Jueces 9:7 - Bible in Tzeltal de Oxchuc y Tenejapa

⁷ C'alal la yaiy stojol Jotam, mo bael ta wits Gerizim, tulan awun tel, swenta yu'un ya me yaiy stojol spisilic a: —¡Yajwal Siquem, aiybonic awaiy ta lec te jc'ope! ¡Jich me ya yaiybeyex ac'opic te Diose!

Bible in Tzeltal Bachajón

⁷ C'alal hich halbot te Jotam, mo bahel ta ba wits Gerizim, hich tulan awon: A'iybon awa'iyic jc'op, winiquetic yu'un Siquem, yu'un hich ya ya'iybeyex ac'opic a te Diose:

Jueces 9:7 Referans Kwoze

Deuteronomio 11:29

“Te c'alal ya yaq'uexix ochel te Cajwaltic te Dios cu'untic ta lumq'uinal te banti ya awich'ic, te bitic swenta bendición ya me yich' alel ta wits Gerizim, te bitic swenta castigo ya yich' alel ta wits Ebal.

San Juan 4:20

Te me'il-tatil tel cu'un soc te samariaetique la slajin sbaic li'to ta bay in wits to. Te ja'ex te judioexe ya awalic te tey ya sc'an ya alajin abaic ta Jerusalén —xi'.

Deuteronomio 27:12

—Teme c'axex bael ta jejch' ja' Jordán, ja' te mach'atic sts'umbalic Simeón, Leví, Judá, Isacar, José soc Benjamín, ya me xc'otic ta sba wits Gerizim swenta yalel bendición ta stojol te lume.

Isaías 1:15

Te c'alal ya atoy ac'abic ta ac'oponbelone, ya jq'uej bael jsit ta atojolic; manchuc me bayal ya xc'opojex, ma ba ya caiybeyex stojol. Ts'ilajem ac'abic yu'un ch'ich'.

Proverbios 28:9

Te mach'a ma sc'an xch'uunbey smandal te Diose, ma stsacbot sc'op te c'alal ya sc'opone.

Proverbios 21:13

Te mach'a ma xyich'bey ta wenta te bi ya yal wocol yu'un te me'ba, ja' nix me jich ma x'ac'bot sujt'ib te c'alal ya sc'an coltayele.

Josué 8:33

Ta spisil te lum, ja' te sts'umbal Israel soc te jyanlumetic te sjoinej sbaic soque, spisil te mamaletic yich'oj yat'elic yu'un Israel, soc te jchajbanwanejetique, talic ta spisilic ta sts'eel scajonil trato yu'un te Cajwaltique, soc ta stojol te sacerdote-levitaetic te sq'uechojic ta snejq'uelique. Olil te lume la stejc'an sbaic ta yelaw wits Gerizim, soc te olil xane la stejc'an sbaic ta yelaw wits Ebal, jich te bit'il yaloj mandal c'alal ta xjajch'ibal te Moisés te yabat te Cajwaltique.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

Deuteronomio 11:30

Ja' witsetic in to ayic ta jejch' ja' Jordán, ta jejch' be ta stojol smalib c'aal, ta slum-sq'uinal cananeoetic te ayic ta nainel ta stenlej xatal q'uinale, te yelawinej sba soc Gilgal te nopol ay soc jijte'etic yu'un More.

Jueces 9:6

Ta patil spisil te yajwal Siquem soc Bet-milo la stsob sbaic ta sts'eel te jijte' soc te ton ch'ultesbil yu'unic te ayic ta Siquem, tey la yaq'uic ta muc' ajwalil te Abimelec.

Jueces 9:8

Ay jun buelta jajch'ic ta snopel te te'etic, te ayuc muc' ajwalil yu'unic. Jich yu'un la yalbeyic te olivo, te ja'uc ya x'och ta ajwalil yu'unique.

Génesis 37:6

Jich la yalbey yaiyic: —Aiya awaiyic stojol, ya calbeyex awaiyic bit'il ay te jwaiche: