Jueces 9:27 - Bible in Tzeltal de Oxchuc y Tenejapa

²⁷ Te yajwal Siquem loq'uic bael ta ts'usubiletic ta stulel sit, la spasic ta vino, soc la spasic muc'ul q'uin. Yacalic ta we'el soc uch'ajel ta templo te bay te diosetic yu'unique, jajch' sbolc'optayic te Abimelec.

Bible in Tzeltal Bachajón

²⁷ Loq'uic bahel ta ts'usubiletic, la stulbeyic sit soc la stec'ticlanic, la spasic q'uin. Patil ochic bahel ta templo yu'un te diosetic yu'unic; c'alal yacalic ta we'el uch'el a hahch sbohlc'optayic te Abimelec.

Jueces 9:27 Referans Kwoze

Jueces 9:4

Te yajwal Siquem la yich'beyic bael lajuneb xchanwinic (70) ta jsejp plata te la sloq'uesic ta templo yu'un Baal-berit, la yac'beyic te Abimelec. Ja' yu'un ja' la stoj a te jmilawetic te ya xjoinotic bael yu'une. Te winiquetic bajt'ic soc

Daniel 5:23

Pero ma jichuc la apas. Ja'at te muc' ajwalilate, la alaban te Cajwaltic te ay ta ch'ulchane, melel la aticun ta ich'el tel ta amesa te vasoetic soc te muc'ul tazaetic yu'un templo ta Jerusalén. Ja'at soc te mach'atic ic'bil awu'une la awuch'ic vino a, soc la awalbey yutsil sc'oplal diosetic a te pasbil ta oro, ta plata, ta bronce, ta hierro, ta te' soc ta ton, ja'ic te ma xyilic q'uinal, te ma xyaiyic c'op, soc te ma'yuc bi ya sna'ique. Yan te Dios yich'ojbat ta sc'ab acuxlejal te ja'at te muc' ajwalilate, soc te ja' nax ta swenta stuquel te ay bila ya xju' awu'un spasele, ma ba ya awalbey yutsil sc'oplal stuquel.

Jeremías 25:30

“Ja'at, Jeremías, ala me loq'uel ta jwenta ta spisil in bitic to. Albeya: “Te Cajwaltic tulan ya xc'opoj tel jichuc chawuc c'alal ta toyol, c'alal ta ch'ul awilal ta bay nainem. Ya x'awun, jich bit'il te mach'atic ya steq'uic ts'usub, ta scontroinel te jtsojp chijetic yu'une, soc ta scontroinel spisil mach'atic yajwal te balumilale.

Salmos 109:17

Te bit'il ja' la smulan te ya sboltesbey sc'oplal te yane, ac'a bolobuc sc'oplal ta jc'axel stuquel. Ma la sc'an bendición, ma me x'ac'botix bendición jiche.

1 Samuel 17:43

Te bit'il ma la yich' ta wenta, jich la yalbey: —¿Yu'un bal ts'i'on ta ac'op te tal amajon ta te'? —xi'. Ta swenta te yajcanan, ora jajch' yalbey ixta c'op te David,

Jueces 16:23

Te ajwaliletic yu'un te filisteoetic la stsob sbaic ta spasel sq'uinul te la yaiyic tsalawe, soc la yac'beyic milbil smajt'an te Dagón, te lotil dios yu'unique. La yaiyic c'ayoj: “Te dios cu'untic la yac'botic ta jc'abtic te Sansón, ja' te jcontrotique”, xiic ta c'ayoj.

Jueces 9:46

C'alal la yaiy stojol te yajwal ta Migdal-siquem te bi la spas te Abimelec, ba snac' sbaic ta bay nac'jibal tulanil templo yu'un te loc'omba El-berit.

Jueces 8:33

Te c'alal lajemix a te Gedeón, te israeletic la yijq'uitay xan ta yo'tanic te Diose, ja' ba xch'uunic te loc'ombaetic yu'un Baal. Ja' mero la stsa sdiosinic te Baal-berit.

Éxodo 32:19

C'alal c'ot Moisés ta campamento, la yil te alal toro soc te j'ajc'otetique. Bayal ilin yu'un, la xch'oj coel ta sc'ab te cha'pejch' tone. Wuy ta jc'axel ta mero yet'al wits.

Éxodo 32:6

Jich yu'un ta yan c'aal sab jajch'ic ta yac'beyel milbil smajt'an te scojt'ol ya yich' chiq'uele, soc xan yan milbil smajt'an te swenta seña te lamal-o'tanile. Te lume la snajc'an sbaic ta we'el ta uch'el, soc jajch' spasic q'uin.

Jueces 9:26

Ay jun c'aal te Gaal, snich'an Ebed, c'ot soc yermanotac ta Siquem, ju' yu'un smonbel yo'tanic te mach'atic ay ta lum Siquem.

Oseas 7:14

Manchuc me ya x'awunic te c'alal ay ta swayibique, ma socuc yo'tanic ya sc'opononic. Ta swenta sc'anel trigo soc vino ya yejch'entes sbaic; la stoy sbaic, la scontroinonic.