Jueces 8:24 - Bible in Tzeltal de Oxchuc y Tenejapa

²⁴ Te bi ya jc'anbeyex, ja' te ya awac'bonic te staq'uinal chiquiniletic la apojic, teme jich awo'tanique —xi'. (Ja' scostumbre te madianetic te ay staq'uinal xchiquinic pasbilic ta oro, jich bit'il yantic ismaeletic.)

Bible in Tzeltal Bachajón

²⁴ Soc la yal xan: Ay bin ya jc'ambeyex: jujutuhlex a'bonic te staq'uinal chiquinil te la apojic, xchi. (Yu'un ay staq'uinal chiquiniletic pasbilic ta oro, como ha'ic ismaeletic.)

Jueces 8:24 Referans Kwoze

Génesis 25:13

Jich sbiilic te jayeb snich'nab te Ismaele: Te sba snich'an Ismael Nebaiot sbiil. Ayinic xan te Cedar, soc Adbeel, Mibsam,

Génesis 37:28

Ay jchonbajeletic madianetic yaquic ta c'axel tey a. Jich yu'un la sliquic loq'uel ta pozo te José, la xchonbeyic bael te ismaeletique, jtab ta jsejp plata stojol c'ot. Jich ic'ot bael ta Egipto te José.

Génesis 37:25

La snajc'an sbaic, ochic ta we'el. Yacalic ta we'el a, la stoy sitic, la yilic yacalic ta talel ismaeletic jajch'emic tel ta Galaad. Smacojic ta beel scamelloic te xcuchojic te bila bujts'an yic' soc bálsamo soc mirra, te ya xba xchonic ta Egipto.

1 Reyes 20:11

Jich te muc' ajwalil yu'un Israel la sticunbey ta alel, jich la yalbey: “Ma to xac'ajintay tsalaw, ja' to teme c'ot ta pasele”, la yut.

1 Samuel 25:11

¿Ya bal c'an jtsac te we'el-uch'elil, ti'bal te chapal cu'un, yu'un ya cac'bey te jloq'uesej-tsotsil-chijetic cu'une? ¿Ja' bal ya cac'bey te mach'a ma jna' banti talemique? —xi' te Nabal.

Éxodo 32:3

Spisilic la sloq'uesic te staq'uinal xchiquinic te pasbil ta oro, la yich'ic bael ta stojol te Aarón.

Éxodo 12:35

La sc'anbeyic bael egipcioetic te oro soc plata soc c'u'iletic jich bit'il pasotic ta mandal yu'un Moisés.

Génesis 24:53

Soc la sloq'ues bayal majt'aniletic pasbil ta oro, ta plata, soc c'u'il-pac'aletic, la yac'bey te Rebeca. Soc la yac'bey buen t'ujbil majt'aniletic te xi'lele soc te sme'e.

Génesis 24:22

C'alal laj yo'tanic ta yuch'el ja' te camello, te winic la sloq'ues jun ch'ocowil pasbil ta oro te la yac'bey ta sni', te ay niwan waqueb gramo yalal, soc cheb xan staq'uinal snuc' sc'ab pasbil ta oro te c'axem ta jo'winic (100) gramo te yalale.

Génesis 35:4

Jich yu'un la stsobic te bitic scuyojic ta Dios te yich'ojic, soc te staq'uinal xchiquinique. Te Jacob la smuc jilel ta lum ta yet'al jijte' ay ta nopol lum Siquem.

Jueces 8:25

Te israeletic la slimic pac' ta lum, tey la sbusanic a te staq'uinal chiquiniletic la spojic tele. Jich la yalbeyic te Gedeón: —Li' me ay to —xiic.

Génesis 25:12

Jich sbiilic te snich'nab Ismael te snich'an Abraham, te ja' yal te Agar te scriada Sara.

Éxodo 32:4

Jich la stsac jilel ta sc'ab. La yultes ta c'ajc' te oro, la yac' ta smoldeil, la spas xan ta cincel. Jich la spasbey sloc'ombail jcojt' alal toro a. Jich la yalic ta spisilic te israeletique: —¡Jlumal, ilawil, ja' dios cu'untic te la sloq'uesotic tel ta Egipto! —xiic.

Éxodo 32:8

Ora nax la yijq'uitayic jilel te be c'oem te la calbey mandal te ya st'unique. La spasbeyic sloc'ombail jcojt' alal toro ta oro ultesbil ta c'ajc'. Yacaliquix ta xch'uunel soc la yac'beyiquix smajt'an. Jich yacalic ta yalel: “¡Jlumal, ilawil, ja' dios cu'untic te la sloq'uesotic tel ta Egipto!” xiic me —la yut.

Ezequiel 7:20

Ta scaj st'ujbilal te oro soc plata yu'unic, te noj ta yo'tanic te bitic ma'yuc swentaile, ja' la spas a te ilaybil sba loc'ombaetic yu'unic te cuybil ta Dios yu'unique. Ja' yu'un jo'on la jc'atp'unbeyiquix ta c'a'pal te oro soc plata yu'unique.