Jueces 8:27 - Bible in Tzeltal de Oxchuc y Tenejapa

²⁷ Te Gedeón la spas jun efod a te oro. La yac' ta lum Ofra, ja' te slumale. Spisil te israeletic chebaj yo'tanic ta stojol Cajwaltic ta scaj te efod. Ja' nax syacjibal c'ot a te Gedeón soc spisil te mach'atic ay yu'une.

Bible in Tzeltal Bachajón

²⁷ Te Gedeón la spas ta efod te la yac' ta slumal ta Ofra. Spisil Israel la yac' sbahic ta antsinel c'ohem ta stojol te efod tey a. Ha sc'ohchinojibal c'oht yu'un te Gedeón soc spisil mach'atic ay yu'un ta sna.

Jueces 8:27 Referans Kwoze

Salmos 106:39

la sboltes sbaic melel mulwej la spasic a ta spisil te yat'elique.

Jueces 18:14

Te jo'tul jtsajtaywanejetic te yilojiquix te q'uinal ta lum Lais, la yalbeyic te sjo'tac: —¿Ya bal ana'ic te ay bila li'to? Ja' te na lum ay to, ay efod soc yajcananic ta na, soc loc'omba te buen pasbil ta plata. ¿Bi ya ac'an apasic yu'un? —xiic.

Jueces 17:5

Te Micaía ay jtsal na yu'un ta bay ya squejan sba ta stojol te dios yu'une. La spas jun efod soc yajcanan yu'un sna. Ja' la yac' ta sacerdote te jtul snich'ane.

Jueces 18:17

Te jo'tul jtsajtaywanejetic ochic bael ta na, la stsaquic te loc'omba te lec pasbil ta plata, te efod, soc te yajcananic ta na. Te sacerdote jil ta ti'ts'ajc' soc te lajunwinic xcha'bajc' (600) soldadoetique.

Deuteronomio 7:16

Yan te ja'exe ya me alajinic spisil te lumetic te ya yac'beyex ta ac'abic Cajwaltic te Dios cu'untique. Ma me xtal xc'uxul ta awo'tanic, soc ma me xach'uunic te diosetic yu'unique. Melel teme jich ya apasique, ja' me ch'aybil ya xc'oex yu'un abi.

Jueces 6:24

Jich yu'un te Gedeón la sts'ajc'ubey scajtijib ta chiq'uel smajt'an tey a swenta yich'jibal ta muc' te Cajwaltique. “Lamal-o'tanil ya yac' Cajwaltic”, xi' sbiil c'ot yu'un. Te scajtijib majt'anile ay to ta Ofra ta sq'uinal yu'un te sts'umbal Abiezer.

Éxodo 23:33

Ma me xawac' te ya x'ainic ta alumal, swenta yu'un ma me xyac'bat ale amul ta jtojol. Teme baex ta xch'uunel te diosetic yu'unique, ch'ayex me abi —xi' te Cajwaltique.

Oseas 2:2

Te Cajwaltic ya yal: —Te ja'exe albeyaic smul te ame'ique, albeyaic te smule, melel ma quinamuquix, ni ma smamlaluconix. Ma me jichuc ya spasulay sba ta ilel te bit'il jmulawil antse. Ya me sq'uej bael ta yo'tan te mach'atic ya xmulanot yu'une.

Isaías 8:20

swenta yu'un ya x'ac'botic sna'ic te bila ya yal —xiic me. Jich nix ya yalbeyex a, pero te bila ya yalique puro jowil c'op.

Salmos 73:27

Te mach'atic ya xc'ubic ta atojol, ya me xlajic; ya me alajin te mach'atic ma junuc yo'tanic ta atojole.

Jueces 6:11

Ta patil te ch'ul abat yu'un Cajwaltic, la snajc'an sba ta yet'al jijte' te ay ta lum Ofra, te ay ta swenta Joás, ja' te sts'umbal Abiezer. Gedeón te snich'an Joás yac ta yic'uyel ta muquen te strigo ta yawil bay ya yich' pits'el ta teq'uel te ts'usube, swenta yu'un ma me xyilic te madianetique.

