Jueces 8:23 - Bible in Tzeltal de Oxchuc y Tenejapa

²³ Ja'uc me to, te Gedeón la sjac': —Ni te jo'on, ni te jnich'an, ma ajwaliluc ya xc'ootic awu'unic. Ja' me ajwalil cu'untic te Cajwaltique.

Bible in Tzeltal Bachajón

²³ Pero la sjac' te Gedeón: Ma ajwalilucon ya xc'ohon awu'unic, ni ha'uc te jnich'an, ha me Ajwalil awu'unic ya xc'oht te Jehová, xchi.

Jueces 8:23 Referans Kwoze

Isaías 33:22

Te slazoil te muc'ul barcoetic ma xju' ya x'ipajic ta tec'lej tey a te ste'el spac'ul; ma xju' ta lich'el te spac'ule. Ya me xju' jpojbeytic bayal sc'ulejalic te jcontrotactique, asta te ma'site ya to me xc'ot ta swenta, soc te mach'atic sicuben yacan, ya me yat'elinic spojel. Melel te Cajwaltic ja' mero juez cu'untic, ja' jpas-mandalil cu'untic soc muc' ajwalil cu'untic, ya me scoltayotic stuquel.

1 Samuel 12:12

Pero te ja'exe, te c'alal la awaiyic te ya xtal yac'beyex guerra te Nahas te muc' ajwalil yu'un amonetic, la ac'anbonic muc' ajwalil yu'un ya swentainex, manchuc me ja' muc' ajwalil awu'unic stuquel te Cajwaltic te Dios cu'untique.

1 Samuel 10:19

Pero yo'tic ma'yuquix sc'oplal ta awo'tanic te Dios awu'unic, te la scoltayex te c'alal ay bitic ay awocolic yu'un a, soc te ay bitic c'ux obol abaic yu'une. Ma ba la ac'aniquix, melel ya ac'anic te ya jlebeyex muc' ajwalil yu'un ya x'och swentainex. Ja' yu'un, yo'tic tejc'ana abaic ta stojol Cajwaltic ta juju-jchajp ats'umbalic, soc ta juju-jchajp te mach'atic ay awu'unique —xi' te Samuele.

2 Corintios 1:24

Ma yu'unuc ya jc'an jsujtiquex te bila ya sc'an ach'uunic te ja'exe, melel ayix yip te xch'uunjel awo'tanique. Ja' xanix te ya jcoltayex ta at'el te ja'exe, swenta yu'un jich me ya ata sbujts' awo'tanic.

1 Pedro 5:3

Ma me xacuy abaic ta ajwalil ta stojol te mach'atic acanantayejique. Yu'un ja' ejemploex yu'un te chijetique.

Jueces 10:18

Te israeletic te nainemic ta Galaad soc te jtsobwanejetic yu'unic la xchapic te ja' jtsobwanej ya xc'ot yu'un spisil te yajwal Galaad te mach'a ya xjajch' yac'beyel guerra ta stojol te amonetique.

Jueces 2:18

Te juez ya sle jujun buelta te Cajwaltique, ya xcoltayot yu'un te jayeb c'aal cuxule, soc ya xcoltayotic te israeletic ta sc'ab te scontroique. Te Cajwaltic ya sna'bey yo'bolil sbaic c'alal ya yaiybey stojol yajc'anic, yu'un ya xwoclajic bayal yu'un te uts'inele.

Isaías 63:19

Jich c'oemotiquix te bit'il ma ba la apasotic ta mandal, ni jtebuc; jich c'oemotiquix te ma ba quich'ojtiquix te abiile.

Jueces 8:22

Jich yu'un te israeletic la yalbeyic te Gedeón: —Te bit'il ja'at la acoltayotic ta sc'ab te madianetic, ya me jc'antic te ja'at me ajwalilat cu'untic ya xc'oat soc te ats'umbale —xiic.

Salmos 10:16

Te Cajwaltique Muc' Ajwalil sbajt'el q'uinal; te mach'atic ma'yuc ta stojol Dios, ya xch'ayic bael ta stojol.

Salmos 149:2

Bayaluc me sbujts' q'uinal x'awaiyic, israeletic, ja'ex lum Sión, melel ja' jpaswanej awu'unic te Diose, soc ja' Muc' Ajwalil awu'unic.