Jueces 7:21 - Bible in Tzeltal de Oxchuc y Tenejapa

²¹ Tey nax ainic a te israeletic ta bay tec'ajtic ta sjoyobal scampamentoic te madianetique. Spisil te soldado-madianetic awunic, soc loq'uic bael ta anel.

Bible in Tzeltal Bachajón

²¹ Te snich'nab Israel tey nix hilic a ta banti tec'ajtic ta sjoyobal te campamento, spisil te soldadohetic yu'un Madian awonic soc loq'uic ta ahnel.

Jueces 7:21 Referans Kwoze

Proverbios 28:1

Te mach'a amen yo'tan ya x'an bael, manchuc me ma'yuc mach'a ya xnutsot yu'un; yan te mach'a toj yo'tane, jun yo'tan ay jichuc león-choj.

Isaías 30:15

Te Cajwaltic te Ch'ul Dios yu'un Israel ya yal: —Sujt'anic tel, soc lamal me awo'tanic, jich me ya xcolex. Te bit'il lamal nax awo'tanic soc te bit'il ay smuc'ul awo'tanique, tey me ay a te awipique —xi' te Cajwaltique. Pero te ja'exe ma la ac'anic,

Isaías 30:7

te mero ma'yuc yip, ma'yuc bi ya xju' yu'un ta coltaywanej. Ja' swentail te jich cac'ojbey sbiilin: “Muc'ul chambalam te ya x'awune, ma'yuc bi ya spas ni jtebuc”, xi' me.

2 Crónicas 20:17

Ma me ja'uquex ya xbaex ta atsalbel abaic soc ta guerra. Tejc'ana abaic tey a ta bay ya xc'oexe, ch'abanic me, ya me awilic bit'il ya caq'uex ta libre, jo'on te Ajwalilone. Yajwalex Jerusalén soc ta spisil Judá, ma me xiw awo'tanic, soc ma me xnijc' awo'tanic; baan ta stojolic pajel, melel ya me joinex bael”, xi' te Cajwaltique —xi' te j'alwaneje.

Éxodo 14:25

Jajch' ta bolobel yacan te scarretaic, wocoltic xanix a ju' ochel bael yu'unic a. Te egipcioetic la yalbey sbaic: —Anucotic sujt'el ta stojol te israeletique, melel te Yajwalique ja' ya yac'botic guerra ta swentaic —xiic.

Hebreos 11:34

soc ju' yu'unic stup'el yip te c'ajq'ue, soc ju' yu'unic te ma la yich'ic milel ta puñal te bit'il chapal sc'oplalique, soc ac'bot stulanilic te mach'atic ma'yuc yipique, soc ju' yu'unic guerra, soc ju' yu'unic snutsel bael te soldadoetic yu'un te yajcontroique,

Jueces 7:20

Ta yoxchajbalic jun nax la yoq'uesinic te xulubil yich'ojic ta sc'abic, soc la swuyic te sq'uibique. Ta xq'uexen sc'abic la yich'ic bael te sc'ajq'uique, yan te xulubil ay ta swa'el sc'abic stuquel, soc awunic: “¡Guerra ta swenta Cajwaltic, soc ta swenta Gedeón!” xiic ta aw.

1 Reyes 20:20

Ta juju-jtul la smil juju-jtul scontroic. Te siriaetic loq'uic ta anel. Te israeletic la snutsic bael, pero te Ben-adad, te muc' ajwalil yu'un siriaetic, col loq'uel ta c'abal, bajt' ta anel ta caballo soc yantic soldadoetic te cajajtic ta caballo.

2 Crónicas 20:15

jich la yal: —Aiybon awaiyic jc'op te yajwalex Judá soc Jerusalén, soc te ja'at muc' ajwalil Josafat. Te Cajwaltic ya yalbeyex: “Ma me xiw awo'tanic, soc ni ma me xnijc' awo'tanic ta stojol te bayal soldadoetic, melel te guerra ma ja'uc awu'unic te ja'exe, ja' me cu'un jtuquel te Dioson awu'unique.