Deuteronomio 12:5

Tey nix ta yolil te chajbalchajp ats'umbalique, te Cajwaltic ya me stsa te banti ya xnain te sbiile. Tey me ya xju' ya xba ach'uunic a.

Deuteronomio 7:25

Ja'ex me ya achic'beyic te loc'ombaetic cuybil ta diosetic yu'unique. Ma me xbic'taj awo'tanic yu'un te oro te plata yich'ojic te loc'ombaetique. Ma me awo'tanuc x'awich'beyic, ma me xyalex ta mulil yu'un. Teme jich ya apasique, ja' me ya apasic abi te bila ilaybil yu'un te Cajwaltique.

Jueces 8:26

Spisil te staq'uinal chiquiniletic jteb ma loq'uemuc balunlajuneb kilo te yalale. Ma ba ajtaybil stuquel spisil ta jchajp te yantic xch'alilic, soc te paq'uetic te púrpura sbonile, ja' te sc'u'ic te ajwaliletic yu'un Madián, soc te yual snuq'uic te camelloetic yu'unique.

Jueces 8:28

Jich te madianetic lajic ta tsalel yu'un Israel, jc'axel la yich'ic pejc'anel yu'un. Ma'yuc banti la stoy sbaic xan ta stojol Israel ta patil. Jc'axel lamaj q'uinal cha'winic (40) ja'wil te c'alal cuxul a te Gedeón.

Éxodo 32:4

Jich la stsac jilel ta sc'ab. La yultes ta c'ajc' te oro, la yac' ta smoldeil, la spas xan ta cincel. Jich la spasbey sloc'ombail jcojt' alal toro a. Jich la yalic ta spisilic te israeletique: —¡Jlumal, ilawil, ja' dios cu'untic te la sloq'uesotic tel ta Egipto! —xiic.

Éxodo 34:16

Soc repente ya yac'beyex yantsil-nich'nabic te ya yic' sbaic soc te aquerem-nich'nabique. Jich yu'un, te c'alal ya xba yaiyic mulwej ta xch'uunel te diosetic yu'unic te yinamique, tey me ya yac' sbaic ta pejc'anel uuc te anich'nabique.

Jueces 2:2

Ja' la cal yu'un te manchuc ya apasic trato soc te mach'atic yajwalic te q'uinale, soc te yacuc ajinbeyic te scajtijib ta chiq'uel majt'aniletic yu'unique; ja'uc me to, ma la ac'an la ach'uunic. Ilawil te bila apasojiquixe.

Jueces 2:3

Jich yu'un ya calbeyex yo'tic: Ma ba ya jloq'uesbeyex bael te lumetique. Te lumetic soc diosetic yu'unic, ja' me ayaquilic ya xc'ot ta atojolic te ja'exe —xi' te ch'ul abate.

Salmos 106:35

Ja' ba scapin sba soc te mach'atic ma'yuquic ta stojol te cuxul Dios, soc la snopbeyic te scostumbreique.

Ezequiel 7:20

Ta scaj st'ujbilal te oro soc plata yu'unic, te noj ta yo'tanic te bitic ma'yuc swentaile, ja' la spas a te ilaybil sba loc'ombaetic yu'unic te cuybil ta Dios yu'unique. Ja' yu'un jo'on la jc'atp'unbeyiquix ta c'a'pal te oro soc plata yu'unique.

Oseas 3:4

Melel te israeletic mero bayal c'aal jich nax ayic: Ma'yuc muc' ajwalil, ni ch'in ajwaliletic yu'unic, ma'yuc milbil majt'anil, ni ma'yuc tejc'anbil toneticte ch'ultesbil yu'unique, ma'yuc sc'u' sacerdoteetic, ni yajcananic ta nanatic.