Jueces 9:5 - Bible in Tzeltal de Oxchuc y Tenejapa

⁵ c'alal ta Ofra, ja' te bay nain te Jerobaal, ja' te anima state. Ta sba jun nax ton la smilic spisil te slajunebal xchanwinic (70) yermanotac Abimelec. Ja' nax stuquel ju' yu'un snac'bel sba te Jotam, jich la scoltay sba te xutil snich'an Jerobaal.

Bible in Tzeltal Bachajón

⁵ Baht ta sna te stat ta Ofra, la smilticlan te yermanotac ta sba junax ton, ha te lajuneb schanwinic (70) ta tuhl snich'nab Jerobaal. Pero hil te Jotam te xutul-nich'an Jerobaal, yu'un la snac' sba.

Jueces 9:5 Referans Kwoze

2 Crónicas 21:4

Ja'uc me to te Joram, c'alal nax la yich' yip ta smuc'ul nactijib ta ajwalil yu'un te state, la smil ta puñal ta spisil te yijts'inabe, soc ay la smil jtsobwanejetic yu'un Israel.

Jueces 6:24

Jich yu'un te Gedeón la sts'ajc'ubey scajtijib ta chiq'uel smajt'an tey a swenta yich'jibal ta muc' te Cajwaltique. “Lamal-o'tanil ya yac' Cajwaltic”, xi' sbiil c'ot yu'un. Te scajtijib majt'anile ay to ta Ofra ta sq'uinal yu'un te sts'umbal Abiezer.

San Mateo 2:20

—Jajch'an, ic'a bael te alale soc te sme'e. Sujt'an bael ta sq'uinal Israel, yu'un lajemiquix te mach'atic c'an smilic te alale —xi'.

San Mateo 2:16

Te Herodese la sna' ta yo'tan te laj ta lo'layel yu'un te p'ijil winiquetique. C'axem to xan ilin yu'un. La yal mandal te ya xba yich' milel spisil te alalqueremetic te che'cheb ja'wil ya'wilalique soc uuc te ma to xloc' cheb ja'wil yu'unic te ayic ta spamal lum Belén soc ta sjoylejal. Ja' la sna' te bi ora chicnaj te ec' te la yalic te p'ijil winiquetique.

2 Reyes 10:17

C'alal och bael ta Samaria, te Jehú la smil spisil te sts'umbal Acab te jayeb te cuxulique. Jc'axel la stup'bey sts'umbal, jich nix te bit'il albot yu'un Cajwaltic te Elíase.

Jueces 9:2

—Ta swenta bit'il quermano jbajtic te jo'otique, ya calbeyex wocol te yacuc awac'beyic snop te yajwal Siquem te ja'uc lec jtul nax winic ya xmandalaj ta stojolic, te manchuc ya xmandalaj spisil te lajuneb xchanwinic (70) snich'nab Jerobaal —xi' te Abimelec.

Jueces 9:6

Ta patil spisil te yajwal Siquem soc Bet-milo la stsob sbaic ta sts'eel te jijte' soc te ton ch'ultesbil yu'unic te ayic ta Siquem, tey la yaq'uic ta muc' ajwalil te Abimelec.

Jueces 9:18

Yo'tic la atoyix abaic ta stojol te mach'atic ay yu'un te jtate, la amilic te lajuneb xchanwinic (70) snich'nab ta sba jun nax ton. Ma'yuc sc'oplal yaiyel ta awo'tanic, la awaq'uix ta muc' ajwalil te Abimelec, te squerem-al scriada Jerobaal. Jich la apasic, ja' nax yu'un te awermano abaique.

2 Reyes 10:7

Te c'alal c'ot ta sc'abic te jun, la stsaquic te lajuneb xchanwinic (70), la smilic. Patil la yac'bey ta moch te sjolique, la sticunic ta Jezreel.

Jueces 6:11

Ta patil te ch'ul abat yu'un Cajwaltic, la snajc'an sba ta yet'al jijte' te ay ta lum Ofra, te ay ta swenta Joás, ja' te sts'umbal Abiezer. Gedeón te snich'an Joás yac ta yic'uyel ta muquen te strigo ta yawil bay ya yich' pits'el ta teq'uel te ts'usube, swenta yu'un ma me xyilic te madianetique.

1 Reyes 1:12

La', ay me bila ya calbat awaiy, swenta yu'un jich me ya ana' bit'il ma ba ya xlajat soc te awal Salomón.

1 Reyes 1:21

Teme tey ma ba ya xchicnaj a, te c'alal ya xlajat, te cal Salomón soc te jo'on ya me quich'tic milel —xi'.

2 Reyes 11:3

Te Joás jalaj ta naq'uel waqueb ja'wil soc te jch'ijteswanej yu'un ta templo yu'un te Cajwaltique. Ja' ochem ta muc' ajwalil yu'un Judá a te ants Atalía.