Jueces 7:4 - Bible in Tzeltal de Oxchuc y Tenejapa

⁴ Ja'uc me to, la yal xan te Cajwaltique: —Mero bayal to ta jyalel. Ic'a bael ta yuch'el ja', tey me ya cac'bey prueba quil a. Tey me ya calbat a te mach'atic ya ajoin bael, soc te mach'atic ma ba ya ajoin baele —xi' te Cajwaltique.

Bible in Tzeltal Bachajón

⁴ La yal xan te Jehová: Mero bayelic to; ic'ticlana bahel ta ha', tey ya jpas ta prueba quil a. Te mach'a hich ya calbat sc'oblal: Ac'a sjoquinat bahel ini, teme xchihone, ha me ya sjoquinat bahel; pero te mach'a ya calbat sc'oblal: Ma ba ya sjoquinat bahel ini, teme xchihone, ma ba ya xbaht stuquel, xchi.

Jueces 7:4 Referans Kwoze

Salmos 33:16

Ni jtuluc muc' ajwalil ya xcoltayot yu'un te bayal ta jyalel te soldadoetic yu'une; ni jtuluc ya xcoltayot yu'un te mach'atic muq'uic te bayal yipique.

1 Samuel 16:7

Pero albot yu'un te Cajwaltic: —Ma me ja'uc xbajt' ta awo'tan te bi yilele; te bi yilel snajt'il soc te bi yilel st'ujbilale, te jo'one ma ja'uc ay sc'oplal cu'un. Ma ja'uc ay ta wenta cu'un te bi ya yich' ta wenta te ants-winiquetique. Ja' ya xbajt' ta yo'tanic te bi yilel stec'lejal, yan te jo'one ja' ya quilbey te bi yilel te yo'tane —xi'.

Job 23:10

Spisil yiloj te juju-jtejc' ya xbeenone; ya spason ta prueba, pero mero lec me ya xloc'on, jich me ya xloc'on yu'un te bit'il mero lequil oro.

1 Samuel 14:6

Jonatán jich la yalbey te abat yu'une: —La', c'axucotic bael ta jejch'. Ya me xc'ootic c'alal ta banti ayic te jchajp soldadoetic te ma ba xch'uunejic te cuxul Diose. Ora ay bi ya spasbotic ta jtojoltic te Cajwaltic, melel ma ba wocol ya yaiy stuquel teme ya yac'otic ta tsalaw soc jteb nax winiquetic, o teme tsobol winiquetique —xi' te Jonatán.

Salmos 66:10

Dios cu'untic, ja'at la awac'otic ta prueba, jich la awac' quich'tic lecubtesel te bit'il ya yich' lecubtesel plata.

Salmos 7:9

Dios, te toj awo'tane, ja'at ya ana' te bitic ya snop te o'tanile soc te bitic ya yal te o'tanil c'alal ta yutil. Lajinbeya sc'oplal ta jc'axel te mach'atic amen yo'tanique; yan te mach'atic lec yo'tanique, junuc me yo'tanic awu'un.

Génesis 22:1

Ta patil Dios la spas ta prueba Abraham teme jun yo'tan ta stojole. La yalbey: —Abraham —xi'. La sjac' te Abraham: —Li' ayon to, Cajwal —xi'.

Jueces 7:5

Te Gedeón jich la yic' bael te winiquetic ta yuch'el ja'. Te Cajwaltic la yalbey: —Te mach'atic ya yuch'ic ja' ta sc'abic, te ya sleq'uic jichuc ts'i'etic, q'uepa loq'uel ta stojol te mach'atic ya spajc'an sbaic ta yuch'ele —xi' te Cajwaltique.