Jueces 9:15 - Bible in Tzeltal de Oxchuc y Tenejapa

¹⁵ Te ch'ix la yal: “Teme melel te jich ya sc'an awo'tanic te ya x'ochon ta muc' ajwalil awu'unique, apisilic me ya xtal awac' abaic ta caxinal. Yan teme ma jichuc awo'tanic te muc' ajwalilon awu'unique, ya me xloc' tel c'ajc' ta jtojol, ya me slajin te cedroetic te ay ta Líbano”, xi' te ch'ixe —xi' te Jotame.

Bible in Tzeltal Bachajón

¹⁵ Te ch'ix hich la sjac'be te te'etic: Teme melel yac awac'onic ta ajwalil awu'unic, la' me, ac'a abahic ta caxinal; teme ma'uque, ac'a loc'uc tal c'ahc' ta ch'ix, ac'a schic'ticlan te cedrohetic te ay ta Líbano, xchi.

Jueces 9:15 Referans Kwoze

Isaías 30:2

Animal nax ya xbajt'ic ta Egipto, yan te jo'one ma'yuc bila ya sjojc'obonic. Yacalic ta sleel coltayel, te yacuc xc'opoj yu'unic te faraón, ya xbajt'ic ta anel ta yaxinal Egipto.

Oseas 14:7

Te Israel ya me xcuxin xan ta yach'il te bit'il ya jcanantaye. Ja' yu'un jich me ya xch'iic te bit'il trigo; ya me xme'in jichuc ts'usub. Muc' me sc'oplal ya xc'ot, jich bit'il te vino yu'un Líbano.

Isaías 2:13

ta yilbeyel yo'tan spisil mach'atic jich scuyoj sbaic te bit'il cedroetic ta Líbano, te toyol ayic soc te baemic nax snajt'ilique, o teme scuyoj sbaic ta jijte' te ya xch'i ta Basán;

Jueces 9:20

Yan teme ma jichuque, ac'a loc'uc tel c'ajc' c'oem ta stojol te Abimelec te ya smilex ta apisilic a te ayex ta Siquem soc ta Bet-milo; soc ac'a loc'uc tel c'ajc' c'oem ta Siquem soc ta Bet-milo te ya xlajinot yu'un a te Abimeleque —xi' te Jotam.

Daniel 4:12

Mero t'ujbil te yabenale, soc mero bayal te site, tic' ya xwe'ic ta spisilic a. Te ja'mal chambalametic ya yaiyic axinal ta ye'tal, ta sc'abc'ab ya spas xpechechic te mutetic, soc ja' swentainej te xcuxlejal te mach'atic ayic ta balumilale.

Ezequiel 19:14

Ta sc'abc'ab ya xloc' c'ajc', ja' nix ya slajin a te spule, soc ja' nix ya slajin a te site. Ma'yuquix jil te sc'abc'ab mero tulanic, te ya xju' ya x'och ta sbastón muc' ajwalil —xi'. (Te c'ayoj in to ja' sc'ayojil te mach'a ya xlaje; ja' me ya xtuun spisil ora ta sna'jibal te bila ya yac' mel-o'tane.)

Isaías 37:24

Ta swenta te ajo'tac ta ajwalile, la awixtac'optay te Cajwaltique. Melel la awal: ‘Ma p'isbiluc yajtalul te carretaetic yu'un guerra te ay ta jwenta. Moon bael ta sba witstiquil, ta bay teq'uel moel yu'un Líbano. La jbojbey te cedroetic yu'un te toyolic ta jyalele, soc la jts'etbey te c'antajetic yu'un te bayal yutsilique. La jta c'oel te bay mero toyol witsetique, soc te ja'maltic te ts'unbil nichimetic yilele.

Salmos 104:16

Ya xch'ab taquinti'il ya yaiyic te te'etic, ja' te cedroetic ta Líbano te la sts'un te Cajwaltique.

2 Reyes 14:9

Pero te Joás jich la yac'bey sujt'ib: “Te jch'ix itaj la sticun ta alel te cedro ta Líbano: ‘Ac'beya te awantsil-nich'an te jquerem-nich'ane, yu'un ya yinamin’, xi'. Pero jcojt' ja'mal chambalam c'ax tey a, tenot jilel te jch'ix itaj, xi' te sloc'ombail c'ope.

Números 21:28

Ta Hesbón, ja' te lum yu'un Sehón, loc' tel c'ajq'uetic, pujc' bael, la slajin te lum Ar ta Moab soc te moeletic bael te ay ta swenta te muc'ja' Arnón.

San Mateo 13:32

Manchuc teme biq'uit ay yu'un spisil te yantic sbac' awalile, ja'uc me to, muc' ya xc'ot ta ch'iel, c'ax jich te bit'il yantic awalts'unubile, soc jich ya xc'ot bit'il jpejt' te'. Te ja'mal mutetique, ya xtal spas xpechechic tey a ta bay te sc'abc'abe —xi' te Jesuse.

Ezequiel 31:3

Pajalat soc cedro yu'un Líbano, buen t'ujbil sc'abc'ab te ya yac'bey yaxinal te ja'maletique, soc mero toyol te sni'il asta ya sta c'oel te tocaletique.

Isaías 1:31

Te tulanil winic jich ya xc'ot te bit'il taquin ac, te yat'ele, jich bit'il snichc'ajc': ta xchebalic pajal nax ya xc'ajq'uic soc ma me ayuc mach'a ya stup' —xi' te Cajwaltique.

Jueces 9:49

Spisilic la sbojic te sc'ab ste'ique, soc jich la st'unic bael te Abimelec. Ta bay anjibal tulanil templo tey la sbusanic spisil a te c'ab te'etic yich'ojic tele. La stsumbeyic sc'aal, jich la smil spisil te yajwal Midgal-siquem, te ay niwan jmil (1,000) ta jtul winiquetic soc antsetic.

Jueces 9:14

“Ta slajibal te te'etic la yalbeyic te ch'ix, te ja'uc ya x'och ta muc' ajwalil yu'unique.

Jueces 9:16

La yal xan te Jotame: —Yo'tic ya jojc'obeyex: ¿Lec bal yacalex ta at'el ta melel? ¿Stojil bal ya awaiyic te ja' ya awaq'uic ta muc' ajwalil te Abimelec? ¿Lec bal awo'tanic ta stojol te Jerobaal soc te mach'atic ay yu'une? ¿Jich nix bal yutsil awo'tanic ta stojol te bit'il yutsil yo'tan ta atojolic?

Salmos 29:5

te sc'op Cajwaltic ya swuy te cedroetique. Te Cajwaltic ya swuy te cedroetic yu'un Líbano.

Jueces 9:44

Ba yac' sbaic ta ora ta spuertail sts'ajc'ul te lume, yan te cha'chajp swinictac la slumtay, soc la smilic te mach'atic yacalic ta beel ta aquiltique.

Lamentaciones 4:20

Tsacotix ta pejts' te mach'a tsabil yu'un te Cajwaltique, ja' te mach'a cuxulotic ta swenta, ja' te muc' ajwalil, te la calbeytic sc'oplale: “Ya me xcuxinotic ta awaxinal ta yolil te lumetique”, te xootic yu'une.