Jueces 9:54 - Bible in Tzeltal de Oxchuc y Tenejapa

⁵⁴ Te Abimelec la yic' tel ta ora te jcuch-at'ejibal yu'une, jich la yalbey: —Loq'uesa tel te apuñale, milawon a, yu'un ma jc'an teme ya yalic: “Jtul nax ants milot yu'un”, teme xiique —xi'. Jich yu'un te jcuch-at'ejibal yu'une la slow ta puñal, jich a laj.

Bible in Tzeltal Bachajón

⁵⁴ Te Abimelec la yic' tal ta ora te jcuch-a'tejibal yu'un, hich la yalbe: Loq'uesa tal te espada awu'un, milawon a, scuenta yu'un ma hichuc ya xhalbot jc'oblal: Jtuhl ants milot yu'un, ma xchihuc. Ha yu'un te jcuch-a'tejibal yu'un la slow ta espada, hich laj.

Jueces 9:54 Referans Kwoze

Jueces 9:55

C'alal la yilic israeletic te lajemix te Abimelec, sujt'ic bael ta snaic.

1 Samuel 14:7

La yal te abat yu'une: —Pasa spisil te bi ya yal te awo'tane. Te jo'one chapalon yu'un spasel spisil te bi ya amulan spasele —xi'.

1 Samuel 14:12

Ora la yawtayic te Jonatán soc te abat yu'une: —La', moanic tel tey te banti ayotique. Ay me bi ya calbeytiquex awaiyic —xiic. Te Jonatán la yalbey te abat yu'une: —La' me, conic, melel te Cajwaltic ya yac'botic ta jc'abtic yo'tic te israelotic te filisteoetique —xi'.

1 Samuel 14:13

Te Jonatán xcotlajan moel ta yacan soc ta sc'ab, ts'acal ta spat te abat yu'une. Te jayeb filisteoetic la yac' bot'quejuc ta lum te Jonatán, tey yac slajinbel smilel xan ta ora te yabate.

1 Samuel 14:14

Te sbabial buelta la yac'bey sbaic soc filisteoetic te Jonatán soc te abat yu'une, la smilic jtab ta jtul winiquetic ta ora nax.

1 Samuel 14:17

Te Saúl jich la yalbey te soldadoetic sjoineje: —Ajtayaic te winiquetic cu'untique, swenta yu'un ya me jna'tic mach'atic a te ma ba tey ayique —xi'. C'alal c'ax ta ajtayel, la yilic te ja' ma ba tey ay a te Jonatán soc te abat yu'une.

1 Samuel 16:21

Jich c'ot ta stojol Saúl te David, tey och ta abatinel yu'un a te Saule. Mero bin nax yo'tan yu'un te Saúl, la yac' ochel ta jcuch-at'ejibal ta guerra yu'un.

1 Samuel 31:6

Jich c'ot te jun nax c'aal laj te Saúl, te oxeb snich'nab, te jcuch-at'ejibal ta guerra yu'un, soc ta spisil te swinictaque.

2 Samuel 1:10

Ja' yu'un noptsajon bael ta sts'eel, soc la jmil. Melel la quil ta lec te ma ba ya xcuxinix teme yal coel ta lume. Ora la jloq'uesbey te scorona ay ta sjol soc te xotxot-taq'uin xojol ta sc'abe. La quich'bat tel ta atojol ja'at, cajwal —xi' te winique.

2 Samuel 23:37

Selec, talem ta Amón; Naharai, talem ta Beerot, jcuch-at'ejibal ta guerra yu'un Joab yal Sarvia;

1 Crónicas 10:4

Jich yu'un te Saúl la yalbey te yabat te jcuch-at'ejibaletic yu'une: —Loq'uesa te apuñale, milawon a, swenta yu'un ma me ja'uc ya xtal yac'bonic c'axuc jwocol ta uts'inel te mach'atic ma'yuquic ta stojol te Diose —xi'. Ja'uc me to, te abat yu'une ma la sc'an spas, yu'un bayal xiwel la yaiy ta yo'tan. Jich yu'un, te Saúl la stsac te spuñal, la syales sba coel ta sni' ta slowbel sba, jich laj.

1 Crónicas 10:5

C'alal la yil te yabat te lajix te Saúl, jich la syales sba coel uuc ta sni' spuñal, laj.

1 Crónicas 11:39

Selec, amon-winic; Naharai, talem ta Berot, ja' yabat ta scuchel yat'ejib ta guerra te Joab te yal Sarvia;

Jueces 4:9

La yal te Débora: —Yacuc, ya joinat bael. Ja'uc me to, te bi yutsilal ya xc'ot ta pasel te ya ajache ma me ja'ucat awu'un stuquel, melel te Sísara ya x'ac'ot ta sc'ab jtul ants yu'un te Cajwaltique —xi'. Jich yu'un te Débora bajt' soc Barac ta Cedes.

2 Samuel 1:7

Pero ora nax la sut sit ta spat, c'alal la yilon la yic'on. Jich boon, la cac' jba ta stojol.

2 Samuel 1:9

Patil la yalbon: “Ya calbat bayal wocol, noptsajan tel soc milawon. Melel mero ayix bayal jwocol soc lajelonix”, xi'.