Jueces 8:16 - Bible in Tzeltal de Oxchuc y Tenejapa

¹⁶ Jich yu'un te Gedeón la stsac te ch'ixetic, ja' la yac'bey castigo a te mamaletic ta Sucot.

Bible in Tzeltal Bachajón

¹⁶ Hich te Gedeón la stsac ch'ix soc ch'ix-te'etic yu'un te jochol taquin q'uinal, la yac'ticlambe castigo a te mamaletic yu'un Sucot.

Jueces 8:16 Referans Kwoze

Jueces 8:7

Te Gedeón la sjac': —Lec, te c'alal ya yac'bon ta jc'ab Cajwaltic te Zeba soc Zalmuna, ya me sujt'on tel. Ya xtal jlombeyex abaq'uetalic ta muc'ul ch'ixetic soc te ch'ix ayic ta jochol taquin q'uinal —xi' te Gedeón.

Miqueas 7:4

Te mach'atic lec yilel jich c'oemic te bit'il ch'ix; te mach'a ich'bil ta muq'ue, jich nix c'oemic. Ja'uc me to, ya sta sc'aalelal te ya yich' ilel te at'elile, ja' te bi c'aalil la yalbat te j'il-q'uinale. Ja' yu'un jich ya xcajic ta soquetel.

Proverbios 19:29

Chapalix te' yu'un ya yich' majel a te mach'atic j'ixta-o'tanetique; buen majel me ya xc'ot ta spatic te mach'atic ma sna'ic q'uinale.

Proverbios 10:13

Ay p'ijil c'op ta ye te mach'a ay sp'ijil yo'tane; yan te mach'a ma sna' q'uinale, ya yich' majel ta te'.

Esdras 2:6

te mach'atic yu'un Pahat-moab, ja' nix yu'un Josué soc Joab, cha'mil soc lajchayeb yoxbajc' (2,812)

Jueces 8:15

Jich yu'un te Gedeón c'alal c'ot ta Sucot, jich c'o yalbey te lume: —¿Ya bal ana'ic te la alabanonic ta scaj te Zeba soc Zalmuna? ¿Ya bal ana'ic te ma la awac'bonic swe'el te soldadoetic sjoinejonic te c'ax ayiquix ta lubel a? La awalbotic te ja' yu'un te ma to ayuc ta jc'abtique. Ta ora to ayix ta atojolic —xi' te Gedeón.

Jueces 8:17

Ja' nix jich la sjinbey coel te toyol ts'ajc' yu'un te lum Penuel, soc la smil te ants-winiquetique.