Jueces 8:26 - Bible in Tzeltal de Oxchuc y Tenejapa

²⁶ Spisil te staq'uinal chiquiniletic jteb ma loq'uemuc balunlajuneb kilo te yalale. Ma ba ajtaybil stuquel spisil ta jchajp te yantic xch'alilic, soc te paq'uetic te púrpura sbonile, ja' te sc'u'ic te ajwaliletic yu'un Madián, soc te yual snuq'uic te camelloetic yu'unique.

Bible in Tzeltal Bachajón

²⁶ Te yalal te staq'uinal chiquiniletic te la sc'ambe, ha ho'winic yo'bahc' (1,700) siclohetic yu'un oro; ma ba la yich' ahtayel stuquel spisil ta chahp te yantic sch'ahlelalic te ha yach'il u yilelic soc te chi'in-yax c'u'ul paq'uetic te yich'ojic te ajwaliletic yu'un Madián, soc te yuhal snuc' te camellohetic yu'unique.

Jueces 8:26 Referans Kwoze

Apocalipsis 18:16

soc jich me ya yalic yu'un: “Mero obol sba te muc'ul lume, te slapoj lequil lino-pac' ta neelal, soc tsaj'aman pac' soc tsajal pac' soc xch'aloj sba ta oro soc ta t'ujbil lequil tonetic soc perlaetic.

Apocalipsis 18:12

Ja' sp'olmalic te oro, plata, t'ujbil lequil tonetic, perlaetic, lequil lino-pac', seda-pac', tsaj'aman pac', te tsajal pac', soc spisil ta jchajp te'etic te ay sbujts' yiq'ue, soc te bila pasbil ta sbaquel ye te elefantee, t'ujbil te'etic, bronce, hierro, marmol-ton,

San Juan 19:5

Jich loc' tel te Jesuse. Scoronainej tel te xotbil ch'ixe, soc slapoj tel te tsaj'aman c'u'ule. —¡Ilawil te winique! —xi' te Pilatoe.

San Juan 19:2

Te soldadoetique la xotic ta jalel corona ch'ix. La yac'beyic ta sjol te Jesuse. Soc la yac'beyic slap najt'il tsaj'aman c'u'ul.

Jeremías 10:9

Te awajcananic, plata nax ich'bil tel ta Tarsis soc oro te ich'bil tel ta Ufaz; ja' te pasbilic yu'un te mach'atic ya sna'ic spasele, ja' te jpas-plata-taq'uinetique. Te sc'u'ic, te morada sbonilic soc te tsaje, ta spisilic chajbanbilic ta swenta te mach'atic c'aemic ta spasele.

Ester 8:15

Te Mardoqueo loc' jajch'el ta spalacio te muc' ajwalil, slapoj najt'il c'u'il te ay syaxal soc te ay saquil swenta sc'u' muc' ajwalil, soc jun muc'ul corona pasbil ta oro soc jun smeyil pac' pasbil ta lino soc púrpura. Spisil te yajwal te lum Susa jajch'ic ta aw swenta sbujts' q'uinal la yaiyic.

Apocalipsis 17:4

Te sc'u' slapoj te antse, tsaj soc tsaj'aman. Xch'aloj sba ta oro soc ta t'ujbil lequil tonetic soc ta perlaetic. Yich'oj ta sc'ab copa te pasbil ta oro te nojel tey a te bila ya yilay te Diose, capal soc sbolil te smulweje.

Ezequiel 27:7

Te apac'ale yich'oj pasel ta ch'albil lino talem ta Egipto, ja' nix ya xtuun awu'un ta bandera. Te awaxib paq'ue, morada soc tsajal pac', talem ta ti'ti'mar yu'un Elisa.

San Lucas 16:19

“Ay jtul jc'ulej-winic te c'aem ta slapel buen t'ujbil tsaj'aman pac', soc t'ujbil lino-pac' soc jujun c'aal ya spas q'uin, soc buen bujts'an nax swe'el te jujun c'aale.

Jueces 8:21

Jich yu'un te Zeba soc te Zalmuna la yalbeyic te Gedeón: —Milawotic ja'at. Teme winicate, ya xna'ot ta swenta te atulanile —xiic. Te Gedeón och ta smilel soc la stsacbey te xch'alil te ay ta snuc' te camelloetic yu'un Zeba soc Zalmuna.

Jueces 8:25

Te israeletic la slimic pac' ta lum, tey la sbusanic a te staq'uinal chiquiniletic la spojic tele. Jich la yalbeyic te Gedeón: —Li' me ay to —xiic.

Jueces 8:27

Te Gedeón la spas jun efod a te oro. La yac' ta lum Ofra, ja' te slumale. Spisil te israeletic chebaj yo'tanic ta stojol Cajwaltic ta scaj te efod. Ja' nax syacjibal c'ot a te Gedeón soc spisil te mach'atic ay yu'une.

Proverbios 31:22

Ja' nix ya sjal smujq'uil; soc ja' ya sc'u'in stuquel te buen t'ujbil paq'uetique.

Isaías 3:18

Te bi c'aalil ya cale, te Cajwaltic ya xch'ay ta jc'axel spisil te xch'alilique: te xch'alil yacanic, te taq'uinetic lechajtic ta stibaic, te bitic pajal ta ilel soc te yach'il u,