te ox'oxeb ya'wilalique: jcojt' me' wacax, jcojt' tentsun soc jcojt' tat chij, soc lebon tel jcojt' puliwoc soc jcojt' stsumut te alal toe —xi' sc'oplal yu'un.

San Mateo 21:12

Te Jesús och bael ta templo. La sten loq'uel spisil te mach'atic yacalic ta chonbajel, manbajel tey a. La sbot'q'uinbey smesaic te jel-taq'uinetique, soc snactijib te mach'atic yacalic ta xchonel te stsumute.

Levítico 5:10

Te xchebale ya me yac' ta majt'anil te scojt'ol ya yich' chiq'uele, jich nix te bit'il chapale. Te sacerdote jich me ya stabey perdón yu'un te smule.

Levítico 5:11

“Teme mero ma xju' yu'un smanel te cheb puliwoquetic, o cheb alal stsumutetic, ya me xju' ya yich'bon tel ta swenta jmajt'an yu'un smul cheb kilo mero lequil harina. Ma me xju' ya yac'bey aceite, soc ma me xyac'bey pom ta sba, melel ja' te majt'anil yu'un te mulile.