Jueces 7:23 - Bible in Tzeltal de Oxchuc y Tenejapa

²³ Jich la yich' iq'uel tel te sts'umbal Neftalí, te sts'umbal Aser soc te sts'umbal Manasés, swenta yu'un ya me snutsic bael te madianetique.

Bible in Tzeltal Bachajón

²³ La yich'ic iq'uel tal te winiquetic yu'un Israel, ha ta Neftalí, Aser soc spisil Manasés, la snutsic bahel te madianetique.

Jueces 7:23 Referans Kwoze

Jueces 6:35

Soc la sticunbey xan c'op ta iq'uel tel spisil te sts'umbal Manasés te jun nax ya xtal yac' sbaic soque. La sticunbey xan sc'oplal ta iq'uel tel te sts'umbal Aser, Zabulón soc te sts'umbal Neftalí. Jich talic ta spisilic, la stsob sbaic ta jun nax.

Génesis 36:35

Laj te Husam, ja' la sjelolin ta ajwalil te Hadad snich'an Bedad, te la stsal te madianetic jun buelta ta sq'uinal Moab. Avit sbiil te lum te banti naineme.

Levítico 26:7

Te ja'exe ya me awac' loc'uc ta anel te acontroique, soc ya me alajinic ta puñal.

1 Reyes 20:20

Ta juju-jtul la smil juju-jtul scontroic. Te siriaetic loq'uic ta anel. Te israeletic la snutsic bael, pero te Ben-adad, te muc' ajwalil yu'un siriaetic, col loq'uel ta c'abal, bajt' ta anel ta caballo soc yantic soldadoetic te cajajtic ta caballo.

1 Reyes 20:21

Jich te muc' ajwalil yu'un Israel ba sten bael te siriaetique. La yu'uninbey te caballoetic soc te carretaetic yu'un guerra. Mero buen tsalbil c'ot yu'unic te siriaetique.