Levítico 1:10 - Bible in Tzeltal de Oxchuc y Tenejapa

¹⁰ “Teme xchij, o teme stentsun te chambalam ya yac'bon jmajt'anin te scojt'ol ya yich' chiq'uele, ya me sc'an ja' te stat te ma'yuc bila boloben ta sbaq'uetal.

Bible in Tzeltal Bachajón

¹⁰ Teme ya yac' tuminchij o tentsun scuenta scohtol chic'bil mahtanil, ya me yac' te stat te mayuc bin jihnem yu'une.

Levítico 1:10 Referans Kwoze

San Juan 1:29

Ta yan c'aal te Juan la yil te yac ta noptsajel tel Jesús tey a te banti aye. Jich caj yal yu'un: —Ilawilic in to. Ja' te mero Alalchij yu'un Dios, te ya xch'aybey smul spisil te mach'atic ayic ta balumilale.

Malaquías 1:14

Ch'aybil me ya xc'ot te mach'a ya xlo'laywan te ya yal ta jamal te lec ayic ta sc'op te xchamsbalam te ya xtal smilbonic te bolobene. Jo'on te muc' Ajwalilon, jo'on xi'bilon yu'un spisil te nacionetic —xi' te Cajwaltic te Spisil ya xju' yu'une.

Levítico 22:19

ya me sc'an te ja' ya yac' te stat chambalam te ma'yuc bila boloben ta sbaq'uetal, swenta yu'un jich me ya stsacbot a te majt'anile. Ya xju' teme toro, chij, o tentsun,

Levítico 4:23

Te bi ora ya sna' te staoj smule, ya me sc'an te ya yic' bael jcojt'uc tat tentsun te ma'yuc bila boloben ta sbaq'uetale, ya me yac'bon jmajt'anin.

Éxodo 12:5

Te chambalam jujun me ja'wil ya'wilal, stat me, ma'yuc bila boloben ta sbaq'uetal, chican teme chij o tentsun.

Génesis 8:20

Te Noé la spasbey scajtijib smajt'an Cajwaltic. La stsa te chambalametic soc te mutetic te lec sc'oplale. Juju-jcojt' ta chajbalchajp la smilbey smajt'anin te Diose soc la xchic'bey scojt'ol ta scajtijib.

Génesis 4:4

Yan te Abel ja' la yac' te sba yalatac xchij te buen jujp'ene. Te Dios lec yo'tan yu'un te Abel soc te majt'anil la yaq'ue.

1 Pedro 1:19

Ja' tojbil acolelic a te xch'ul xch'ich'el te Cristoe te milbil smajt'an Dios c'ot, jich bit'il alal chij te ma'yuc bila boloben soc ts'ilajem ta sbaq'uetale.

Números 15:5

Te milbil majt'anil te albilix tel sc'oplal, ya me yich' ac'beyel sjoin jun litro vino ta swenta juju-jcojt' chij.

Ezequiel 43:22

Ta xchebal c'aal ya me awac' majt'anil, ja' te majt'anil yu'un te mulile. Tentsun te ma'yuc bila boloben ta sbaq'uetal te ya awaq'ue. Te sacerdoteetic ya me slecubtes te scajtijib ta chiq'uel majt'anile, jich ni me ya spasic te bit'il la spasbeyic te toroe.

Levítico 3:1

“Teme ay mach'a ya yic' tel xwacax, chican teme stat o sme', swenta yu'un ya yac'bon ta milbil jmajt'an jo'on te Ajwalilon ta swenta lamal-o'tanil, ya me sc'an te ma'yuc bila boloben ta sbaq'uetal te chambalam ya yac'bon jmajt'anine.

Levítico 4:3

“Teme ja' te muc'ul sacerdote cu'un te ya sta smule, te jich ya yac'bey sta smul uuc a te yajwal lume, ya me sc'an te ya yac'bon jmajt'anin jo'on te Ajwalilon jcojt' toro te ma'yuc bila boloben ta sbaq'uetal, swenta milbil majt'anil yu'un te mulil c'oem ta pasele.

Levítico 5:15

—Te mach'a ma spasemaluc yo'tan ya sle smul, teme la sta falta ta swenta bit'il la scom sba ta yaq'uel te bila ch'ultesbil cu'un jo'on te Ajwalilone, ya me xju' ya yic'bon tel jcojt' xchij te ma'yuc bila boloben ta sbaq'uetal, swenta milbil jmajt'an yu'un te falta staoje, ya me yic'bon tel ta jtojol jo'on te Ajwalilone. Te stojol te chije ya me yich' tojel ta plata, chican te bit'il ay te sp'isjibal yalal te yac ta tuunel ta ch'ul awilal ta swenta te majt'anile.

Levítico 9:2

Jich la yalbey te Aarón: —Ic'a tel jcojt' toro yu'un ya yich' aq'uel ta milbil majt'anil yu'un te amulique, soc jcojt' tat chij te ma'yuc bila boloben ta sbaq'uetal, yu'un ya yich' aq'uel swenta majt'anil te scojt'ol ya yich' chiq'uele. Ya me awac'bey ta stojol te Cajwaltique.

Levítico 14:10

Ta swaxaquebal c'aal ya stsac cheb chijetic te ma'yuc bila boloben ta sbaq'uetal, soc jcojt' me' chij te jun to nax ya'wilal te ma'yuc bila boloben ta sbaq'uetal; soc xan, ya me yich' tel olil sjuqueb kilo te mero lequil harina wots'bil soc aceite swenta majt'anil trigo, soc jteb ma sta olil litro aceite.

Levítico 16:3

Te Aarón ya me x'och bael ta yutil te ch'ul awilal, pero ya me yic' tel jcojt' toro swenta milbil majt'anil yu'un mulil, soc jcojt' tat chij swenta yu'un ya x'och ta majt'anil te scojt'ol ya yich' chiq'uele.

Levítico 16:5

“Ta swenta israeletic ya me yich'bey cheb tat tentsunetic te Aarón swenta majt'anil yu'un smulic, soc jcojt' tat chij swenta majt'anil te scojt'ol ya yich' chiq'uele.

Levítico 23:12

Ja' nix te bi c'aalil ya yac'bon ta jtojol jtom te bila sbabial loc' awu'unique, ya me yac'bon ta jtojol jcojt' chij te ay jun ya'wilale, ja' me te ma'yuc bila boloben ta sbaq'uetal, swenta majt'anil te scojt'ol ya yich' chiq'uel, yu'un quich'el ta muc' jo'on te Ajwalilone.

Números 6:14

Soc ya me yich' aq'uel ta jtojol, jo'on te Ajwalilon, jcojt' tat chij te jun ya'wilal te ma'yuc bila boloben ta sbaq'uetal ta swenta majt'anil te scojt'ol ya yich' chiq'uele; jcojt' me' chij te jun ya'wilal te ma'yuc bila boloben ta sbaq'uetal ta swenta milbil majt'anil yu'un te smule; soc jcojt' tat chij te ma'yuc bila boloben ta sbaq'uetal swenta milbil majt'anil ta swenta seña lamal-o'tanil.

Números 19:2

—Jo'on Ajwalilon, ya cal mandal. Albeya te israeletic, ac'a yiq'uic tel jcojt'uc me' wacax te tsaj stsotsil te ma'yuc bay cajanbil yugo-te' ta snuq'ue.