Levítico 1:11 - Bible in Tzeltal de Oxchuc y Tenejapa

¹¹ Ya me sbojbey snuc' ta stojol norte yu'un te scajtijib ta chiq'uel majt'anil ta jtojol jo'on te Ajwalilone. Te snich'nab Aarón, ja' te sacerdoteetic cu'un, ya me stsijts'anbeyic ta xch'ich'el chambalam ta sjoyobal ta spat soc te scajtijib ta chiq'uel jmajt'ane.

Bible in Tzeltal Bachajón

¹¹ Ya smil ta stojol norte yu'un te scajtajib ta chiq'uel mahtanil, ta stojol te Jehová. Te snich'nab Aarón, te sacerdotehetic, ya stsihtsimbeyic sch'ich'el ta sjoyobal te scajtajib ta chiq'uel mahtanil.

Levítico 1:11 Referans Kwoze

Levítico 1:5

Ya me sbojbey snuc' ta jtojol te toroe. Te snich'nab Aarón, ja' te sacerdoteetic cu'un, ya me yac'bon jmajt'anin te xch'ich'ele. Patil ya me stsijts'anbeyic ta ch'ich' ta sjoyobal ta spat te scajtijib ta chiq'uel jmajt'an te ay ta stojol te yochibal Nailpac' te banti ya quich' c'oponele.

Ezequiel 8:5

Jich la yalbon: —Ac'a bael asit ta stojol norte —xi'. La cac' bael jsit ta norte, ta yochibal templo ta nopol sti' te ya xbajt' ta stojol te scajtijib ta chiq'uel majt'anil, la quil te loc'omba te ya xjachbot yilimba yu'un te Cajwaltique.

Levítico 7:2

Te chambalam ya yich' aq'uel yu'une, ya me yich' bojel snuc' ta yawil te banti ya yich' milel te majt'anil chambalametic te scojt'ol ya yich' chiq'uele. Te xch'ich'ele ya me yich' malel ta sjoyobal ta spat te scajtijib ta chiq'uel majt'anile.

Levítico 6:25

—Ac'beya sna'ic te Aarón soc snich'nab te bit'il ya sc'an ya spasic te milbil majt'anil yu'un te mach'a ya sta smule, jich me xawalbey: “Te chambalam ya yac' ta majt'anil te mach'a ya sta smule, ya me yich' bojel snuc' ta jtojol jo'on te Ajwalilon ta yawil te banti ya yich' milel te chambalametic yu'un ya yich'ic chiq'uele, melel ja' mero ch'ultesbil.

Éxodo 40:22

La yac' te mesa ta yutil te Nailpac' te bay ya yich' c'oponel te Diose, ja' te bay stojol norte yu'un te ch'ul awilale, ta yelaw te pac' te t'imil c'axel ta olilale.

Éxodo 24:6

Te Moisés la xch'ambey te xch'ich'ele, olil la yac' ta muc'ul tazaetic. Te olil xane tey la stsijts'an a ta bay te scajtijib ta chiq'uel te milbil smajt'an te Diose.

Levítico 4:29

Ya me scajan sc'ab ta sjol te chambalam ya yac' yu'un te smule, ya me sbojbey snuc' ta yawil yu'un te scajtijib majt'anil te scojt'ol ya yich' chiq'uele.

Levítico 8:19

Te Moisés la sbojbey snuc', te xch'ich'ele la smalbey ta sjoyobal ta spat te scajtijib ta chiq'uel majt'anile.

Levítico 14:13

Ya me smil te chij ta ch'ul awilal te banti ya yich' bojel snuq'uic te chambalametic, te ya yich'ic aq'uel swenta milbil majt'aniletic yu'un mulil, soc te ya yich' aq'uel swenta majt'anil te scojt'ol ya yich' chiq'uele. Te milbil majt'anil yu'un te falta staoje, ja' me yu'un te sacerdote pajal soc te milbil majt'anil yu'un mulile, melel mero ch'ultesbil.

Ezequiel 43:18

Te Cajwaltic jich la yalbon: —Teme c'ot yorail te ya yich' pasel te scajtijib ta chiq'uel majt'anile, ja' me ya yich' pasel te bila yich'ojix alele. Ya me yich' chiq'uel chambalam ta sba te scajtijib majt'anile, ja' me te scojt'ol chic'bil majt'anile, soc ya me yich' tsijts'anel ta ch'ich' te scajtijib ta chiq'uel majt'anile.