Jueces 9:45 - Bible in Tzeltal de Oxchuc y Tenejapa

⁴⁵ Te Abimelec, sjunal c'aal la yac'bey sba guerra soc Siquem, ja' to c'alal la yu'unin te lume. La sjin te lum, soc spisil la smil te ants-winiquetique. Ta patil la yac'bey jilel ats'am te lume.

Bible in Tzeltal Bachajón

⁴⁵ Te Abimelec sjunal c'ahc'al la ya'be guerra te pueblo, la stsal soc la smil te mach'atic tey ayic a; la sjin te pueblo, soc la sts'umbe hilel ats'am.

Jueces 9:45 Referans Kwoze

2 Reyes 3:25

Ochic ta lajinel te juju-jpam lumetic yu'unique, nojesbotic ta ton te sq'uinalic yu'un te yawil yawal-sts'unubic, la sbut'beyic spisil te sloq'uibja'etic yu'unic, soc la sts'etbeyic te te'etic te lequic ta lo'el site. Ja' xanix a jil te jpam lum te Kir-hareset sbiile. Pero te soldadoetic te swentainejic jimoch'il, la sjoytayic, tulan la yac'beyic guerra.

Deuteronomio 29:23

Ya me yilic ta spisil te lumq'uinale, ja' nax ya xchicnaj azufre, ats'am soc c'ajq'uem lum. Ma me ayuc bila ya xju' ta ts'unel tey a, soc ma'yuc bila ya yac' sit tey a, ni junuc wamal ya xch'i tey a, jich te bit'il ta Sodoma, Gomorra, Adma soc Zeboim, te la slajin te Cajwaltic ta swenta sc'ajc'al yo'tan soc yilimba.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

Ezequiel 47:11

Ja'uc me to ta pampam ja'etic ta sti'il te mare ma ba ya xc'atp'uj ta lequil ja' stuquel. Ya xjil ta ats'amil ja', yu'un ya xtuun ta sloq'uesibal ats'am.

Salmos 107:34

ya sc'atp'un ta taquin q'uinal te lequil q'uinale, ta scaj smulic te mach'atic nainemic tey a.

1 Reyes 12:25

Te Jeroboam la spas xan te lum Siquem ay ta swits sq'uinal Efraín, nain tey a. Patil la spas xan te lum Penuel.

Jueces 9:44

Ba yac' sbaic ta ora ta spuertail sts'ajc'ul te lume, yan te cha'chajp swinictac la slumtay, soc la smilic te mach'atic yacalic ta beel ta aquiltique.