Jueces 7:9 - Bible in Tzeltal de Oxchuc y Tenejapa

⁹ Ta ajc'ubal a, te Cajwaltic la yalbey mandal te Gedeón: —Jajch'an, coan bael ta yochintayel te madianetique, ya cac'beyex ta ac'abic.

Bible in Tzeltal Bachajón

⁹ Ta ahc'abal nix, te Jehová hich la yalbe: Hahchan, cohan bahel ta ya'beyel guerra te campamento, yu'un la jca'batix ta ac'ab.

Jueces 7:9 Referans Kwoze

Jueces 3:28

Te Aod la yalbey te ya me sts'aclinic bael, melel te Cajwaltic ya yac'bey stsal te scontroique, ja' te moabetique. Jich la sjoinic bael. La yich'ic te tec'oja' yu'un Jordán, soc ma'yuc mach'a la yac' c'axel jtuluc.

Hechos 27:23

Melel te Diose te yu'uninejone soc te ayon ta abatinel yu'une, ta ajc'ubal la stejc'anbon ta jtojol jtul ch'ul abat yu'un.

San Mateo 2:13

Te c'alal sujt'iquix bael a te p'ijil winiquetique, te José chicnaj la yil ta swaich jtul ch'ul abat yu'un te Cajwaltique. Jich albot yu'un: —Jajch'an, ic'a bael te alale soc te sme'e. Anan bael ta sq'uinal Egipto. Tey me ya x'ainat a ja' to teme ya calbat xane, yu'un te Herodese ya xtal sle smil te alale —xi' te ch'ul abate.

San Mateo 1:20

Te c'alal jich snopojix a te jich c'an spase, ta swaich chicnaj la yil jtul ch'ul abat yu'un te Cajwaltique. Jich albot yu'un: —José, te sts'umbalat Davide, ma x'axi' te ya awic' awinamin te Mariae, melel te bit'il ay yale, ja' ta swenta te Ch'ul Espiritue.

Job 4:13

Ta ajc'ubal, te c'alal wayalic a te ants-winiquetique, tal waichejel ta jtojol.

2 Crónicas 20:17

Ma me ja'uquex ya xbaex ta atsalbel abaic soc ta guerra. Tejc'ana abaic tey a ta bay ya xc'oexe, ch'abanic me, ya me awilic bit'il ya caq'uex ta libre, jo'on te Ajwalilone. Yajwalex Jerusalén soc ta spisil Judá, ma me xiw awo'tanic, soc ma me xnijc' awo'tanic; baan ta stojolic pajel, melel ya me joinex bael”, xi' te Cajwaltique —xi' te j'alwaneje.

Jueces 3:10

Te espíritu yu'un Cajwaltic jul ta wentainel yu'un te Otoniel, ja' juez c'ot yu'un te israeletique. Loc' bael ta guerra, te Cajwaltic la yac'bey yaiy tsalaw ta stojol Cusan-risataim.

Josué 10:8

Te Cajwaltic la yalbey: —Ma me xiwat, melel jo'on ya cac'beyex ta ac'abic, ma me ayuc jtuluc ya stsalex —xi' te Cajwaltique.

Josué 2:24

Jich jul yalic: —Te Cajwaltique yac'ojbotiquix ta jc'abtic te q'uinale. Jo'otic ta jcajtic te lajem ya yaiyiquix yu'un xiwel te lume —xiic.

Josué 11:6

Ja'uc me to, te Cajwaltic la yalbey te Josué: —Ma me x'axi'ic, melel te pajel ta jich ora to, spisilic me ya xju' awu'unic smilel. Tuch'beyaic ta bojel xchial yacanic te scaballoic, soc chic'beyaic te scarretaic yu'un guerra —xi' te Cajwaltique.

Jueces 7:8

Jich yu'un te Gedeón la yalbey mandal te yantic, te ya sujt'ic bael ta snailpaq'uic ta bay scampamentoic. Ja'uc me to, la stsobeyic jilel te sq'uibic soc te xulubil yich'ojique. Ja' nax a jil soc Gedeón te jo'lajunwinic (300) ta jtul winiquetic te tsabiliquixe. Moel ba spas scampamentoic ta cajal yu'un te madianetic te ayic ta stenlej xatal q'uinal.

Jueces 7:10

Yan teme ya to xiwat ta spasel guerra soc awaiye, coan bael neeluc soc te Fura te awabate, tey ta bay scampamentoic.

1 Samuel 14:8

Jich la yalbey xan te Jonatán: —Lec ay jiche, ya me xc'axotic bael ta sjejch'elul te banti ayic te filisteoetique. Ya me cac' yilotic.

1 Samuel 23:4

Te David bajt' xan ta sjojc'obeyel te Cajwaltique. Te Cajwaltic jich la yal: —Jajch'an ta beel, baan ta Keila, jo'on ya cac'bat ta ac'ab te filisteoetique —xi'.